បេឡារុស្ស​ហា​​ត់​​ស​ម​ជាមួយW​ag​ne​rនៅ​ជិ​តព្រំដែ​ន​​​ជាមួ​យ​ប៉ូឡូញ

 ប្រទេសបេឡារុស្សបានប្រកាសថាកងទ័ពរបស់ខ្លួនកំពុងហ្វឹកហាត់ជាមួយសមាជិកនៃកងកម្លាំងWagnerនៅឯកន្លែងហ្វឹកហាត់ក្នុងទីក្រុង Brest ជិតព្រំដែនជាមួយប្រទេសប៉ូឡូញ។ក្រសួងការពារជាតិបេឡារុស្សបានប្រកាសនៅថ្ងៃនេះថា"កងកម្លាំងប្រដាប់អាវុធបេឡារុស្សបន្តហ្វឹកហាត់រួមគ្នាជាមួយសមាជិកនៃក្រុមយោធាឯកជនWagner ។នៅសប្តាហ៍នេះ អង្គភាពកងកម្លាំងពិសេសនឹងចូលរួមជាមួយតំណាងWagner ដើម្បីធ្វើបេសកកម្មហ្វឹកហាត់ប្រយុទ្ធនៅជួរ Brest" ។

សមាជិក Wagner ហ្វឹកហាត់ទាហានបេឡារុស្សនៅជិតទីក្រុង Osipovichi ប្រទេសបេឡារុស្សនៅថ្ងៃទី១៤ខែកក្កដា។ រូបថត៖Reuters

ប៉ូឡូញ​ដែល​ជា​រដ្ឋ​សមាជិក​ណាតូ​មិន​ទាន់​ឆ្លើយ​តប​នឹង​ព័ត៌មាន​នេះ​នៅ​ឡើយ​ទេ។កាលពីដើមខែនេះប្រទេសប៉ូឡូញបាននិយាយថាខ្លួននឹងដាក់ពង្រាយប៉ូលីសចំនួន៥០០នាក់ដើម្បីពង្រឹងសន្តិសុខនៅព្រំដែនជាមួយប្រទេសបេឡារុសដើម្បីដោះស្រាយជាមួយនឹងការកើនឡើងនៃចំនួនជនចំណាកស្រុកឆ្លងកាត់ព្រំដែន ក៏ដូចជាការគំរាមកំហែងដែលអាចកើតមានបន្ទាប់ពីទាហាន Wagner ផ្លាស់ទីទៅកាន់ប្រទេសបេឡារុស្ស។មួយសប្តាហ៍ក្រោយមក រដ្ឋមន្ត្រីការពារជាតិប៉ូឡូញ Mariusz Blaszczak បានប្រកាសថា ទាហានជាង១,000 នាក់ និងសម្ភារៈជិត២00 ពីកងពលតូចមេកានិចទី ១២ និងទី ១៧ក៏ត្រូវបានដាក់ពង្រាយទៅកាន់ព្រំដែនជាមួយប្រទេសបេឡារុស ចំពេលមានការព្រួយបារម្ភថាវត្តមានរបស់ Wagner នៅក្នុងប្រទេសបេឡារុស្សបង្កើនភាពតានតឹង។រូបភាពផ្កាយរណបពាណិជ្ជកម្មរបស់ក្រុមហ៊ុនអាមេរិក Planet Labs ថតកាលពីថ្ងៃទី១៧ខែកក្កដា បង្ហាញពីក្បួនរថយន្តរបស់សាជីវកម្មយោធាឯកជន Wagner ដែលកំពុងធ្វើដំណើរលើផ្លូវហាយវេ M5 ក្នុងប្រទេសបេឡារុស្ស ឆ្ពោះទៅកាន់មូលដ្ឋាន Tsel ដែលមានចម្ងាយជាង១00 គីឡូម៉ែត្រពីរដ្ឋធានី Minsk។យ៉ាងហោចណាស់តង់ចំនួន៣00ត្រូវបានបង្កើតឡើងនៅមូលដ្ឋានក្នុងរយៈពេល២សប្តាហ៍ចាប់តាំងពីកងកម្លាំងរបស់ Wagner បានបញ្ចប់ការបះបោររបស់ពួកគេនៅក្នុងប្រទេសរុស្ស៊ី។ក្រុមត្រួតពិនិត្យឯករាជ្យ Belaruski Hajun បាននិយាយថាយ៉ាងហោចណាស់មានរថយន្ត Wagner៦0 គ្រឿងបានចូលប្រទេសបេឡារុស្សនៅថ្ងៃទី១៥ ខែកក្កដា ហើយឧបករណ៍ជាង១00 គ្រឿងមានទីតាំងនៅមូលដ្ឋាន Tsel ។ ក្រសួងការពារជាតិបេឡារុស្សបាននិយាយនៅថ្ងៃទី១៤ខែកក្កដាថាសមាជិក Wagnerបណ្តុះបណ្តាលទាហានបេឡារុស្សឱ្យបាញ់កាំភ្លើងផ្លាស់ទីនៅលើសមរភូមិក៏ដូចជាជំនាញវិស្វករនិងវេជ្ជសាស្ត្រយោធា។ការផ្ទេរកងទ័ពរបស់ Wagnerគឺជាផ្នែកមួយនៃកិច្ចព្រមព្រៀងដែលសម្របសម្រួលដោយប្រធានាធិបតីបេឡារុសAlexanderLukashenkoដើម្បីបញ្ចប់ការបះបោរដែលក្រុមនេះបានផ្ទុះឡើងកាលពីខែមិថុនា។ ក្រោមកិច្ចព្រមព្រៀងនេះ សមាជិក Wagner អាចធ្វើដំណើរទៅកាន់ប្រទេសបេឡារុស្សជាមួយមេដឹកនាំក្រុមគឺ លោកYevgeny Prigozhinឬចុះកិច្ចសន្យាជាមួយក្រសួងការពារជាតិរុស្ស៊ី។ វិមានក្រឹមឡាំងបានប្រកាសថាខ្លួននឹងមិនកាត់ទោសលោកPrigozhin និងសមាជិក Wagner ចំពោះការចូលរួមក្នុងការបះបោរនោះទេ។ទីភ្នាក់ងារសារព័ត៌មានរបស់ចៅហ្វាយ Wagner Yevgeny Prigozhin នៅថ្ងៃទី១៩ខែកក្កដាបានបង្ហោះវីដេអូរបស់លោកដែលស្វាគមន៍កងកម្លាំងរបស់លោកទៅកាន់ប្រទេសបេឡារុស្ស។ លោក​បាន​អំពាវនាវ​ឲ្យ​សមាជិក​នៃ​កម្លាំង​មាន​អាកប្បកិរិយា​ល្អ​ជាមួយ​ប្រជាជន​ក្នុង​តំបន់​ជួយ​បណ្តុះបណ្តាល​កងទ័ព​បេឡារុស្ស។យោងតាមចៅហ្វាយWagnerការហ្វឹកហ្វឺនកម្លាំងនេះនឹងធ្វើឱ្យកងកម្លាំងបេឡារុស្ស "ក្លាយជាកងទ័ពល្អបំផុតទី២នៅក្នុងពិភពលោក" ។ លោកក៏បាននិយាយផងដែរថាសមាជិក Wagner នឹងស្នាក់នៅប្រទេសបេឡារុស្សមួយរយៈហើយបានជំរុញឱ្យពួកគេរៀបចំសម្រាប់ "ជីវិតថ្មីនៅអាហ្វ្រិក" ៕ប្រភពReuters, Sky News