Zelenskyអំពាវនាវ​ដ​ល់សម្តេចប៉ាប​ដើម្បីជួយ​ធ្វើមា​តុភូមិនិវត្តន៍កុ​មា​រអ៊ុ​យក្រែន

 ប្រធានាធិបតីZelenskyបានស្នើឱ្យសម្តេចប៉ាបហ្វ្រង់ស័រជួយនាំយកកុមារអ៊ុយក្រែនដែលបានជម្លៀសទៅប្រទេសរុស្ស៊ីវិញនៅពេលព្រះអង្គទៅទស្សនាវ៉ាទីកង់(Vatican)។ប្រធានាធិបតីអ៊ុយក្រែន លោក Volodymyr Zelensky កាលពីថ្ងៃទី ១៣ ខែឧសភាបានទៅបំពេញទស្សនកិច្ចនៅអ៊ីតាលី និងវ៉ាទីកង់ ក្នុងដំណើរលើកដំបូងទៅកាន់ប្រទេសទាំង២ចាប់តាំងពីជម្លោះបានផ្ទុះឡើងកាលពីដើមឆ្នាំមុន។ប្រធានាធិបតីZelenskyបាននិយាយជាលក្ខណៈឯកជនជាមួយសម្តេចប៉ាបប្រហែល៤០នាទីហើយបង្ហាញខ្លួនជាមួយនឹងអាវការពារគ្រាប់កាំភ្លើងដែលធ្លាប់ប្រើដោយទាហានអ៊ុយក្រែន។ក្រោយមក វ៉ាទីកង់បានចេញសេចក្តីថ្លែងការណ៍មួយដោយនិយាយថាសម្តេចប៉ាប និងប្រធានាធិបតី Zelensky បានពិភាក្សាអំពី"ចលនាមនុស្សធម៌" ។ ប្រភពមិនបញ្ចេញឈ្មោះបាននិយាយថាភាគីទាំង២បានពិភាក្សាគ្នាអំពីលទ្ធភាពដែលវ៉ាទីកង់ជួយធ្វើមាតុភូមិនិវត្តន៍កុមារអ៊ុយក្រែនដែលត្រូវបានជម្លៀសចេញពីតំបន់សង្រ្គាមទៅកាន់ប្រទេសរុស្ស៊ី។Zelenskyបានសរសេរនៅលើ Twitterបន្ទាប់ពីកិច្ចប្រជុំថា"យើងត្រូវតែធ្វើអ្វីគ្រប់យ៉ាងដើម្បីនាំកុមារមកប្រទេស។ ខ្ញុំក៏ស្នើឱ្យសម្តេចប៉ាបថ្កោលទោសចំពោះអ្វីដែលរុស្ស៊ីបានធ្វើនៅអ៊ុយក្រែន"ប្រធានាធិបតីអ៊ុយក្រែនក៏បានអំពាវនាវដល់សម្តេចប៉ាបឱ្យចូលរួមក្នុងផែនការ១០ចំណុចដែលរួមមានការស្ដារឡើងវិញនូវបូរណភាពទឹកដីរបស់អ៊ុយក្រែនទាមទារឱ្យដកកងកម្លាំងរុស្ស៊ីនិងបញ្ចប់ការប្រយុទ្ធ។កាលពីមុន Zelensky បានជួបជាមួយនាយករដ្ឋមន្ត្រីអ៊ីតាលី Giorgia Meloni ដែលបានសន្យាថានឹងរក្សាការគាំទ្រផ្នែកយោធា និងហិរញ្ញវត្ថុសម្រាប់អ៊ុយក្រែនក៏ដូចជាគាំទ្រដល់កិច្ចខិតខំប្រឹងប្រែងរបស់ គៀវក្នុងការចូលរួមជាមួយសហភាពអឺរ៉ុប (EU)។ Meloni បាននិយាយថា "សន្តិភាពមិនអាចសម្រេចបានតាមរយៈការចុះចាញ់ដោយគ្មានលក្ខខណ្ឌ។ នោះនឹងក្លាយជាគំរូដ៏គ្រោះថ្នាក់" ។សម្តេចប៉ាបហ្វ្រង់ស័របានប្រើវិធីសាស្រ្តដែលមានតុល្យភាពនៅក្នុងដំណាក់កាលដំបូងនៃអរិភាពដោយសង្ឃឹមថានឹងក្លាយជាអ្នកសម្របសម្រួលនៃជម្លោះ។ទោះបីជាយ៉ាងណាក៏ដោយលោកក៏បានថ្កោលទោសម្តងហើយម្តងទៀតនូវយុទ្ធនាការរបស់រុស្ស៊ីក្នុងប្រទេសអ៊ុយក្រែន ហើយបានអំពាវនាវម្តងហើយម្តងទៀតឱ្យស្វែងរកសន្តិភាពស្ទើរតែរៀងរាល់សប្តាហ៍។ប៉ុន្តែមិនមានលទ្ធផលទម្លាយទេ។កាល​ពី​ចុង​ខែ​មេសា សម្តេច​ប៉ាប​បាន​ប្រកាស​ថា​វ៉ាទីកង់​កំពុង​ធ្វើ​បេសកកម្ម​សម្ងាត់​មួយ​ដើម្បី​ផ្សះផ្សានិង​បញ្ចប់​ជម្លោះ​នៅ​អ៊ុយក្រែន។មន្ត្រីរុស្ស៊ីបាននិយាយថា ពួកគេមិនបានដឹងអំពីបេសកកម្មបែបនេះទេខណៈដែលប្រធានាធិបតី Zelenskyមិនបានធ្វើអត្ថាធិប្បាយលើព័ត៌មាននោះទេហើយបានប្តេជ្ញាថានឹងមិនផ្លាស់ប្តូរខ្លឹមសារនៃផែនការ១០ចំណុចរបស់ទីក្រុងគៀវឡើយ។មន្ត្រីអ៊ុយក្រែនប៉ាន់ប្រមាណថាកុមារប្រហែល១៩,៥០០ នាក់ត្រូវបាននាំយកទៅប្រទេសរុស្ស៊ីចាប់តាំងពីការចាប់ផ្តើមនៃសង្រ្គាមដោយហៅវាថា"ការបង្ខិតបង្ខំខុសច្បាប់"។ឯកអគ្គរដ្ឋទូតរុស្ស៊ីប្រចាំអង្គការសហប្រជាជាតិ Vasily Nebenzya បាននិយាយថា ទីក្រុងម៉ូស្គូគ្រាន់តែចង់ការពារកុមារអ៊ុយក្រែនពីគ្រោះថ្នាក់ដែលសកម្មភាពយោធាអាចបង្កឡើងដោយបន្ថែមថាការចោទប្រកាន់ថាកុមារអ៊ុយក្រែនត្រូវបាន"នាំទៅប្រទេសរុស្ស៊ីដោយបង្ខំ"ត្រូវបានបំផ្ទុះឡើង។ លោក Nebenzya ក៏បានសន្យាថារុស្ស៊ីនឹងនាំកុមារដែលជម្លៀសចេញពីតំបន់ជម្លោះត្រឡប់ទៅអ៊ុយក្រែនវិញនៅពេលដែលវាមានសុវត្ថិភាព៕ប្រភពReuters

សម្តេចប៉ាបជួបជាមួយប្រធានាធិបតី Zelensky នៅVatican នៅថ្ងៃទី១៣ខែឧសភា។ រូបថត៖Reuters