ចិន​រិះគន់​​​​អា​មេរិក​ដែ​ល​​លក់​អា​វុធ​ឲ្យ​តៃវ៉ាន់

 ប្រទេសចិនបានរិះគន់សហរដ្ឋអាមេរិកចំពោះការលក់អាវុធទៅឱ្យតៃវ៉ាន់ បន្ទាប់ពីទីក្រុងវ៉ាស៊ីនតោនបានយល់ព្រមផ្តល់អាវុធដល់កោះនេះជាមួយនឹងតម្លៃ៤៤០.២លានដុល្លារ។

លោក Tan Kefei អ្នកនាំពាក្យក្រសួងការពារជាតិ។ [រូបថត/mod.gov.cn]

ថ្មីៗនេះក្រសួងការបរទេសបានអនុម័តលើការលក់គ្រាប់រំសេវ30mmនិងឧបករណ៍ពាក់ព័ន្ធរួមជាមួយនឹងគ្រឿងបន្លាស់សម្រាប់យានជំនិះ អាវុធធុនស្រាល ប្រព័ន្ធអាវុធប្រយុទ្ធ និងសម្ភារៈជំនួយផ្នែកដឹកជញ្ជូនសម្រាប់តៃវ៉ាន់។អ្នកនាំពាក្យក្រសួងការពារជាតិចិន លោក Tan Kefei បាននិយាយថា "សហរដ្ឋអាមេរិកមិនអើពើនឹងកង្វល់ស្នូលរបស់ចិនជ្រៀតជ្រែកក្នុងកិច្ចការផ្ទៃក្នុងរបស់ទីក្រុងប៉េកាំងនិងចេតនាធ្វើឱ្យភាពតានតឹងនៅទូទាំងច្រកសមុទ្រតៃវ៉ាន់" ។ចិន​ចាត់ទុក​តៃវ៉ាន់​ជា​ទឹកដី​ដែល​ត្រូវតែ​បង្រួបបង្រួម​គ្នា​ឡើងវិញ​នៅ​គ្រប់​ការចំណាយរួមទាំង​ដោយ​កម្លាំង​ផង​។ទន្ទឹមនឹងនេះ បើទោះបីជាសហរដ្ឋអាមេរិកមិនមានទំនាក់ទំនងការទូតជាមួយតៃវ៉ាន់ក៏ដោយ។ប៉ុន្តែវាគឺជាដៃគូសេដ្ឋកិច្ចនិងយោធាដ៏សំខាន់របស់កោះនេះ។ក្នុង​សេចក្តី​ថ្លែងការណ៍​មួយ​កាលពី​ថ្ងៃ​ទី​៥ កក្កដា លោក Tan បាន​និយាយ​ថា ចិន​បាន​ចេញ​ការ​ជំទាស់​យ៉ាង​ខ្លាំង​ចំពោះ​ភាគី​អាមេរិក។ លោក​បាន​ចោទប្រកាន់​ការលក់​អាវុធ​ថា​បាន​«​ពន្លឿន​តៃវ៉ាន់​ឲ្យ​ក្លាយជា​ឃ្លាំង​កាំភ្លើង​»​។លោក​បាន​បញ្ជាក់​ថាយោធា​ចិន​តែងតែ​ត្រៀម​ខ្លួន ហើយ​នឹង​រក្សា​សន្តិភាព និង​ស្ថិរភាព​នៅ​ច្រក​សមុទ្រ​តៃវ៉ាន់។ថ្មីៗនេះចិនបានធ្វើសមយុទ្ធយោធាជុំវិញកោះតៃវ៉ាន់ ហើយបានបញ្ជូនយន្តហោះនិងនាវាចម្បាំងទៅជិតកោះនេះ។ ចំណាត់ការរបស់ទីក្រុងប៉េកាំងហាក់ដូចជាមានបំណងផ្ញើសារទៅកាន់តៃវ៉ាន់និងសហរដ្ឋអាមេរិក បន្ទាប់ពីដំណើរទស្សនកិច្ចរបស់មន្ត្រីអាមេរិក និងសមាជិកសភាទៅកាន់កោះនេះ៕ប្រភពAP