ប្រធា​​នា​​ធិប​តីErdoganស​រ​សើ​រ"ទំនាក់​ទំន​​ងពិ​សេស"ជាមួ​​​យ​Puti​n

លោកErdoganបាននិយាយថាប្រទេសតួកគីមានទំនាក់ទំនង"ពិសេស" និងរីកចម្រើនជាមួយប្រធានាធិបតីរុស្ស៊ីលោក Vladimir Putin ទោះបីជាមានសម្ពាធពីលោកខាងលិចក៏ដោយ។ប្រធានាធិបតីតួកគីលោក Recep TayyipErdoganបាននិយាយនៅក្នុងបទសម្ភាសន៍មួយកាលពីថ្ងៃទី ១៩/៥ថា"យើងមិនឈានដល់ចំណុចនៃការដាក់ទណ្ឌកម្មលើប្រទេសរុស្ស៊ីដូចលោកខាងលិចបានធ្វើនោះទេ។

ប្រធានាធិបតីតួកគី Recep Tayyip Erdogan (ឆ្វេង)និងប្រធានាធិបតីរុស្ស៊ី លោក Vladimir Putinក្នុងសន្និសីទសារព័ត៌មានបន្ទាប់ពីសន្និសីទនៅទីក្រុង Ankara ប្រទេសទួរគីកាលពីថ្ងៃទី៤ ខែមេសា។ រូបថត៖Reuters។

