កូន​ប្រុស​​​សម្តេចហ៊ុ​ន សែនអរគុណ​ប្រជាព​លរដ្ឋ​ដែល​​​បាន​​បោះឆ្នោត​ឲ្យ​គណ​បក្ស​កាន់អំ​​​ណាច

លោកហ៊ុន ម៉ាណែត កូន​ប្រុស​សម្តេចនាយក​រដ្ឋមន្ត្រី ហ៊ុន សែនបាន​ថ្លែង​អំណរ​គុណ​ដល់​ប្រជាជន​កម្ពុជា​ដែល​បាន​បោះ​ឆ្នោត​ជួយ​គណបក្ស​កាន់​អំណាច​ទទួល​បាន​ជ័យ​ជម្នះ​លើស​លប់។លោក ហ៊ុន ម៉ាណែត បានមានប្រសាសន៍នៅថ្ងៃទី២៤ខែកក្កដាថា“ប្រជាពលរដ្ឋកម្ពុជាបានបង្ហាញឆន្ទៈយ៉ាងច្បាស់តាមរយៈសន្លឹកឆ្នោត។លោក ហ៊ុន ម៉ាណែត បានថ្លែងអំណរគុណដល់ប្រជាជនកម្ពុជាដែលបានបោះឆ្នោត ជាពិសេសចំពោះការជឿទុកចិត្តនិងស្រឡាញ់គណបក្សប្រជាជនកម្ពុជាដែលកំពុងកាន់អំណាច។លោកក៏បានសន្យាថានឹងបន្តបម្រើប្រទេសជាតិ និងប្រជាជនកម្ពុជាឲ្យកាន់តែល្អប្រសើរនិងកាន់តែប្រសើរឡើង។

លោក ហ៊ុន ម៉ាណែតគ្រវីដៃ​ដល់​ប្រជាពលរដ្ឋ​ក្នុង​ពេល​ឃោសនា​បោះឆ្នោត​នៅ​រាជធានី​ភ្នំពេញ ប្រទេស​កម្ពុជា នៅ​ថ្ងៃ​ទី​២១ ខែ​កក្កដា។ រូបថត៖Reuters

យោងតាមកាសែតខ្មែរថាមស៍ប្រជាជនកម្ពុជាជាង៨,២លាននាក់បានបោះឆ្នោតនៅទូទាំងប្រទេសក្នុងការបោះឆ្នោតសកលនៅថ្ងៃទី២៣ ខែកក្កដា ឬប្រហែល ៨៤,៥% នៃចំនួនអ្នកទៅបោះឆ្នោត។ អ្នកនាំពាក្យគណបក្សប្រជាជនកម្ពុជា លោក សុខ ឥសាន ប្រកាសកាលពីថ្ងៃទី២៣ខែកក្កដាថាគណបក្សបានទទួលជ័យជម្នះលើសលប់នៅក្នុងការបោះឆ្នោតសភារបស់ប្រទេស។គណបក្ស​ប្រជាជន​កម្ពុជា​អាច​ឈ្នះ​អាសនៈ​ចំនួន១២០ក្នុង​ចំណោម​អាសនៈ​ចំនួន១២៥ក្នុង​សភា​កម្ពុជា។ គណបក្ស​ហ្វ៊ុនស៊ិនប៉ិចដឹកនាំ​ដោយ​ព្រះអង្គម្ចាស់នរោត្តម ចក្រាវុធ រំពឹង​ថា​នឹង​ទទួល​បាន​អាសនៈ​ចំនួន៥។តាមក្បួនមួយ បេក្ខជនមកពីគណបក្សឈ្នះឆ្នោតក្នុងការបោះឆ្នោតសភាក្លាយជានាយករដ្ឋមន្ត្រី។តំណែង​នាយករដ្ឋមន្ត្រី​ត្រូវ​បាន​ព្រះមហាក្សត្រ​តែងតាំង​តាម​អនុសាសន៍​របស់​ប្រធាននិង​អនុប្រធាន​រដ្ឋសភា។នាយក​រដ្ឋមន្ត្រី​ក៏​ត្រូវ​ការ​ការ​បោះ​ឆ្នោត​ទុក​ចិត្ត​ពី​រដ្ឋ​សភា​ផង​ដែរ។ក្នុង​ការ​បោះ​ឆ្នោត​ឆ្នាំ​នេះ លោក ហ៊ុន ម៉ាណែត បាន​ឈរ​ឈ្មោះ​ជា​តំណាង​រាស្រ្ត​មណ្ឌល​ភ្នំពេញ។រដ្ឋធម្មនុញ្ញ​របស់​ប្រទេស​កម្ពុជា​បាន​ចែង​ថានាយក​រដ្ឋមន្ត្រី​ត្រូវ​តែ​ជា​សមាជិក​សភា​ជា​មុន​សិន។ អ្នកនាំពាក្យគណបក្សប្រជាជនកម្ពុជាលោក សុខ ឥសាន មានប្រសាសន៍ថា គណបក្សនេះមានបេក្ខជននាយករដ្ឋមន្ត្រី២រូប គឺលោកសម្តេច ហ៊ុន សែន និងលោក ហ៊ុន ម៉ាណែត។

សម្តេច​នាយក​រដ្ឋមន្ត្រី ហ៊ុន សែន មាន​អាយុ ៧០​ឆ្នាំជា​មេដឹកនាំ​ម្នាក់​ក្នុង​ចំណោម​មេដឹកនាំ​ដែល​កាន់​អំណាច​យូរ​ជាង​គេ​បំផុត​លើ​ពិភពលោក ដោយ​កាន់​អំណាច៣៨ ឆ្នាំ។ សម្តេចបាន​ចូល​កាន់​តំណែង​នៅ​ថ្ងៃ​ទី ១៤ ខែ​មករា ឆ្នាំ ១៩៨៥ ដោយ​ក្លាយ​ជា​នាយក​រដ្ឋមន្ត្រី​ក្មេង​បំផុត​ក្នុង​លោក​ក្នុង​វ័យ៣២ ឆ្នាំ។លោកហ៊ុនម៉ាណែតអាយុ៤៥ឆ្នាំគឺជាជនជាតិខ្មែរដំបូងគេដែលបានបញ្ចប់ការសិក្សាពីសាលាយោធា West Point របស់សហរដ្ឋអាមេរិក។ លោកត្រូវបានគេនិយាយថាបានចូលរួមចំណែកយ៉ាងសំខាន់ក្នុងដំណើរការចរចាជាមួយប្រទេសថៃនៅពេលដែលកងទ័ពនៃប្រទេសទាំង២បានប៉ះទង្គិចគ្នានៅទីតាំងប្រាសាទបុរាណប្រាសាទព្រះវិហារក្នុងឆ្នាំ២០០៨៕ប្រភព Khmer Times/AFP