ភ្លើងទៀននិងអង្គការសិទ្ធិមនុស្សតវ៉ាមិនឲ្យថៃបញ្ជួនសកម្មជនប្រឆាំងមកកម្ពុជាវិញ
គណបក្សភ្លើងទៀននិងអង្គការឃ្លាំមើលសិទ្ធិមនុស្សអន្តរជាតិកំពុងតស៊ូមតិមិនឲ្យអាជ្ញាធរថៃបញ្ជួនសកម្មជនប្រឆាំងម្នាក់មកឲ្យអាជ្ញាធរកម្ពុជាវិញបន្ទាប់ពីចាប់ខ្លួននៅក្នុងទឹកដីថៃកាលពីសប្តាហ៍មុន។
ការតវ៉ានេះដោយសារតែពួកគេយល់ថា ប្រសិនបើបញ្ជួន លោក ថុល សំណាង មកឲ្យអាជ្ញាធរកម្ពុជានោះសកម្មជនគណបក្សភ្លើងទៀននៅខេត្តកណ្តាលរូបនេះនឹងត្រូវរងគ្រោះថ្នាក់ធ្ងន់ធ្ងរ។«ដើម្បីសុវត្ថិភាពផ្ទាល់ខ្លួនរបស់ថុល សំណាង រដ្ឋាភិបាលថៃមិនត្រូវបញ្ជូនសកម្មជនរូបនេះមកឲ្យអាជ្ញាធរកម្ពុជាជាដាច់ខាត»។ នេះបើតាមមន្ត្រីគណបក្សភ្លើងទៀនដែលបានប្រាប់សារព័ត៌មានមួយចំនួនបន្ទាប់ពីអាជ្ញាធរថៃបានខ្លួនសកម្មជនគណបក្សភ្លើងទៀនវ័យ៣៤មកពីខេត្តកណ្តាល។ជាមួយគ្នានោះ លោក Phil Robertson នាយកប្រចាំអាស៊ីនៃអង្គការ Human Rights Watch បានគូសបញ្ជាក់ថា ឧត្តមស្នងការអង្គការសហប្រជាជាតិទទួលបន្ទុកជនភៀសខ្លួនត្រូវតែបានការអនុញ្ញាតឱ្យចូលជួប ថុល សំណាង ដើម្បីឱ្យគាត់បានទទួលនូវអ្វីដែលជនភ្លៀងខ្លួនត្រូវការ»។អ្នកជំនាញរបស់អង្គការសិទ្ធិមនុស្សដដែល បារម្ភថា លោកថុល សំណាង អាចស្ថិតក្នុងគ្រោះថ្នាក់យ៉ាងធ្ងន់ធ្ងរប្រសិនបើត្រូវបាននិរទេសមកកម្ពុជាវិញ។ខណៈដែលសកម្មជនប្រឆាំងរូបនេះត្រូវបានឃុំខ្លួននៅមជ្ឈមណ្ឌលឃុំខ្លួនជនអន្តោប្រវេសន៍សួនផ្លូក្នុងទីក្រុងបាងកកអ្នកការពារសិទ្ធិមនុស្សជនជាតិថៃម្នាក់និយាយថាតាមច្បាប់អន្តរជាតិ និងច្បាប់ប្រឆាំងការធ្វើទារុណកម្មនិងការបាត់ខ្លួនដែលត្រូវបានអនុវត្តនាពេលថ្មីៗនេះរបស់ប្រទេសថៃការបញ្ជូនបុគ្គលម្នាក់ទៅប្រឈមមុខនឹងការបៀតបៀនគឺត្រូវបានហាមឃាត់ មិនថាតាមរយៈការនិរទេសឬការធ្វើបត្យាប័ន តាមកិច្ចព្រមព្រៀងថៃ-កម្ពុជានោះឡើយ។នេះតាមហ្វេសប៊ុករបស់លោកPhil Robertson។តាមរបាយការណ៍ តាំងពីឆ្នាំ២០១៧ មកមានសកម្មជនគណបក្សប្រឆាំងជាង២០០នាក់បានភៀសខ្លូនទៅប្រទេសថៃ។ ក្នុងចំណោមនោះមានមនុស្សមួយចំនួនត្រូវបានចាប់ខ្លួនដោយអាជ្ញាធរថៃ និងបានបញ្ជូនមកកម្ពុជាវិញ បើទោះបីជាអ្នកទាំងនោះត្រូវបានអង្គការសហប្រជាជាតិទទួលស្គាល់ថាជាជនភៀសខ្លួនក៏ដោយ។លោក ថុល សំណាង ដែលបានភៀសខ្លួនទៅដល់ថៃ ដើម្បីស្នើសុំការជ្រកកោន ក្រោយពេលដែល អាជ្ញាធរនៅមូលដ្ឋានស្វែងរកសកម្មជនរូបនេះ បន្ទាប់ពីបានសរសេរលើហ្វេសប៊ុក ក្នុងន័យរិះគន់គណបក្សកាន់អំណាច។នៅចំពោះមុខនៃបញ្ហាដែលកើតឡើងលើសកម្មជនរបស់ខ្លួនជាហូរហែ អ្នកនាំពាក្យគណបក្សភ្លើងទៀនបានអះអាងថា គណបក្សប្រឆាំងមួយនេះ នៅតែបន្តរងការបង្រ្កាប រាប់ចាប់តាំងពីមន្ត្រី រហូតដល់សកម្មជនបើទោះបីជាខ្លួនមិនអាចចូលរួមការបោះឆ្នោតថ្នាក់ជាតិខាងមុខនេះក្តី៕RFI
កិច្ចប្រជុំក្រុមប្រឹក្សាឃុំ-សង្កាត់ជាប់ឆ្នោតរបស់គណបក្សភ្លើងទៀនខេត្តត្បូងឃ្មុំ ព្រឹកថ្ងៃទី១០ ខែមិថុនា ឆ្នាំ២០២៣។សហការី
/unnamed.png
Post a Comment