យើងមិនជាប់នឹងទណ្ឌកម្មរបស់លោកខាងលិចទេ"។"តួកគីគឺជាប្រទេសដ៏មានឥទ្ធិពលនិងមានទំនាក់ទំនងវិជ្ជមានជាមួយរុស្ស៊ី។ប្រទេសរបស់យើងទាំង២ត្រូវការគ្នាទៅវិញទៅមកនៅគ្រប់វិស័យដែលអាចធ្វើទៅបាន"។Erdoganគឺជាបេក្ខជននាំមុខគេក្នុងការបោះឆ្នោតប្រធានាធិបតីតួកគីហើយការបោះឆ្នោតជុំទី២នឹងប្រព្រឹត្តទៅនៅថ្ងៃទី២៨ខែឧសភា។ លោកនិងគូប្រជែងសំខាន់របស់លោកគឺ Kemal Kilicdaroglu បានខ្វែងគំនិតគ្នាលើបញ្ហាគោលនយោបាយការបរទេសមួយចំនួន រួមទាំងទស្សនៈជាមួយលោកខាងលិចនិងរុស្ស៊ី។Kilicdaroglu បានសន្យាថានឹងធ្វើឱ្យប្រសើរឡើងនូវទំនាក់ទំនងការទូតដែលមានភាពតានតឹងជាច្រើនឆ្នាំជាមួយលោកខាងលិចនិងកែតម្រូវទំនាក់ទំនងរបស់ទីក្រុងអង់ការ៉ាជាមួយទីក្រុងម៉ូស្គូ។ ពីរបីថ្ងៃមុនការបោះឆ្នោតជុំទីមួយនៅថ្ងៃទី១៤ខែឧសភា Kilicdaroglu បានចោទប្រកាន់រុស្ស៊ីពីការជ្រៀតជ្រែកក្នុងការបោះឆ្នោតតួកគី ហើយបានព្រមានពីហានិភ័យនៃការបែកបាក់ទំនាក់ទំនងទ្វេភាគី។ទន្ទឹមនឹងនោះលោកErdoganបានបន្តបញ្ជាក់ពីទំនាក់ទំនងជិតស្និទ្ធរបស់លោកជាមួយប្រធានាធិបតីរុស្ស៊ី ហើយបាននិយាយថា លោកខាងលិចគួរតែធ្វើដូចគ្នា។លោក Erdogan បាននិយាយដោយចោទប្រកាន់គូប្រជែង Kilicdaroglu ថាកំពុងព្យាយាម "បំបែកខ្លួន"។ Erdogan ថា "លោកខាងលិចមិនមានវិធីសាស្រ្តដែលមានតុល្យភាពទេ។ ពួកគេត្រូវការវិធីសាស្រ្តប្រកបដោយតុល្យភាពជាមួយប្រទេសមួយដូចជារុស្ស៊ី។បន្ទាប់ពីការផ្ទុះឡើងនៃអរិភាពក្នុងប្រទេសអ៊ុយក្រែន ។តួកគី បានដើរតួជាអ្នកសម្រុះសម្រួលសម្រាប់ការចរចារវាងទីក្រុងម៉ូស្គូ និងទីក្រុងគៀវ។ហើយបានថ្កោលទោសការប្រើប្រាស់កម្លាំងរបស់ទីក្រុងម៉ូស្គូ ។ប៉ុន្តែបដិសេធមិនដាក់ទណ្ឌកម្មរុស្ស៊ី។ក្នុងពេលជាមួយគ្នានេះ ទីក្រុងអង់ការ៉ាផ្តល់អាវុធនិងប្រយុទ្ធជាមួយ UAVs ដល់ទីក្រុងគៀវ រួមទាំងយន្តហោះគ្មានមនុស្សបើក Bayraktar ផងដែរ។ប្រទេសតួកគីក៏បានចុះកិច្ចព្រមព្រៀងជាមួយអង្គការសហប្រជាជាតិក្នុងការនាំចេញគ្រាប់ធញ្ញជាតិពីកំពង់ផែអ៊ុយក្រែនតាមរយៈសមុទ្រខ្មៅ ដោយបញ្ចៀសវិបត្តិស្បៀងអាហារពិភពលោក។កិច្ចព្រមព្រៀងនេះត្រូវបានបន្តនៅថ្ងៃទី១៧ខែមេសាមួយថ្ងៃមុនពេលវាផុតកំណត់។លោក Erdogan បាននិយាយថា"ការពិតដែលថាយើងអាចឈានដល់កិច្ចព្រមព្រៀងបែបនេះលើការនាំចេញគ្រាប់ធញ្ញជាតិគឺដោយសារតែទំនាក់ទំនងពិសេសរបស់យើងជាមួយប្រធានាធិបតីPutin" ។ពាណិជ្ជកម្មរវាងរុស្ស៊ី និងតួកគី មានចំនួន ៦២ពាន់លានដុល្លារក្នុងមួយឆ្នាំ។កាលពីខែមីនាប្រទេសរុស្ស៊ីបានសម្រេចចិត្តអនុញ្ញាតឱ្យប្រទេសតួកគីពន្យារពេលការទូទាត់ប្រាក់ឧស្ម័នចំនួន៦០០លានដុល្លាររហូតដល់ឆ្នាំ២០២៤ដែលជាវិធានការមួយដែលត្រូវបានគេរំពឹងថានឹងជួយពង្រឹងឱកាសរបស់លោក Erdogan ក្នុងការឈ្នះការបោះឆ្នោត។ទោះជាយ៉ាងណាក៏ដោយទំនាក់ទំនងជិតស្និទ្ធរបស់លោកErdogan ជាមួយលោកPutinបានធ្វើឱ្យមានការព្រួយបារម្ភចំពោះសម្ព័ន្ធមិត្តលោកខាងលិចនិងតួកគី។ប្រធានាធិបតី Erdogan បានដឹកនាំ Kilicdaroglu ជិត៥ភាគរយនៅក្នុងការបោះឆ្នោតជុំទី១។ គណបក្សយុត្តិធម៌និងអភិវឌ្ឍន៍ (AK)ដែលកំពុងកាន់អំណាចរបស់លោកបានឈ្នះអាសនៈភាគច្រើននៅក្នុងសភាផងដែរ។ទោះជាយ៉ាងណាក៏ដោយគ្មានបេក្ខជនប្រធានាធិបតីណាម្នាក់ទទួលបានសំឡេងភាគច្រើនទេ។ដូច្នេះបេក្ខជនទាំង២ត្រូវទៅបោះឆ្នោតជុំទី២៕ប្រភពCNN