នាយករដ្ឋមន្រ្តីហ៊ុន សែន៖ពហុកីឡដ្ឋានដែលជាជំនួយរបស់ប្រទេសចិនអនុញ្ញាតឱ្យកម្ពុជាធ្វើជាម្ចាស់ផ្ទះកីឡាស៊ីហ្គេមប្រកបដោយមោទនភាព
សម្តេចនាយករដ្ឋមន្រ្តី ហ៊ុន សែនបានមានប្រសាសន៍នៅថ្ងៃចន្ទនេះថា ពហុកីឡដ្ឋានជាតិមរតកតេជោដែលផ្តល់ជំនួយដោយប្រទេសចិនបានអនុញ្ញាតឱ្យកម្ពុជាធ្វើជាម្ចាស់ផ្ទះការប្រកួតកីឡាស៊ីហ្គេមប្រកបដោយមោទនភាព។
កម្ពុជាកំពុងធ្វើជាម្ចាស់ផ្ទះកីឡាស៊ីហ្គេមលើកទី៣២ជាលើកដំបូងក្នុងរយៈពេល៦៤ឆ្នាំចាប់ពីថ្ងៃទី៥-១៧ខែឧសភា ដោយពហុកីឡដ្ឋានជាតិមរតកតេជោដែលមានកៅអីអង្គុយចំនួន៦០,០០០ កៅអីជាកន្លែងសំខាន់សម្រាប់ពិធីបើកនិងបិទផ្លូវការ ក៏ដូចជាការប្រកួតនានា។ព្រឹត្តិការណ៍ប្រកួតកីឡាដែលត្រូវបានរៀបចំរាងរាល់ពីរឆ្នាំបានប្រមូលផ្តុំអត្តពលិក គ្រូបង្វឹក អាជ្ញាកណ្តាល និងគណៈប្រតិភូកីឡាសរុបចំនួន១០,៨៩០នាក់មកពីប្រទេសអាស៊ីអាគ្នេយ៍ចំនួន១១។ក្នុងសុន្ទរកថាថ្លែងក្នុងពិធីចែកសញ្ញាបត្រដល់និស្សិតសាកលវិទ្យាល័យជាង៣ពាន់នាក់ក្នុងរាជធានីភ្នំពេញ លោកបានមានប្រសាសន៍ថា លោកសូមថ្លែងអំណរគុណចំពោះប្រទេសចិនដែលបានផ្តល់ពហុកីឡដ្ឋានដ៏ធំនិងស្រស់ស្អាតមួយដល់កម្ពុជា។លោកបានបន្តថា៖«ពហុកីឡដ្ឋានបានផ្តល់ឱកាសដល់កម្ពុជាក្នុងការធ្វើជាម្ចាស់ផ្ទះស៊ីហ្គេមឆ្នាំ២០២៣ ប្រកបដោយមោទនភាព។ពហុកីឡដ្ឋានដែលសាងសង់ដោយសាជីវកម្មវិស្វកម្មសំណង់រដ្ឋចិន (CSCEC) ស្ថិតនៅខាងជើងនៃរាជធានីភ្នំពេញ ដែលត្រូវបានដាក់ឱ្យប្រើប្រាស់តាំងពីខែធ្នូ ឆ្នាំ២០២១។លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជាបាននិយាយថា កីឡដ្ឋានបានលើកកម្ពស់កិត្យានុភាពនិងកិត្តិយសរបស់កម្ពុជានៅលើឆាកអន្តរជាតិ។លោកវ៉ាត់ ចំរើន បានបន្តថា “ពហុកីឡដ្ឋានជានិមិត្តសញ្ញានៃភាពជាដៃគូសហប្រតិបត្តិការយុទ្ធសាស្ត្រគ្រប់ជ្រុងជ្រោយរវាងកម្ពុជានិងចិនហើយបានបើកទំព័រប្រវត្តិសាស្ត្រថ្មីសម្រាប់ការអភិវឌ្ឍវិស័យកីឡានៅកម្ពុជាមិនតែប៉ុណ្ណោះ “វាក៏នឹងក្លាយជាមេដែកដើម្បីទាក់ទាញភ្ញៀវទេសចរណ៍បរទេស ជាពិសេសភ្ញៀវជនជាតិចិន៕Xinhua/Khmer Times
/unnamed.png
Post a Comment