អាស៊ាននឹងបញ្ជូនជំនួយមនុស្សធម៌ទៅមីយ៉ាន់ម៉ាបន្ទាប់ពីត្រូវបានវាយប្រហារដោយព្យុះ
យោងតាមក្រសួងការបរទេសរបស់ប្រទេសឥណ្ឌូនេស៊ីក្រុមការងារជួយសង្រ្គោះភាពអាសន្នរបស់អាស៊ាននឹងបញ្ជូនជំនួយទៅមីយ៉ាន់ម៉ានៅថ្ងៃនេះ (ថ្ងៃទី២១ខែឧសភា)បន្ទាប់ពីរងការវាយប្រហារពីព្យុះស៊ីក្លូន Mocha ។ក្រសួងការបរទេសបានពន្យល់ថាជំនួយត្រូវបានរៀបចំទុកនៅក្នុងឃ្លាំងនៃប្រព័ន្ធភស្តុភារសង្គ្រោះបន្ទាន់គ្រោះមហន្តរាយសម្រាប់អាស៊ាននៅទីក្រុង Subang ប្រទេសម៉ាឡេស៊ី និងខេត្ត Chainat ប្រទេសថៃ។ក្រសួងបាននិយាយថា “ជំនួយបន្ទាប់នឹងត្រូវបញ្ជូននៅថ្ងៃទី២២ឬ២៣ ខែឧសភា ដោយប្រើប្រាស់យន្តហោះយោធាពីប្រទេសឥណ្ឌូនេស៊ី សិង្ហបុរី និងថៃ”។ការសម្របសម្រួលនៃការដឹកជញ្ជូនជំនួយដោយប្រើប្រាស់យន្តហោះយោធាសមាជិកអាស៊ាន ធ្វើឡើងតាមរយៈក្រុម ASEAN Military Ready Group ស្តីពីជំនួយមនុស្សធម៌ និងជំនួយគ្រោះមហន្តរាយ។នេះគឺស្របតាមការប្តេជ្ញាចិត្តរបស់ឥណ្ឌូនេស៊ីក្នុងនាមជាប្រធានអាស៊ានឆ្នាំ២០២៣ និងសេចក្តីថ្លែងការណ៍រួមរបស់រដ្ឋមន្ត្រីការបរទេសអាស៊ាន ដែលបានបង្ហាញពីឆន្ទៈក្នុងការផ្តល់ជំនួយមនុស្សធម៌ដល់ប្រទេសមីយ៉ាន់ម៉ា តាមរយៈយន្តការ “អាស៊ានតែមួយ”។នាយកប្រតិបត្តិនៃមជ្ឈមណ្ឌលសម្របសម្រួលអាស៊ានសម្រាប់ជំនួយមនុស្សធម៌ស្តីពីការគ្រប់គ្រងគ្រោះមហន្តរាយ (AHA Centre) និងតំណាងប្រទេសឥណ្ឌូនេស៊ី ប្រ៊ុយណេ ហ្វីលីពីន សិង្ហបុរី និងថៃ ក្នុងក្រុមការងារឆ្លើយតប និងវាយតម្លៃគ្រោះអាសន្នអាស៊ានក៏ដូចជាលេខាធិការដ្ឋានអាស៊ាន បានទៅដល់ប្រទេសមីយ៉ាន់ម៉ា ដើម្បីគាំទ្រកិច្ចខិតខំប្រឹងប្រែងជួយក្នុងគ្រាអាសន្ននេះ។ ពួកគេក៏កំពុងប្រមូលព័ត៌មាននៅតាមមូលដ្ឋាន និងសម្របសម្រួលការវាយតម្លៃតម្រូវការ។មនុស្សជាង៤០០ នាក់ត្រូវបានគេរាយការណ៍ថាបានស្លាប់នៅក្នុងរដ្ឋរ៉ាឃីនរបស់ប្រទេសមីយ៉ាន់ម៉ាកាលពីថ្ងៃពុធសប្តាហ៍មុនដោយសារព្យុះស៊ីក្លូន Mocha ដែលបានវាយប្រហារតំបន់ឆ្នេររវាងស្រុក Cox’s Bazar របស់ប្រទេសបង់ក្លាដែស និងទីក្រុង Kyaukpyu ក្នុងប្រទេសមីយ៉ាន់ម៉ា៕ Bernama/KhmerTimes
ស្ត្រីជនជាតិរ៉ូហ៊ីងយ៉ាម្នាក់ពរកូនទៅក្បែរផ្ទះដែលត្រូវបានបំផ្លាញដោយព្យុះស៊ីក្លូន Mocha នៅជំរុំជនភៀសខ្លួន Basara ក្នុងក្រុង Sittwe កាលពីថ្ងៃទី១៦ ខែឧសភា ឆ្នាំ២០២៣។ AFP
Post a Comment