គ.ជ.បតម្រូវឲ្យបក្សភ្លើងទៀនដកលោករ៉ុង ឈុនចេញពីបញ្ជីបេក្ខជនតំណាងរាស្ត្រខេត្តកណ្តាល
គណកម្មាធិការជាតិរៀបចំការបោះឆ្នោត(គ.ជ.ប)នៅថ្ងៃនេះបានចេញលិខិតប្រាប់ទៅគណបក្សភ្លើងទៀនឲ្យដកបេក្ខភាពលោករ៉ុង ឈុន ចេញពីបញ្ជីបេក្ខជនតំណាងរាស្ត្រលេខរៀងទី១មណ្ឌលខេត្តកណ្តាល។ការជំទាស់របស់ គ.ជ.ប ដោយសំអាងថាអនុប្រធានគណបក្សភ្លើងទៀនរូបនេះ ធ្លាប់ត្រូវបានតុលាការកាត់ទោសនិងមិនទាន់បានស្តានីតិសម្បទារឡើងវិញនូវឡើយ។ក្នុងលិខិតទៅកាន់គណបក្សភ្លើងទៀនលោកទេព នីថា អគ្គលេខាធិការគ.ជ.ប បានគូសបញ្ជាក់៣ចំណុចដែលគណបក្សជំទាស់នេះមិនទាន់បំពេញបានទៅតាមលក្ខណ្ឌដែលបានកំណត់។ទី១ គណបក្សនេះនៅខ្វះសេចក្តីចម្លងលិខិតការចុះបញ្ជីគណបក្សនយោបាយនៅក្រសួងមហាផ្ទៃដែលមានបញ្ជាក់ពីនីត្រានុកូលកម្មដែលមានការបញ្ជាក់ពីរដ្ឋបាលរាជធានី ខេត្ត ស្រុក ខណ្ឌ។ ទី២បេក្ខជនឈរឈ្មោះលេខរៀងទី១នៅមណ្ឌលខេត្តកណ្តាលដែលមានឈ្មោះ លោក រ៉ុង ឈុន ធ្លាប់ត្រូវបានតុលាការកាត់ទោសនិងមិនទាន់បានស្តានីតិសប្បទាឡើងវិញនូវឡើយ។ និងទី៣នៅខ្វះបង្កាន់ដៃបង់ប្រាក់តម្កល់១៥លានរៀលដែលចេញដោយអគ្គនាយកដ្ឋានរតនាគារជាតិ។ឧបសគ្គរបស់គណបក្សភ្លើងទៀនក្នុងការចូលរួមប្រកួតការបោះឆ្នោតនាពេលខាងមុខនេះគឺដូចគ្នានឹងអ្វីដែលលោក សម រង្ស៊ី បានលើកឡើងកាលពីប៉ុន្មានមុននេះ។ប្រមុខអតីតបក្សប្រឆាំង បានចោទថាសម្តេចហ៊ុន សែន មានបំណងរករឿង រ៉ុង ឈុន មិនឲ្យឈរឈ្មោះជាបេក្ខជនតំណាងរាស្ត្រ ដោយប្រើតុលាការនិង គ.ជ.ប. ព្រោះខ្លាចលោក រ៉ុង ឈុន ដែលនឹងឈរឈ្មោះនៅខេត្តកណ្តាលដូចគាត់ ហើយដែលមានប្រជាប្រិយភាពខ្ពស់ជាងក្នុងចំណោមកម្មករ មន្ត្រីរាជការ និងគ្រូបង្រៀន។លោករ៉ុងឈុនដែលជាអតីតប្រធានសហព័ន្ធសហជីពកម្ពុជា និងជាអ្នករិះគន់បញ្ហាព្រំដែនត្រូវបានជាប់ពន្ធនាគារ១៥ខែគឺពីខែកក្កដា ឆ្នាំ២០២០ ដល់ខែវិច្ឆិកា ឆ្នាំ ២០២១។បើតាមសាលដីការបស់សាលាឧទ្ធរណ៍ លោក រ៉ុង ឈុន ត្រូវបានកាត់តម្រឹមទោសមកនៅតែ១ឆ្នាំ៣ខែនិង១១ថ្ងៃគិតចាប់ពីថ្ងៃឃុំខ្លួន ខណៈដែលសាលាដំបូងបានកាត់ទោសអ្នករិះគន់បញ្ហាព្រំដែនរូបនេះចំនួន២ឆ្នាំ។លោក សម រង្ស៊ី បរិហារថា ការរាំងលោក រ៉ុង ឈុន មិនឲ្យឈរឈ្មោះជាតំណាងរាស្ត្រ គឺគ្រាន់តែជាល្បិច ដើម្បីចៀសវាងការប្រកួតប្រជែងដោយចំហ សេរី និងយុត្តិធម៌។ទោះជាយ៉ាងណា គណបក្សភ្លើងទៀនដែលទើបបានទៅចុះបញ្ជីចូលរួមប្រកួតការបោះឆ្នោតនៅវគ្គចុងក្រោយនោះ បានប្រកាសពីយុទ្ធនាការរបស់ខ្លួន សម្រាប់ការបោះឆ្នោតថ្ងៃទី២៣កក្កដា ដើម្បីរៀបចំការងារបោះឆ្នោតគណបក្សឲ្យមានប្រសិទ្ធភាព នូវអ្វីដែលបក្សជំទាស់មួយនេះ ប្តេជ្ញាទៅដណ្ដើមជ័យជំន:ក្នុងការបោះឆ្នោតថ្នាក់ជាតិខាងមុខ៕RFI
លោករ៉ុង ឈុន ។RFA
Post a Comment