នាយករដ្ឋមន្រ្តីហ៊ុ​ន​សែន៖កម្ពុជា​នៅ​តែ​រង​នូវបទពិសោ​​ធន៍ឈឺចាប់​​ដោយ​សារ​​ការទម្លាក់​គ្រាប់​​បែ​កចង្កោម​​របស់​​​​អាមេ​រិក​កា​ល​ពី​កន្លះ​សត​វត្ស​មុន​

សម្តេចនាយករដ្ឋមន្រ្តី ហ៊ុន សែនបានមានប្រសាសន៍កាលពីថ្ងៃអាទិត្យថា កម្ពុជានៅតែទទួលរងនូវបទពិសោធន៍ឈឺចាប់ដោយសាការទម្លាក់​គ្រាប់បែកចង្កោមរបស់​អាមេរិក​កាលពី​កន្លះ​សតវត្ស​មុន​។

សម្តេចនាយករដ្ឋមន្រ្តី ហ៊ុន សែន។AFP

សម្តេចបានលើកឡើងបែបនេះនៅក្នុងសារមួយដែលបានចេញផ្សាយនៅលើបណ្តាញ Telegram ផ្លូវការរបស់សម្តេចថា “កម្ពុជាបានទទួលរងនូវបទពិសោធន៍ដ៏ឈឺចាប់ពីការទម្លាក់គ្រាប់បែកចង្កោមរបស់សហរដ្ឋអាមេរិកនៅដើមទសវត្សរ៍ឆ្នាំ១៩៧០” ។សម្តេចបានបន្ថែមថា“រហូតមកដល់ពេលនេះវាមានរយៈពេលជាងកន្លះសតវត្សហើយ ។ប៉ុន្តែយើងនៅមិនទាន់រកវិធីបំផ្លាញចោលអស់នៅឡើយ។យោងតាមសាកលវិទ្យាល័យ Yale ចន្លោះឆ្នាំ ១៩៦៥ និង១៩៧៣ សហរដ្ឋអាមេរិកបានទម្លាក់គ្រាប់បែកចំនួន ២៣០,៥១៦ លើទីតាំងចំនួន ១១៣,៧១៦កន្លែងនៅក្នុងប្រទេសកម្ពុជា។សាររបស់សម្តេចបានធ្វើឡើងបន្ទាប់ពីសារព័ត៌មានជាច្រើនបានចុះផ្សាយថា សហរដ្ឋអាមេរិកនឹងផ្តល់គ្រាប់បែកចង្កោមឲ្យទៅអ៊ុយក្រែនដើម្បី​ប្រយុទ្ធជាមួយកងទ័ពរុស្ស៊ី។សម្តេចបានបន្ថែម​ថា​៖ «​វា​នឹងក្លាយទៅជាគ្រោះថ្នាក់​ធំបំផុត​សម្រាប់​ប្រជាជនអ៊ុយក្រែនរាប់សិបឆ្នាំ ឬដល់រយឆ្នាំទៀតផង​។ប្រសិន​បើ​គ្រាប់បែក​ចង្កោម​ទាំង​នោះ​ត្រូវ​បាន​គេ​ប្រើ»។សម្តេចបានបន្តទៀតថា«ខ្ញុំដឹងច្បាស់ថា ប្រទេសកម្ពុជា តូចហើយទន់ខ្សោយសម្លេងគ្មានទម្ងន់ តែដោយក្តី​អាណិតប្រជាជនអ៊ុយក្រែនខ្ញុំសូមអំពាវនាវប្រធានាធិបតីអាមេរិក ដែលជាអ្នកផ្តល់និងប្រធានាធិបតីអ៊ុយក្រែនដែលជាអ្នកទទួលសូមមេត្តាកុំប្រើប្រាស់គ្រាប់បែកចង្កោមក្នុងសង្រ្គាមនេះ ព្រោះអ្នករងគ្រោះពិតប្រាកដ គឺប្រជាជន​ជាពិសេសគឺអ៊ុយក្រែនតែម្តង៕ Xinhua/Khmer Times