សារាចរណែនាំហាមឃាត់ការលក់និងពិសាគ្រឿងស្រវឹង២ថ្ងៃនៅពេលបោះឆ្នោតជ្រើសតាំងតំណាងរាស្ត្រនីតិកាលទី៧
ក្រសួងទេសចរណ៍បានចេញសារាចរណែនាំដល់ម្ចាស់ខារ៉ាអូខេក្លិបកម្សាន្ត និងកន្លែងផឹកស៊ីត្រូវផ្អាកសកម្មភាពជីវកម្មរបស់ខ្លួន២ថ្ងៃនៅពេលបោះឆ្នោតជ្រើសតាំងតំណាងរាស្ត្រនីតិកាលទី៧។ការហាមនេះធ្វើឡើងស្របតាមការណែនាំរបស់រដ្ឋាភិបាលស្ដីពីការផ្អាកលក់ដូរនិងពិសាគ្រឿងស្រវឹងនៅថ្ងៃទី២២ និងថ្ងៃទី២៣ ខែកក្កដា ឆ្នាំ២០២៣ ពោលគឺមួយថ្ងៃមុននិងក្នុងថ្ងៃបោះឆ្នោតជ្រើសតាំងតំណាងរាស្ត្រនីតិកាលទី៧។សារាចរណែនាំរបស់ក្រសួងទេសចរណ៍នៅថ្ងៃអង្គារ បានឱ្យដឹងថា៖ «ម្ចាស់ឬអ្នកគ្រប់គ្រងអាជីវកម្មខារ៉ាអូខេក្លិបកម្សាន្ត រង្គសាល ឌីស្កូតែក និងបៀរហ្កាឌិននៅទូទាំងរាជធានីខេត្តត្រូវផ្អាកសកម្មភាពអាជីវកម្មរយៈពេលថ្ងៃពីរ គឺថ្ងៃទី២២ និងថ្ងៃទី២៣ ខែកក្កដា ឆ្នាំ២០២៣»។សារាចរណែនាំបន្តថា៖ «ចំណែកម្ចាស់ឬអ្នកគ្រប់គ្រងអាជីវកម្មសេវាកម្មទេសចរណ៍ទាំងអស់អាចផ្តល់សេវាកម្មម្ហូបអាហារ ប៉ុន្តែត្រូវផ្អាកសកម្មភាពលក់ដូរគ្រឿងស្រវឹង»។លោក ថោង ខុន រដ្ឋមន្ត្រីក្រសួងទេសចរណ៍បានបញ្ជាក់ក្នុងសារាចរណែនាំថាដើម្បីចូលរួមទប់ស្កាត់អំពើហិង្សា ការគំរាមកំហែង ការបំភិតបំភ័យ គ្រោះថ្នាក់ចរាចរណ៍ គ្រោះថ្នាក់សង្គម និងបាតុភាពនានាដែលអាចបណ្តាលមកពីការពិសាគ្រឿងស្រវឹងនៅក្នុងដំណើរការជ្រើសតាំងតំណាងរាស្ត្រនីតិកាលទី៧ ដែលនឹងប្រព្រឹត្តទៅនៅថ្ងៃទី២៣ ខែកក្កដា ឆ្នាំ២០២៣ ដោយសេរី ត្រឹមត្រូវ និងយុត្តិធម៌។លោកបានណែនាំដល់ប្រធានមន្ទីរទេសចរណ៍រាជធានីខេត្តត្រូវចុះធ្វើការផ្សព្វផ្សាយនិងអប់រំណែនាំដល់ម្ចាស់ឬអ្នកគ្រប់គ្រងអាជីវកម្មសេវាកម្មទេសចរណ៍អនុវត្តតាមសារាចរណែនាំនេះប្រកបដោយប្រសិទ្ធភាពនិងមានការទទួលខុសត្រូវខ្ពស់។លោកបាននិយាយថា៖ «ម្ចាស់ឬគ្រប់គ្រងអាជីវកម្មសេវាកម្មទេសចរណ៍ត្រូវអនុវត្តតាមសារាចរណែនាំនេះឱ្យបានម៉ឺងម៉ាត់និងប្រកបដោយប្រទេសភាពខ្ពស់»។តាមសេចក្ដីណែនាំរបស់រដ្ឋាភិបាលកាលពីដើមខែឧសភា បានណែនាំដល់ថ្នាក់ដឹកនាំពាក់ព័ន្ធគ្រប់លំដាប់ថ្នាក់ផ្សព្វផ្សាយនិងអប់រំដល់ពលរដ្ឋនិងជនបរទេសទាំងអស់ក្នុងមូលដ្ឋានផ្អាកការលក់ដូរនិងពិសាគ្រឿងស្រវឹង ដើម្បីចូលរួមធ្វើឱ្យដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ប្រព្រឹត្តទៅក្នុងបរិយាកាសនយោបាយល្អ ដោយសេរី ត្រឹមត្រូវ យុត្តិធម៌ និងគ្មានអំពើហិង្សា។កន្លងមករដ្ឋាភិបាលកត់សម្គាល់ឃើញថា៖ «ការពិសាគ្រឿងស្រវឹងគ្រប់ប្រភេទភាគច្រើនអាចបង្កឱ្យមានអំពើហិង្សា គ្រោះថ្នាក់ចរាចរណ៍ គ្រោះថ្នាក់សង្គម ការប្រព្រឹត្តបទល្មើសនានា ឬករណីខ្លះអាចបណ្ដាលឱ្យបាត់សណ្ដាប់ធ្នាប់សាធារណៈទៀតផង»។អ្នកស្រី មន្ត សិលាម៉ានី អ្នកគ្រប់គ្រងហាងផឹកស៊ីមួយកន្លែងឈ្មោះមិត្តចាស់ បាននិយាយថា អ្នកស្រីនឹងគោរពតាមការណែនាំរបស់រដ្ឋាភិបាល ដើម្បីចូលរួមធានាដំណើរការបោះឆ្នោតជ្រើសតាំងតំណាងរាស្ត្រប្រកបដោយអំពើហិង្សា ឬបាតុភាពនានាដែលបណ្ដាលមកពីការពិសាគ្រឿងស្រវឹង។អ្នកស្រីបន្តថា៖ «គាត់ធ្វើបែបនេះត្រឹមត្រូវហើយ។ នៅពេលមានសេចក្ដីណែនាំ គឺយើងតែងតែអនុវត្តតាមជានិច្ច ហើយយើងមិនដែលមានបញ្ហាអ្វីទេ ព្រោះកន្លងមកពេលមានការណែនាំបែបនេះ គឺយើងតែងតែធ្វើតាមការណែនាំនោះជានិច្ច»។អ្នកស្រីបន្ថែមថា៖ «យើងធ្លាប់ផ្អាកសកម្មភាពលក់ដូរគ្រឿងស្រវឹង ដើម្បីចូលរួមកាន់ទុក្ខមរណៈ បន្ទាប់ពីមានសេចក្ដីណែនាំដោយរដ្ឋាភិបាល»៕Khmer Times
សារាចរណែនាំហាមឃាត់ការលក់និងពិសាគ្រឿងស្រវឹង២ថ្ងៃនៅពេលបោះឆ្នោតជ្រើសតាំងតំណាងរាស្ត្រនីតិកាលទី៧។អ៊ីនធឺណិត
/unnamed.png
Post a Comment