លោកសុន ឆ័យ៖មិនគាំទ្រចំពោះការប្រមូលផ្តុំកម្លាំងដើម្បីប្រឆាំងបើគ.ជ.ប មិនចុះបញ្ជីឲ្យភ្លើងទៀនចូលរួមការបោះឆ្នោតនោះទេ
លោកសុនឆ័យអនុប្រធានគណបក្សភ្លើងទៀនអះអាងថាលោកមិនគាំទ្រចំពោះការប៉ុនប៉ងប្រមូលផ្តុំកម្លាំងដើម្បីប្រឆាំងប្រសិនបើ គ.ជ.ប មិនចុះបញ្ជីឲ្យគណបក្សភ្លើងទៀនចូលរួមការបោះឆ្នោតនោះទេ។ នេះបើតាមសំឡេងនៅក្នុងវីដេអូមួយដែលផ្សព្វផ្សាយដោយបណ្តាញព័ត៌មានស្និទនឹងរដ្ឋាភិបាលនៅថ្ងៃចន្ទនេះ។ការចេញមុខបញ្ជាក់ពីជំហរបស់លោកសុន ឆ័យធ្វើឡើងបន្ទាប់ពីសម្តេចហ៊ុន សែនបានព្រមានចាប់ខ្លួនមេដឹកនាំគណបក្សភ្លើងទៀន ប្រសិនបើហ៊ានចេញតវ៉ា ប្រសិនគណបក្សប្រឆាំងនេះមិនអាចចូលរួមបោះឆ្នោតបាន។
លោកសុនឆ័យអនុប្រធានគណបក្សភ្លើងទៀន។សហការី
តាមរយៈវីដេអូដែលផ្សព្វផ្សាយដោយFresh News លោក សុន ឆ័យ ថ្លែងថាកាលពីថ្ងៃទី១២ខែឧសភាមានការប្រជុំគណៈកម្មាធិការនាយកគណបក្សភ្លើងទៀនតែលោកអះអាងថាលោកអត់បានចូលរួមទេ។លោកថា ការប្រជុំនោះគឺមានក្រុមអ្នកខ្វល់ខ្វាយមួយចំនួននៅក្នុងជួរមេដឹកនាំដែលមិនយល់ពីនីតិវិធីការងារ ហើយនាំគ្នាឆ្លេឆ្លា ត្រៀមកម្លាំងដើម្បីធ្វើកូដកម្ម ឬតវ៉ា ប្រសិនគណបក្សប្រឆាំងនេះមិនអាចចូលរួមបោះឆ្នោតបាន។សម្រាប់ លោក សុន ឆ័យ លោកថាលោកមិនបានដឹងរឿងនេះទេ ហើយថាដោយសារតែការប្រកាសបែបនេះហើយទើបនាំឱ្យមានបញ្ហានៅថ្ងៃនេះ។លោក សុន ឆ័យ លើកឡើងថា សូមកុំមានការអាក់អន់ចិត្ត អន់ស្រពន់អី ប្រសិនគណបក្សប្រឆាំងនេះមិនអាចចូលរួមបោះឆ្នោតបាន ដោយចាត់ទុកថា នេះមកពីកំហុសរបស់គណបក្សនេះផងដែរ។ក្រោយចេញសេចក្តីប្រកាសពីជំហរប្រមូលកម្លាំងតវ៉ាកាលពីថ្ងៃទី១២ឧសភា គណបក្សភ្លើងទៀន នៅថ្ងៃទី១៤ឧសភា បានចេញសេចក្តីប្រកាសម្តងទៀតដែលមានខ្លឹមសារទាត់ចោលជំហរធ្វើការតវ៉ា ប្រសិន គជប មិនចុះបញ្ជីឲ្យគណបក្សប្រឆាំងនេះចូលរួមបោះឆ្នោតនៅថ្ងៃទី២៣កក្កដាក៏ដោយចុះ។ការបន្ទន់ជំហរបស់គណបក្សប្រឆាំង គឺធ្វើឡើងក្រោយពីសម្តេចហ៊ុន សែន ចេញសារតាមឡេក្រាម ព្រមានចាប់ខ្លួនមេដឹកនាំគណបក្សភ្លើងទៀន ប្រសិនបើហ៊ានចេញតវ៉ាដោយលោកប្រមុខរដ្ឋាភិបាលចាត់ទុកថា ជាការបង្កចលាចលខណៈកម្ពុជាកំពុងរៀបចំព្រឹត្តិការណ៍ស៊ីហ្គេម៕RFI
/unnamed.png
Post a Comment