នាយ​ក​រដ្ឋមន្រ្តីហ៊ុន សែន៖​សូមរង់ចាំមើ​លកម្លាំងប្រជាធិ​បតេយ្យមា​​នច្រើនជា​ងឬមានតិចជា​​ង​បំផ្លាញប្រជា​ធិបតេ​​​យ្យ

សម្ដេចហ៊ុន សែននាយករដ្ឋមន្រ្តីនៃកម្ពុជាមានប្រសាសន៍​ថា ការបោះឆ្នោតសកលឆ្នាំ២០២៣ ក្រៅពីការប្រកួតប្រជែងរវាងគណបក្ស​នយោបាយ​ចំនួន​​១៨គណបក្សដែលបានចុះឈ្មោះប្រកួតប្រជែងយកកៅអីក្នុងសភាជាតិ នៅមានការប្រកួតប្រជែងជាមួយពួកជ្រុលនិយមដែលចង់បំផ្លាញចោលការបោះឆ្នោត។​

សម្ដេចហ៊ុន សែននាយករដ្ឋមន្រ្តីនៃកម្ពុជា។រូបភាពធ្វីតធ័រសម្ដេចហ៊ុន សែន

នៅលើបណ្ដាញតេឡេក្រាម នាព្រឹកថ្ងៃទី ១៩ ខែកក្កដា ឆ្នាំ២០២៣ សម្ដេចហ៊ុន សែន បានសរសេរថា ការបោះឆ្នោតសកលឆ្នាំ២០២៣ ក្រៅពីការប្រកួត​ប្រជែង​រវាង​គណបក្សនយោបាយចំនួន១៨គណបក្សដែលបានចុះឈ្មោះប្រកួតប្រជែងយក​កៅអីក្នុង​សភាជាតិយើង នៅមានការប្រកួតប្រជែងរវាង១៨គណបក្ស ដែលចូលរួមការបោះឆ្នោតជា​មួយ​ពួកជ្រុលនិយម ដែលចង់បំផ្លាញចោលការបោះឆ្នោត។ សម្ដេចបន្តថា ពួក​ជ្រុល​និយម ដែលបញ្ជាដោយទណ្ឌិតរត់ចោលគុកពីក្រៅប្រទេសមក បក្សនយោបាយមួយ​នៅក្នុងប្រទេសបានរកគ្រប់វិធីដើម្បីបំផ្លាញចោលដំណើរការប្រជាធិបតេយ្យ តាមរយៈ​ការ​ខិតខំបំផ្លាញចោលការបោះឆ្នោតដូចជាយុទ្ធនាការមិនឱ្យប្រជាជនទៅបោះឆ្នោតនិង​បំផ្លាញ​ចោលសន្លឹកឆ្នោត។ល។សម្ដេចនាយករដ្ឋមន្ត្រីគូសបញ្ជាក់ថា៖«តើថ្ងៃទី២៣ ខែកក្កដា ឆ្នាំ២០២៣​ខាង​មុខ កម្លាំងប្រជាធិបតេយ្យដែលចូលរួមការបោះឆ្នោត មានច្រើនជាងឬមានតិចជាងកម្លាំង​បំផ្លាញប្រជាធិបតេយ្យ បំផ្លាញការបោះឆ្នោតសូមរង់ចាំមើលទាំងអស់គ្នា»៕AKP