ជនជាតិខ្មែរម្នាក់ត្រូវបានចាប់ខ្លួននៅប្រទេសថៃក្រោមបទល្មើសផ្លូវភេទ
បុរសម្នាក់ដែលបានភៀសខ្លួនទៅប្រទេសថៃបន្ទាប់ពីបានប្រព្រឹត្តបទល្មើសផ្លូវភេទនៅកម្ពុជាត្រូវបានចាប់ខ្លួននៅខេត្តចាន់ថាបុរីកាលពីថ្ងៃអាទិត្យ។នគរបាលអន្តោប្រវេសន៍ខេត្តចាន់ថាបុរីបានចាប់ខ្លួនឈ្មោះ អ៊ីង សំណាង អាយុ២៣ឆ្នាំសញ្ជាតិខ្មែរតាមដីកាចាប់ខ្លួនដែលចេញដោយតុលាការខេត្តឈុនបុរី កាលពីថ្ងៃទី២៤ ខែវិច្ឆិកា ឆ្នាំ ២០២០ បន្ទាប់ពីជននេះរត់គេចពីដីកាចាប់ខ្លួននៅប្រទេសកំណើត។ជននេះត្រូវបានចោទប្រកាន់ពីបទ«នាំអនីតិជនអាយុលើស១៥ឆ្នាំ ទៅប្រព្រឹត្តមិនសមរម្យឬចាប់រំលោភ។មន្ត្រីស៊ើបអង្កេតនៅប៉ុស្តិ៍នគរបាលស្រីរ៉ាចាបាននិយាយថា សំណាងបានដាក់ពាក្យស្នើសុំការងារក្រោមគម្រោងរបស់រដ្ឋាភិបាលសម្រាប់ពលករបរទេសដែលមាន ៤ សញ្ជាតិ (កម្ពុជា ឡាវ មីយ៉ាន់ម៉ា និងវៀតណាម)នៅខេត្តចាន់ថាបុរី។ដូច្នេះនគរបាលបានជូនដំណឹងទៅមន្ត្រីអន្តោប្រវេសន៍ខេត្តចាន់ថាបុរីដោយបានរកឃើញសំណាងឈរនៅលើផ្លូវខាងក្រៅការិយាល័យអន្តោប្រវេសន៍ក្នុងខេត្តចាន់ថាបុរី ហើយបន្ទាប់មកក៏បានស្នើសុំមើលឯកសាររបស់គាត់។សំណាងបានសារភាពថាខ្លួនជាមនុស្សដែលបានរៀបរាប់លម្អិតក្នុងដីកាចាប់ខ្លួន បន្ទាប់មកនគរបាលបាននាំជននេះទៅប៉ុស្តិ៍នគរបាលស្រ៊ីរ៉ាចា ខេត្តឈុនបុរី ដើម្បីយកទៅកាត់ទោស៕Thaiger/Khmer Times
នគរបាលថៃចាប់ខ្លួនជនល្មើស។ រូបថតរបស់ KhaoSod/Khmer Times
Post a Comment