Trump​ច​ង់ឱ្យEUចំណា​យសម្រាប់ជំនួយអា​វុធរបស់សហរដ្ឋ​អាមេរិក​ដល់អ៊ុយ​ក្រែន

 អតីតប្រធានាធិបតីអាមេរិក លោកDonald Trumpបាននិយាយថា ប្រសិនបើលោកជាប់ឆ្នោតឡើងវិញលោកនឹងស្នើឱ្យសម្ព័ន្ធមិត្តអឺរ៉ុប បង់ប្រាក់ឱ្យក្រុងវ៉ាស៊ីនតោនដើម្បីទូទាត់សងសម្រាប់ឃ្លាំងអាវុធ ដែលបានជួយអ៊ុយក្រែនក្នុងអំឡុងសង្រ្គាមជាមួយរុស្ស៊ី។នៅក្នុងវីដេអូយុទ្ធនាការមួយដែលត្រូវបានបង្ហោះកាលពីថ្ងៃទី១៨ ខែកក្កដា អតីតប្រធានាធិបតី Trump បានប្រកាសថាប្រសិនបើលោកឈ្នះការបោះឆ្នោតនៅឆ្នាំក្រោយ លោកនឹងស្នើឱ្យសម្ព័ន្ធមិត្តEUចំណាយលុយដើម្បីឱ្យសហរដ្ឋអាមេរិកអាចបង្កើតឃ្លាំងអាវុធដែលផ្ញើទៅឱ្យអ៊ុយក្រែនក្នុងរយៈពេលជិត១៧ខែ។

អតីតប្រធានាធិបតីអាមេរិក លោកDonald Trump។Reuters

លោក Trump បានចោទប្រកាន់ប្រធានាធិបតីដែលកំពុងកាន់អំណាចលោក JoeBidenថាបានខ្ជះខ្ជាយទីតាំងយោធាដ៏រឹងមាំរបស់សហរដ្ឋអាមេរិកដែលលោកបានសាងសង់ចាប់តាំងពីចូលកាន់តំណែងក្នុងឆ្នាំ២០១៧ រហូតដល់ឆ្នាំ២០២១។យោងតាមលោក Trump សហរដ្ឋអាមេរិកបានបញ្ជូនឬប្តេជ្ញាចិត្តក្នុងការបញ្ជូនជំនួយចំនួន២០០ពាន់លានដុល្លារទៅឱ្យអ៊ុយក្រែនខណៈពេលដែលសម្ព័ន្ធមិត្តអឺរ៉ុបរបស់ខ្លួនបានបញ្ជូនតែ "ផ្នែកតូចមួយ" ។ លោក​បាន​រិះគន់​រដ្ឋបាល​លោក Biden ដែល​ទាមទារ​ឲ្យ​អឺរ៉ុប​បង់លុយ​ឲ្យ​អាមេរិក​ដើម្បី​ដណ្តើម​យក​ឃ្លាំង​អាវុធ​ដែល​ខ្លួន​បាន​បញ្ជូន​ទៅ​ឲ្យ​អ៊ុយក្រែន។នៅពេលកំពុងកាន់តំណែង លោក Trump បានសម្តែងការមិនពេញចិត្តម្តងហើយម្តងទៀតជាមួយសម្ព័ន្ធមិត្តណាតូ ហើយបានស្នើឱ្យពួកគេបង្កើនការចំណាយយោធារបស់ពួកគេ ដើម្បីឈានដល់២% នៃ GDP ដូចដែលបានសន្យា។ លោក​ថាសម្ពាធ​ក្នុង​ការ​ការពារ​សន្តិសុខ​របស់​ប្រទេស​ជា​សមាជិក​គឺ​មក​លើ​អាមេរិក។លោក Trumpក៏បានរិះគន់រដ្ឋបាលលោកBidenសម្រាប់ការទទួលស្គាល់នាពេលថ្មីៗនេះថា ឃ្លាំងអាវុធរបស់ទីក្រុងវ៉ាស៊ីនតោនមានកម្រិតទាប ហើយថាសហរដ្ឋអាមេរិកបានប្រមូលទុនបម្រុងនៅក្នុងទ្វីបអឺរ៉ុប។ លោក​បាន​និយាយ​ថាទង្វើ​ទាំង​នេះ​គឺ​ដូច​ជា​ការ​ទទួល​ស្គាល់​ជំហរ​សន្តិសុខ​របស់​អាមេរិក​បាន​បង្ហាញ​សញ្ញា​នៃ​ការ​ចុះ​ខ្សោយ។លោក Trump បាននិយាយថា "តិចជាង៣ឆ្នាំមុនខ្ញុំបានកសាងឡើងវិញទាំងស្រុងនូវយោធាសហរដ្ឋអាមេរិកហើយដាក់សហរដ្ឋអាមេរិកនៅក្នុងទីតាំងសកលដ៏រឹងមាំដែលនាំទៅរកសន្តិភាពជុំវិញពិភពលោក។យើងមានសន្តិភាពតាមរយៈកម្លាំង" លោក Trump បាននិយាយ។នៅពេលលោកត្រឡប់ទៅសេតវិមានវិញ លោក Trump បាននិយាយថាលោកនឹងអនុវត្តឡើងវិញភ្លាមៗនូវគោលនយោបាយការបរទេស "America First" របស់លោក ដែលសង្កត់ធ្ងន់លើ "សន្តិភាព និងស្ថិរភាព"។លោក Trump បាននិយាយដោយសំដៅទៅលើអរិភាពរុស្ស៊ី និងអ៊ុយក្រែនថា"ខ្ញុំចង់ឱ្យមនុស្សឈប់ស្លាប់។សង្រ្គាមនេះមិនគួរកើតឡើងទេ" ។ មុននោះលោកបាននិយាយម្តងហើយម្តងទៀតថា មានដំណោះស្រាយដើម្បីបិទសង្រ្គាមក្នុងរយៈពេល២៤ម៉ោង ដោយដាក់សម្ពាធប្រធានាធិបតីអ៊ុយក្រែន Volodymyr Zelensky និងសមភាគីលោក Vladimir Putin ឱ្យមកតុចរចា៕ប្រភពRT