អ៊ុយក្រែនសារភាពថាបានវាយប្រហារស្ពានតភ្ជាប់គ្រីមៀជាមួយរុស្ស៊ី?
ប្រភពជាច្រើនបាននិយាយថាអ៊ុយក្រែនបានសារភាពថាបានវាយប្រហារលើស្ពានតភ្ជាប់ឧបទ្វីបគ្រីមៀជាមួយរុស្ស៊ីដែលជាផ្លូវផ្គត់ផ្គង់ដ៏សំខាន់សម្រាប់កងកម្លាំងរុស្ស៊ីនៅអ៊ុយក្រែន។
 |
| ស្ពានគ្រីមៀត្រូវបានជួសជុលក្នុងខែវិច្ឆិកា ឆ្នាំ២០២២បន្ទាប់ពីការផ្ទុះកាលពីខែមុន។រូបថត៖ AFP |
នៅថ្ងៃដដែលនោះ ទីភ្នាក់ងារសារព័ត៌មាន AFP ក៏បានដកស្រង់ប្រភពមួយថាការវាយប្រហារលើស្ពានគ្រីមៀគឺជាប្រតិបត្តិការពិសេសរបស់ SBU និងកងទ័ពជើងទឹកអ៊ុយក្រែន។
ប្រភពបាននិយាយថា ការវាយប្រហារលើស្ពាន “ពិបាកទៅដល់ណាស់” ធ្វើឡើងដោយយន្តហោះគ្មានមនុស្សបើកពីលើទឹក។យោងតាមទីភ្នាក់ងារសារព័ត៌មានReutersយ៉ាងហោចណាស់ប្រព័ន្ធផ្សព្វផ្សាយចំនួន៣ក្នុងប្រទេសអ៊ុយក្រែនក៏បានដកស្រង់ប្រភពផងដែរដោយនិយាយថាអ៊ុយក្រែនជាអ្នកនៅពីក្រោយការវាយប្រហារលើស្ពានតភ្ជាប់ឧបទ្វីបគ្រីមៀជាមួយរុស្ស៊ី។
បច្ចុប្បន្ននេះ ភាគីអ៊ុយក្រែនមិនបានធ្វើអត្ថាធិប្បាយជាផ្លូវការលើករណីនេះទេ។ SBU បានបដិសេធមិននិយាយថាតើពួកគេមានការពាក់ព័ន្ធឬអត់។នៅក្នុងការបង្ហោះ Telegram SBU បាននិយាយថា "ស្ពានបានបាក់ម្តងទៀត"ដោយសំដៅទៅលើឧប្បត្តិហេតុចុងក្រោយនៅលើស្ពានគ្រីមៀ។ទីភ្នាក់ងារសារព័ត៌មាន Sputnik របស់រុស្ស៊ី នៅថ្ងៃទី១៧ ខែកក្កដា បានដកស្រង់សម្តីអ្នកនាំពាក្យក្រសួងការបរទេសរុស្ស៊ី លោកស្រី MariaZakharovaដោយចោទប្រកាន់ទីក្រុងគៀវថាជាអ្នកនៅពីក្រោយការវាយប្រហារលើស្ពានគ្រីមៀ។យោងតាមគណៈកម្មាធិការជាតិប្រឆាំងអំពើភេរវកម្មរបស់រុស្ស៊ីយន្តហោះគ្មានមនុស្សបើករបស់អ៊ុយក្រែន២គ្រឿងបានបុកស្ពានគ្រីមៀបណ្តាលឱ្យខូចខាតផ្នែកខ្លះនៃស្ពានដោយបានសម្លាប់មនុស្សពេញវ័យ២នាក់ និងកុមារម្នាក់រងរបួស។គណៈកម្មាការក៏បានប្រកាសថា ខ្លួនកំពុងធ្វើការស៊ើបអង្កេតកំណត់អត្តសញ្ញាណបុគ្គល និងអង្គភាពប្រដាប់អាវុធរបស់អ៊ុយក្រែនដែលពាក់ព័ន្ធនឹងការរៀបចំ និងការអនុវត្តការវាយប្រហារនេះ។កាលពីដើមថ្ងៃទី១៧ខែកក្កដា ប្រមុខ គ្រីមៀដែលត្រូវបានតែងតាំងដោយរុស្ស៊ី លោក Sergey Aksenov បាននិយាយថាចរាចរណ៍នៅលើស្ពានគ្រីមៀត្រូវបានបញ្ឈប់ដោយសារតែ "ស្ថានភាពអាសន្ន"និងបានជំរុញឱ្យប្រជាជនជៀសវាងការធ្វើដំណើរនៅក្នុងតំបន់នេះ៕ពុតសាម៉ាត់
/unnamed.png
Post a Comment