ព្រះរាជពិធីបុណ្យច្រត់ព្រះនង្គ័លបង្ហាញពីការចាប់ផ្តើម
ព្រះរាជពិធីបុណ្យច្រត់ព្រះនង្គ័លដែលបង្ហាញពីការចាប់ផ្តើមរដូវដាំដុះដំណាំក្នុងប្រទេសនឹងប្រារព្ធធ្វើឡើងនៅក្នុងឃុំត្រពាំងឬស្សីស្រុកកំពង់ស្វាយ ខេត្តកំពង់ធំនៅថ្ងៃទី៨ខែឧសភា។ព្រះករុណា ព្រះបាទសម្ដេចព្រះបរមនាថ នរោត្ដមសីហមុនីនឹងយាងជាព្រះរាជអធិបតីក្នុងព្រះរាជពិធីបុណ្យប្រចាំឆ្នាំនេះ រួមទាំងថ្នាក់ដឹកនាំជាន់ខ្ពស់នៃស្ថាប័ននីតិប្បញ្ញត្តិ និងនីតិប្រតិបត្តិ និងឯកអគ្គរដ្ឋទូតបរទេសផ្សេងទៀតផងដែរ។អភិបាលខេត្តកំពង់ធំ លោក ងួនរតនៈនឹងធ្វើជា“ស្តេចមាឃ”ភ្ជួររាស់ជុំវិញវាលព្រះបរមរាជវាំងដោយមានគោឧសភរាជ្យ ចំណែកភរិយារបស់លោកនឹងជា “ព្រះមេហួរ” ដើរតាមពីក្រោយដើម្បីរាយគ្រាប់ធុញ្ញជាតិ។ជាធម្មតាពិធីនេះត្រូវបានគេប្រារព្ធធ្វើឡើងនៅខែឧសភាដើម្បីក្រើនរំលឹកប្រជាជនខ្មែរឱ្យពួកគេត្រៀមខ្លួនធ្វើស្រែចម្ការ និងបួងសួងឱ្យមានការប្រមូលផលច្រើនសម្រាប់ឆ្នាំនេះ។តាមទំនៀមទម្លាប់ ពិធីនេះត្រូវបានប្រារព្ធឡើងជារៀងរាល់ឆ្នាំ ដើម្បីទស្សន៍ទាយពីកម្រិតទឹកភ្លៀង ការប្រមូលផលស្រូវ នាពេលខាងមុខ តាមរយៈការបរិភោគស្រូវ ពោត សណ្តែក ស្មៅ ល្ង ទឹក និងស្រារបស់គោឧសភរាជ។ព្រះរាជពិធីច្រត់ព្រះនង្គ័លត្រូវបានលុបចោលក្នុងរយៈពេលបីឆ្នាំចុងក្រោយនេះ ដោយសារការរីករាលដាលនៃជំងឺកូវីដ-១៩។នៅឆ្នាំ ២០១៩ ពិធីនេះត្រូវបានធ្វើឡើងនៅក្រុងដូនកែវ ខេត្តតាកែវ ក្រោមព្រះរាជាធិបតីភាពដ៏ខ្ពង់ខ្ពស់របស់ព្រះមហាក្សត្រ៕AKP/Khmer Times
រូបភាពដោយAKP/Khmer Times
Post a Comment