រុស្សី​និយា​​​យ​ថា​មិ​ន​តាម​​ដាន​​ចៅហ្វាយ​​Wagner

រុស្ស៊ី​និយាយ​ថាខ្លួន​គ្មាន​សមត្ថភាពនិង​គ្មាន​ចេតនា​ត្រួត​ពិនិត្យ​ក្រោយ​ការ​បះបោរWagnerលោកYevgeny Prigozhin។អ្នកនាំពាក្យវិមានក្រឹមឡាំង លោក Dmitry Peskov បាននិយាយកាលពីថ្ងៃទី៦ខែកក្កដាថា "យើងមិនត្រួតពិនិត្យសកម្មភាពរបស់គាត់ទេ។យើងក៏មិនមានលទ្ធភាព និងឆន្ទៈធ្វើដូច្នេះដែរ"នៅពេលសួរអំពីកន្លែងលាក់ខ្លួនបច្ចុប្បន្នរបស់ចៅហ្វាយWagnerលោកYevgeny Prigozhin ។

អ្នកនាំពាក្យវិមានក្រឹមឡាំង លោក Dmitry Peskov ។RIA NOVOSTI 

ប្រធានាធិបតីបេឡារុស្ស Aleksandr Lukashenko នៅព្រឹកថ្ងៃដដែលបាននិយាយថាចៅហ្វាយ WagnerលោកPrigozhinនៅតែស្ថិតនៅក្នុងប្រទេសរុស្ស៊ីជាមួយនឹងខ្មាន់កាំភ្លើងរាប់ពាន់នាក់ទោះបីជាគាត់ត្រូវបានគេជឿថាបានផ្លាស់ទៅប្រទេសបេឡារុស្សបន្ទាប់ពីការបះបោរចុងខែមិថុនាក៏ដោយ។ប្រធានាធិបតីបេឡារុស្សបាននិយាយអំពី Prigozhin ថា "គាត់នៅ St. Petersburg ប្រហែលជាបានទៅទីក្រុងម៉ូស្គូនៅព្រឹកនេះ"ដោយបន្ថែមថាអង្គភាពសន្តិសុខរុស្ស៊ីប្រហែលជាកំពុងមើលគាត់យ៉ាងដិតដល់។ការបះបោរ២៤ម៉ោងរបស់ លោកPrigozhinនៅថ្ងៃទី២៤ខែមិថុនាបានបញ្ចប់បន្ទាប់ពីឈានដល់កិច្ចព្រមព្រៀងជាមួយវិមានក្រឹមឡាំងតាមរយៈប្រធានាធិបតីបេឡារុស្ស។ នៅក្រោមកិច្ចព្រមព្រៀង Prigozhin ត្រូវបានលើកលែងពីការកាត់ទោស ហើយបានផ្លាស់ទៅប្រទេសបេឡារុស្ស។ប្រព័ន្ធផ្សព្វផ្សាយរុស្ស៊ីបានរាយការណ៍កាលពីថ្ងៃទី៥ខែកក្កដាថាPrigozhinបានត្រឡប់ទៅប្រទេសវិញដើម្បីទទួលអាវុធដែលរឹបអូសបានមកវិញនៅពេលដែលមន្រ្តីសន្តិសុខបានឆ្មក់ចូលការិយាល័យរបស់ Wagner កាលពីថ្ងៃទី២៤ខែមិថុនា។ប្រធានាធិបតី Lukashenko បាននិយាយកាលពីថ្ងៃទី៦ខែកក្កដាថា Wagnerនឹងត្រូវចុះហត្ថលេខាលើកិច្ចសន្យាស្របច្បាប់ជាមួយប្រទេសបេឡារុស្ស។ប្រសិនបើខ្លួនចង់ដាក់ពង្រាយកងកម្លាំងនៅក្នុងប្រទេស។លោក Lukashenko បន្ថែមថា បេឡារុស មិនបានសាងសង់បន្ទាយសម្រាប់ Wagnerទេ។ប៉ុន្តែបានផ្តល់ឱ្យពួកគេនូវសម្ភារៈយោធាជាច្រើនពីសម័យសូវៀត សម្រាប់ជាទីជម្រក។លោកបាននិយាយថា "ប៉ុន្តែ Wagner មានចក្ខុវិស័យខុសគ្នាលើរឿងនេះ ហើយជាការពិតណាស់ ខ្ញុំនឹងមិនប្រាប់អ្នកអំពីវាទេ" ។"មិនថាពួកគេមកប្រទេសបេឡារុស្សឬអត់ ហើយប៉ុន្មាននាក់ទេយើងនឹងរកឃើញក្នុងពេលដ៏ខ្លីខាងមុខនេះ"៕ប្រភពNewsweek