លោក​Er​do​gan​និ​យាយ​​ថា​លោ​កPutinនឹង​ទៅ​​​បំ​ពេញទស្សន​​កិច្ច​​នៅតួក​​គី

ប្រធានាធិបតីErdoganបាននិយាយថាលោកPutinនឹងធ្វើទស្សនកិច្ចនៅតួកគីនៅខែក្រោយហើយនេះគឺជាឱកាសមួយដើម្បីពិភាក្សាបន្ថែមទៀតអំពីការដោះដូរអ្នកទោសក្នុងសង្គ្រាមអ៊ុយក្រែន។"យើងបន្តពិភាក្សាជាមួយរុស្ស៊ី និងអ៊ុយក្រែនអំពីការដោះដូរអ្នកទោស។ប្រធានាធិបតីរុស្ស៊ី Vladimir Putin នឹងធ្វើទស្សនកិច្ចនៅតួកគីនៅខែក្រោយ។យើងនឹងមានឱកាសពិភាក្សាប្រធានបទនេះទល់មុខគ្នា"។

ប្រធានាធិបតីតួកគី Recep Tayyip Erdogan ផ្តល់បទសម្ភាសន៍នៅទីក្រុងញូវយ៉កសហរដ្ឋអាមេរិក នៅថ្ងៃទី១៨ ខែកញ្ញា។ រូបថត៖ AFP។

បន្ទាប់ពីបញ្ចប់កិច្ចពិភាក្សាជាមួយសមភាគីអ៊ុយក្រែនលោក Volodymyr Zelensky នៅទីក្រុងអ៊ីស្តង់ប៊ុល។ចាប់តាំងពីខែកុម្ភៈ ឆ្នាំ ២០២២មកលោកប្រធានាធិបតីPutinបានទៅទស្សនកិច្ចប្រទេសមួយចំនួននៅអាស៊ីកណ្តាលដែលធ្លាប់ជាផ្នែកមួយនៃសហភាពសូវៀត។ ប្រសិនបើវាកើតឡើងដំណើរទស្សនកិច្ចទៅកាន់តួកគីនឹងជាលើកដំបូងរបស់លោកទៅកាន់ប្រទេសណាតូបន្ទាប់ពីរុស្ស៊ីបានចាប់ផ្តើមយុទ្ធនាការរបស់ខ្លួននៅអ៊ុយក្រែន។លោកErdoganបាននិយាយថាប្រធានបទនៃការដោះដូរអ្នកទោសគឺជា"អាទិភាពមួយក្នុងចំណោមរបៀបវារៈ"។លោកបានបញ្ជាក់សារជាថ្មីថាលោកនឹងរក្សាការសន្ទនាជាមួយថ្នាក់ដឹកនាំរុស្ស៊ីនាពេលខាងមុខហើយសង្ឃឹមថានឹងសម្រេចបានលទ្ធផលជាក់ស្តែងក្នុងពេលឆាប់ៗនេះ។អត្ថាធិប្បាយ​លើ​កិច្ច​ពិភាក្សា​លើក​មុន​របស់​លោក​ជាមួយ​ប្រធានាធិបតី​អ៊ុយក្រែន លោក Erdogan បាន​និយាយ​ថា អ៊ុយក្រែន​សមនឹង​ទទួល​បាន​ការ​ចូល​ក្នុង​សម្ព័ន្ធមិត្ត​យោធា​ណាតូ។ ទោះ​ជា​យ៉ាង​ណា លោក​បាន​អំពាវនាវ​ឲ្យ​ក្រុង​គៀវចាប់​ផ្តើម​ការ​ចរចា​សន្តិភាព​ជាមួយ​ក្រុង​ម៉ូស្គូ​ឡើង​វិញ។ប៉ុស្តិ៍ A-Haber បានរាយការណ៍ថាលោក Erdogan នឹងជួបជាមួយប្រធានាធិបតីPutin។ប៉ុស្តិ៍ទូរទស្សន៍ដោយដកស្រង់ប្រភពដែលដឹងអំពីបញ្ហានេះបាននិយាយថាមេដឹកនាំទាំង២គ្រោងនឹងជួបទល់មុខគ្នា ។ប៉ុន្តែមិនបានបញ្ជាក់ពីថាតើជំនួបនេះនឹងធ្វើឡើងនៅលើទឹកដីតួកគីទេ។ប្រធានាធិបតី​រុស្ស៊ី និងតួកគី បាន​រក្សា​ទំនាក់ទំនង​ជា​ប្រចាំ​បន្ទាប់​ពី​ផ្ទុះ​អរិភាព​នៅ​អ៊ុយក្រែន។ លើកចុងក្រោយដែលលោក Putin និង Erdogan និយាយតាមទូរស័ព្ទគឺនៅថ្ងៃទី២៤ខែមិថុនា។ទីក្រុងអង់ការ៉ារក្សាទំនាក់ទំនងជាមួយភាគីជម្លោះទាំង២មិនចូលរួមក្នុងការដាក់ទណ្ឌកម្មសេដ្ឋកិច្ចប្រឆាំងនឹងទីក្រុងម៉ូស្គូ។ប៉ុន្តែក្នុងពេលជាមួយគ្នានោះ ផ្គត់ផ្គង់យានជំនិះគ្មានមនុស្សបើក(UAVs) ដល់ទីក្រុងគៀវ។ ប្រធានាធិបតីតួកគីបានជះឥទ្ធិពលយ៉ាងខ្លាំងលើការចរចាជាច្រើនរវាងរុស្ស៊ី និងអ៊ុយក្រែននាពេលកន្លងមករួមទាំងកិច្ចព្រមព្រៀងបើកច្រករបៀងដឹកជញ្ជូនគ្រាប់ធញ្ញជាតិនៅលើសមុទ្រខ្មៅនិងផ្លាស់ប្តូរអ្នកទោស។លោក Yury Ushakov ទីប្រឹក្សាគោលនយោបាយការបរទេសរបស់វិមានក្រឹមឡាំង កាលពីថ្ងៃទី១៦ខែមិថុនាបានបង្ហាញថាទីក្រុងម៉ូស្គូមិនទាន់ចាប់ផ្តើមរៀបចំសម្រាប់ដំណើរទស្សនកិច្ចរបស់លោកPutinទៅកាន់ប្រទេសតួកគីទេ ដោយសារភាគីទាំង២មិនទាន់បានឯកភាពគ្នាអំពីពេលវេលារៀបចំវា។Ushakov បាន​បញ្ជាក់​ថា លោក Erdogan បាន​ផ្ញើ​លិខិត​អញ្ជើញ​ទៅ​កាន់​លោក Putin ដើម្បី​ធ្វើ​ទស្សនកិច្ច។ Istanbul និង Ankara គឺជាទីក្រុងដែលអាចជ្រើសរើសបាន៕ប្រភពTASS, AFP