ថៃ​កំ​​ណត់​កាលប​រិច្ឆេទ​បោះ​ឆ្នោ​ត​ជ្រើសរើ​ស​​នាយករដ្ឋមន្ត្រី

សភារបស់ប្រទេសថៃនឹងបោះឆ្នោតជ្រើសរើសនាយករដ្ឋមន្ត្រីថ្មីនៅចុងសប្តាហ៍ក្រោយ។ប្រធានសភាតំណាងរាស្រ្ត Wan Muhamad Noor Matha បាននិយាយកាលពីថ្ងៃទី៥ខែកក្កដាថាសភាថៃនឹងបោះឆ្នោតជ្រើសរើសនាយករដ្ឋមន្ត្រីថ្មីនៅថ្ងៃទី១៣ខែកក្កដា។ ការ​ប្រកាស​នេះ​ធ្វើ​ឡើង​មួយ​ថ្ងៃ​បន្ទាប់​ពី​លោក Wan ត្រូវ​បាន​គេ​បញ្ជាក់​ថា​ជា​ប្រធាន​សភា​តំណាង​រាស្រ្ត។

មេដឹកនាំគណបក្ស Move Forward និងបេក្ខជននាយករដ្ឋមន្ត្រីថៃ Pita Limjaroenrat ចូលរួមសន្និសីទសារព័ត៌មាននៅទីក្រុងបាងកកកាលពីថ្ងៃទី ១៥ ឧសភា។ រូបថត៖Reuters

លោកWanបន្ថែមថាលោកមិនប្រាកដថាតើការបោះឆ្នោតជ្រើសរើសនាយករដ្ឋមន្ត្រីថ្មីអាចប្រព្រឹត្តទៅបានប៉ុន្មានដង។ប្រសិនបើមេដឹកនាំគណបក្ស Move Forward លោក Pita Limjaroenrat មិនទទួលបានចំនួនសំឡេងដែលត្រូវការនៅក្នុងការបោះឆ្នោតដំបូង។លោកLimjaroenraកំពុងដឹកនាំក្រុមចម្រុះនៃគណបក្សប្រឆាំងចំនួន៨របស់ប្រទេសថៃដោយដណ្តើមបានអាសនៈចំនួន៣១៣ក្នុងចំណោម៥០០នៅក្នុងសភាតំណាងរាស្រ្ត។ ដើម្បីក្លាយជានាយករដ្ឋមន្ត្រីថៃ លោកត្រូវទទួលបានសំឡេងយ៉ាងតិច៣៧៦ ពីតំណាងរាស្រ្ត ៥០០ និងសមាជិកព្រឹទ្ធសភា២៥០ រូប។មេដឹកនាំគណបក្សភឿថៃដែលទទួលបានអាសនៈច្រើនជាងគេទី២នៅក្នុងសភាជាន់ទាបបន្ទាប់ពីចលនាឆ្ពោះទៅមុខហើយក៏ជាផ្នែកមួយនៃគណបក្សចម្រុះចំនួន៨បាននិយាយថាការបោះឆ្នោតជ្រើសរើសនាយករដ្ឋមន្ត្រីថ្មីអាចជារឿងដែលមិនអាចទាយទុកជាមុនបាន។មានព័ត៌មានជាច្រើនថា ប្រសិនបើក្រោយការបោះឆ្នោតជាច្រើន លោក Pitaនៅតែមិនឈ្នះ ភឿថៃ អាចនឹងត្រូវបានតែងតាំងជាបេក្ខភាពមួយផ្សេងទៀតសម្រាប់តំណែងនាយករដ្ឋមន្ត្រី។តំណាងគណបក្សPrachachatដែលជាសម្ព័ន្ធនៃគណបក្សប្រឆាំងចំនួន៨បានសង្កត់ធ្ងន់ថា ទោះមានរឿងអ្វីកើតឡើងក៏ដោយ Move Forwardនិងគណបក្សភឿថៃ ត្រូវតែរួបរួមគ្នា ព្រោះជាគណបក្សទាំង២ដែលមានអាសនៈភាគច្រើននៅក្នុងសភាតំណាងរាស្រ្ត។ បើ​បែក​គ្នាអ្នក​ទាំង​២គ្មាន​ឱកាស​បង្កើត​រដ្ឋាភិបាល​ទេ៕ប្រភពReuters/Bangkok Post