តើផែ​នការ​ការពារ​ជាតិ៤,៤០០ទំព័ររ​បស់អង្គការណាតូមា​ន​អ្វីខ្លះ?

 ឯកសារចំនួន៤,៤00ទំព័ររបស់អង្គការណាតូរៀបរាប់លម្អិតអំពីការការពារទីតាំងសំខាន់ៗនៅក្នុងព្រឹត្តិការណ៍នៃ"ភាពអាសន្ន"ហើយបានកំណត់ថាប្រទេសរុស្ស៊ីជាការគំរាមកំហែងដ៏ធំបំផុតមួយ។

រូបភាព។Getty

អង្គការណាតូបានអនុម័តផែនការការពារជាតិថ្មីនៅក្នុងសន្និសីទមួយនៅទីក្រុងVilniusប្រទេសលីទុយអានីកាលពីថ្ងៃទី១១ខែកក្កដា។ អគ្គលេខាធិការអង្គការណាតូ លោក Jens Stoltenberg បានហៅវាថាជា"ផែនការការពារដ៏ទូលំទូលាយបំផុត ចាប់តាំងពីសង្គ្រាមត្រជាក់"។ យោង​តាម​កាសែត Bild ឯកសារ​នេះ​បាន​លើក​ឡើង​ពី​ប្រទេស​រុស្ស៊ី​ថា​ជា​ការ​គំរាម​កំហែង​សំខាន់២។ផែនការការពារជាតិថ្មីរបស់អង្គការណាតូក៏បានរាយបញ្ជីសមត្ថភាពយោធាដែលសមាជិកនៃសម្ព័ន្ធភាពគួរតែមានរួមទាំងសមាជិកថ្មីដូចជាហ្វាំងឡង់និងបេក្ខភាពស៊ុយអែត។យោង​តាម​ឯកសារ​រុស្ស៊ី​មាន​សមត្ថភាព​វាយប្រហារ​លើ​ទឹកដី​ណាតូ។មន្ត្រីណាតូម្នាក់បានប្រាប់ទីភ្នាក់ងារព័ត៌មានអាល្លឺម៉ង់DPAថា "យើងអាចប្រឈមមុខនឹងស្ថានភាពមួយដែលយើងត្រូវងាកទៅរកមាត្រា៥ ម្តងទៀត ដែលផ្នែកណាតូត្រូវបានវាយប្រហារដោយផ្ទាល់" ។ដើម្បីទប់ទល់នឹងរុស្ស៊ី អង្គការណាតូគ្រោងនឹងបង្កើនកងកម្លាំងឆ្លើយតប (NRF)យ៉ាងច្រើនពីកងទ័ពចំនួន៤០,000 នាក់ ដល់ជាង៣00,000 នាក់ រួមទាំងអង្គភាពជើងគោកដែនសមុទ្រនិងអាកាសនិងកងកម្លាំងពង្រាយរហ័ស។អង្គការណាតូគ្រោងនឹងបង្កើនការផលិតអាវុធនិងឃ្លាំងស្តុកអាវុធយ៉ាងសំខាន់ដើម្បី"បង្កើនអន្តរប្រតិបត្តិការក្នុងចំណោមសម្ព័ន្ធមិត្ត"។យោងតាមកាសែត Bild អង្គការណាតូនឹងស្វែងរកការកសាងរថពាសដែក "កងកម្លាំងធុនធ្ងន់"ក៏ដូចជាការដាក់ពង្រាយប្រព័ន្ធកាំភ្លើងធំ និងមីស៊ីលរយៈចម្ងាយឆ្ងាយបន្ថែមទៀតនិងប្រព័ន្ធការពារអាកាស។លើសពីនេះ អង្គការណាតូគ្រោងនឹងពង្រឹង"វិធានការរារាំង" របស់ខ្លួន ដោយបញ្ជូនទាហានបន្ថែមទៀតទៅកាន់តំបន់បាល់ទិកនិងអឺរ៉ុបខាងកើត។ ក្រុមប្រយុទ្ធដែលមានទាហាន១,000នឹងត្រូវដាក់ពង្រាយដើម្បីគាំទ្រដល់កងទ័ពនៃរដ្ឋបាល់ទិកនិងប៉ូឡូញ។ជាពិសេសអង់គ្លេសនឹងទទួលបន្ទុកបញ្ជូនទ័ពទៅអេស្តូនីកាណាដានឹងបញ្ជូនទ័ពទៅឡាតវីអាល្លឺម៉ង់នឹងបញ្ជូនទ័ពទៅលីទុយអានីហើយអាមេរិកនឹងទទួលខុសត្រូវបញ្ជូនទ័ពទៅប៉ូឡូញ។ អាល្លឺម៉ង់​គ្រោង​ដាក់​កងពលតូច​មួយ​ដែល​មាន​ទាហាន​៤.០០០​នាក់​ក្នុង​ប្រទេស​លីទុយអានី។ក្នុង​ឯកសារ​នេះ ប្រទេស​អាល្លឺម៉ង់​ត្រូវ​បាន​គេ​សន្មត់​ថា​នឹង​ដើរតួ​ជា​ទីតាំងដឹក​ជញ្ជូន​របស់​ណាតូ​ក្នុង​ករណី​មាន​ជម្លោះ​ធំ​មួយ។ប្លុកនេះក៏កំពុងពិចារណាបង្កើតទីបញ្ជាការមូលដ្ឋានទី២បន្ថែមពីលើកន្លែងដែលមានស្រាប់នៅIzmir ក្នុងប្រទេសតួកគី។ទីក្រុង Wiesbaden ក្នុងប្រទេសអាល្លឺម៉ង់ គឺជាទីតាំងដ៏មានសក្ដានុពលមួយ ដោយសារតែវាមានមូលដ្ឋានទ័ពអាមេរិកដ៏ធំរួចទៅហើយ។ទីក្រុងម៉ូស្គូបាននិយាយម្តងហើយម្តងទៀតថាខ្លួនចាត់ទុកការពង្រឹងកងកម្លាំងរបស់ណាតូនៅជិតព្រំដែនរុស្ស៊ីនិងការពង្រីកខ្លួនទៅភាគខាងកើត ដែលជាការគំរាមកំហែងដល់សន្តិសុខជាតិ។យោងតាមទីក្រុងម៉ូស្គូ ការរារាំងទីក្រុងគៀវពីការចូលរួមក្នុងអង្គការណាតូ គឺជាហេតុផលចម្បងមួយ ដែលនាំឱ្យរុស្ស៊ីចាប់ផ្តើមប្រតិបត្តិការយោធាពិសេសនៅអ៊ុយក្រែន៕ពុតសាម៉ាត់