នាវាINS DelhiនិងនាវាSatpuraធ្វើទស្សនកិច្ចនៅកម្ពុជា
ក្រសួងការពារជាតិបានឱ្យដឹងកាលពីថ្ងៃសុក្រទី២៣ថាជាផ្នែកមួយនៃការចល័តកងទ័ពជើងទឹកឥណ្ឌាទៅកាន់បណ្តាប្រទេសអាស៊ាន នាវាកងទ័ពជើងទឹកឥណ្ឌា Delhi និង Satpura ក្រោមការបញ្ជារបស់ឧត្តមនាវីទោ Gurcharan Singhមន្រ្តីជាន់ខ្ពស់បញ្ជាការកងនាវាចរបូព៌ា(Flag Officer Commanding Eastern Fleet-FOCEF)កំពុងធ្វើការទស្សនាកំពង់ផែនៅខេត្តព្រះសីហនុប្រទេសកម្ពុជាចាប់ពីថ្ងៃទី១១ដល់ថ្ងៃទី១៤ ខែឧសភា ឆ្នាំ២០២៣។ក្រសួងការពារជាតិបានបន្ថែមថាការធ្វើទស្សនកិច្ចកំពង់ផែនេះបង្ហាញពីចំណងមិត្តភាពដ៏ស្និទ្ធស្នាលរបស់ឥណ្ឌាជាមួយព្រះរាជាណាចក្រកម្ពុជា។ក្នុងអំឡុងពេលធ្វើទស្សនកិច្ចនៅកំពង់ផែ មន្ត្រីមកពីកងទ័ពជើងទឹកទាំង២នឹងចូលរួមនៅក្នុងសកម្មភាពអន្តរកម្មវិជ្ជាជីវៈមួយចំនួនដូចជា ការទស្សនានាវា និងការផ្លាស់ប្តូរកីឡា ក្នុងគោលបំណងលើកកម្ពស់អន្តរប្រតិបត្តិការ និងការស្វែងយល់ពីគ្នាទៅវិញទៅមក។នាវា INS Delhi គឺជានាវាចម្បាំងការពារមីស៊ីលដំបូងគេបង្អស់របស់ឥណ្ឌា និង នាវា INS Satpura ដែលជានាវាចម្បាំងពហុបំណងបំបាំងកាយ(multi purpose stealth Frigate)។នាវាទាំង២នេះត្រូវបានបំពាក់ដោយអាវុធនិងឧបករណ៍ចាប់សញ្ញាជាច្រើន ហើយអាចផ្ទុកឧទ្ធម្ភាគចក្រពហុតួនាទី។នាវាទាំង២នេះគឺជាសក្ខីភាពនៃការរចនាកប៉ាល់ទំនើប និងសមត្ថភាពសាងសង់កប៉ាល់របស់ប្រទេសឥណ្ឌា។ដំណើរទស្សនកិច្ចរបស់នាវាកងទ័ពជើងទឹកឥណ្ឌា គឺដើម្បីពង្រឹងចំណងមិត្តភាពដ៏រឹងមាំដែលមានរវាងប្រទេសទាំង២ដោយពង្រឹងកិច្ចសហប្រតិបត្តិការដែនសមុទ្រ។នាវា INS Delhi គឺជាកប៉ាល់នាំមុខគេនៃក្រុមនាវាប្រឆាំងមីស៊ីលរបស់កងទ័ពជើងទឹកឥណ្ឌា។ នាវានេះត្រូវបានសាងសង់នៅ Mazagon Dock Limited ក្នុងទីក្រុងមឹមបៃ(Mumbai)ហើយត្រូវបានបញ្ជូននៅថ្ងៃទី១៥ ខែវិច្ឆិកាឆ្នាំ១៩៩៧ ។ ចំណាត់ថ្នាក់នាវានេះគឺស្ថិតក្នុងចំណោមនាវាចម្បាំងដ៏ធំបំផុតដែលត្រូវបានរចនា និងសាងសង់នៅក្នុងប្រទេសឥណ្ឌា។ នាវាកំពុងត្រូវបានធ្វើកំណែបន្ថែម(midlife upgrades)ចាប់ពីឆ្នាំ២០១៨។ គិតត្រឹមខែមេសា ឆ្នាំ២០២២នាវានេះត្រលប់មកធ្វើការត្រួតពិនិត្យវិញជាមួយនឹងការតម្លើងឧបករណ៍ចាប់សញ្ញា(Sensor)និង ‘Modular Launcher’ ថ្មីសម្រាប់ Brahmos Missile ជាការជំនួស KH 35E ។ ការធ្វើតេស្ត Brahmos ត្រូវបានធ្វើឡើងពីនាវានេះនៅថ្ងៃទី១៩ ខែមេសាឆ្នាំ២០២២។Delhiគឺជានាវាទី២របស់កងទ័ពជើងទឹកឥណ្ឌា។នាវាINS Satpura (F48)គឺជានាវាចម្បាំងពហុបំណងShivalik-class ដែលផលិតឡើងសម្រាប់កងទ័ពជើងទឹកឥណ្ឌា។ចំណាត់ថ្នាក់នេះគឺជាការកែលម្អលើនាវាចម្បាំងTalwar-class មុនដែលមានលក្ខណៈពិសេសការបំបាំងកាយនិងការវាយប្រហារលើគោក។នាវា INS Satpura ត្រូវបានសាងសង់នៅ Mazagon Dock Limited (MDL) ក្នុងទីក្រុងបុមបៃ។ តួនាវា(keel)វបានដាក់ឱ្យដំណើរការនៅថ្ងៃទី៣១ ខែតុលា ឆ្នាំ២០០២ហើយត្រូវបានដាក់ឱ្យដំណើរការនៅថ្ងៃទី៤ខែមិថុនា ឆ្នាំ២០០៤។ នាវានេះត្រូវបានបញ្ចប់នៅឆ្នាំ២០១០ហើយបានធ្វើការសាកល្បងនៅសមុទ្រ មុនពេលត្រូវបានបញ្ជូននៅថ្ងៃទី២០ខែសីហា ឆ្នាំ២០១១ទៅកាន់បញ្ជាការដ្ឋានកងទ័ពជើងទឹកភាគខាងកើត ដែលមានទីស្នាក់ការនៅ Visakhapatnam ៕ANI/KhmerTimes
នាវាINS DelhiនិងនាវាSatpuraធ្វើទស្សនកិច្ចខេត្តព្រះសីហនុ ប្រទេសកម្ពុជា។INS Delhi.PIB/KhmerTimes
Post a Comment