ប្រមុខរដ្ឋាភិបាលកម្ពុជា៖វិស័យកសិកម្មបានចូលរួមចំណែកត្រឹម១ភាគរយឬក្រោម១ភាគរយសម្រាប់ប្រទេសជឿនលឿន
សម្តេចហ៊ុនសែននាយករដ្ឋមន្ត្រីនៃកម្ពុជាបានលើកឡើងថាសម្រាប់ប្រទេសដែលជឿនលឿននៅលើពិភពលោកវិស័យកសិកម្មបានចូលរួមចំណែកប្រមាណតែ១ភាគរយឬអាចក្រោម១ភាគរយនៃផលិតផលសរុបរបស់ជាតិ។
ក៏ប៉ុន្តែមួយភាគរយរបស់គេនោះគឺគេអាចចិញ្ចឹមប្រជាជនគេបាន ហើយគេអាចនាំចេញទៅក្រៅប្រទេសបានទៀតផង។ការលើកឡើងរបស់សម្ដេចនាយករដ្ឋមន្រ្ដីនេះក្នុងពិធីប្រគល់សញ្ញាបត្រជូននិស្សិតបញ្ចប់ការសិក្សាផ្នែកកសិកម្មជាង៣ពាន់ នាក់នៃសាកលវិទ្យាល័យភូមិន្ទកសិកម្មវិទ្យាស្ថានជាតិកសិកម្មព្រែកលៀប និងវិទ្យាស្ថានជាតិកសិកម្មកំពង់ចាមនាព្រឹកថ្ងៃទី១៥ ខែឧសភា ឆ្នាំ២០២៣ នៅមជ្ឈមណ្ឌលសន្និបាតនិងពិព័រណ៍កោះពេជ្រ។សម្ដេចហ៊ុន សែន បានថ្លែងថាចំណែកកម្ពុជាក៏ដូចគ្នាពីមុនដែរវិស័យកសិកម្មរបស់យើងបានគ្របដណ្តប់ប្រមាណជាង៨០ភាគរយនៃចំណែកផលិតផលសរុបតែប្រជាពលរដ្ឋរបស់យើងនៅតែខ្វះខាតស្បៀង។ប៉ុន្តែឥឡូវបើគិតពីអត្រានៃចំនួនផលិតផលសរុបរបស់កម្ពុជាលើចំនួនវិស័យកសិកម្មថយចុះ ។ប៉ុន្តែមិនបានសេចក្តីថាផលិតកម្មថយចុះទេកម្ពុជានៅសល់ស្បៀងសម្រាប់នាំចេញថែមទៀត។សម្តេចនាយករដ្ឋមន្រ្ដីបានបញ្ជាក់បន្ថែមថាត្រង់ចំណុចនេះគឺកុំគិតថាវិស័យកសិកម្មរួមតូច ហើយបែរជាខ្វះខាតមិនមែនដូច្នោះទេ។កសិកម្មរួមតូចតែយើងធ្វើប្រពលវប្បកម្មដំណាំស្រូវការបញ្ចូលបច្ចេកទេសទៅក្នុងវិស័យកសិកម្ម ការប្រើពូជ ការធ្វើស្រែតែមួយដងមួយរដូវ តែធ្វើឱ្យបានច្រើនដង តាមរយៈធ្វើឱ្យមានទឹកនៅតាមប្រឡាយ៕AKP
Post a Comment