ប្រទេ​ស​ថៃរៀបចំការ​បោះឆ្នោត​សក​ល

អ្នកបោះឆ្នោតថៃរាប់លាននាក់បានបោះឆ្នោតជ្រើសរើសរដ្ឋាភិបាលថ្មី ខណៈដែលគណបក្សUTNគាំទ្រដោយយោធាប្រឈមមុខនឹងការបរាជ័យ។ការិយាល័យបោះឆ្នោតជិត៩៥,០០០នៅក្នុងប្រទេសថៃនឹងដំណើរការពីម៉ោង៨ព្រឹកដល់ម៉ោង៥ល្ងាចថ្ងៃនេះលទ្ធផលរាប់សន្លឹកឆ្នោតបឋមអាចត្រូវបានគេប្រកាសចាប់ពីម៉ោង៦:៣០ល្ងាច។ប្រជាជនថៃជាង៥២.៤ លាននាក់បានចុះឈ្មោះបោះឆ្នោតដែលក្នុងនោះអ្នកបោះឆ្នោតប្រហែល២.៣លាននាក់បានទៅបោះឆ្នោតនៅដើមថ្ងៃទី៧ឧសភា។អ្នកបោះឆ្នោតនីមួយៗត្រូវបានផ្តល់ដោយសំឡេង២គឺពណ៌ស្វាយមួយសម្រាប់ជ្រើសរើសបេក្ខជនតំណាងរាស្រ្តក្នុងស្រុកនិងពណ៌ខៀវមួយដើម្បីជ្រើសរើសគណបក្សដើម្បីដឹកនាំប្រទេស។គណៈកម្មាធិការរៀបចំការបោះឆ្នោតថៃ (EC) ប៉ាន់ប្រមាណថា៨៥% នៃអ្នកចុះឈ្មោះបោះឆ្នោតនឹងបោះឆ្នោត។គណបក្សសរុបចំនួន៧០ដែលមានបេក្ខជនតំណាងរាស្រ្តរាប់ពាន់នាក់បានចុះឈ្មោះចូលរួមការប្រណាំងដែលក្នុងនោះមាន៦៣នាក់មកពី៤៣គណបក្សត្រូវបានប្រកាសជាបេក្ខជននាយករដ្ឋមន្ត្រី។ប្រធាន EC លោក Ittiporn Boonpracongបាននិយាយថា"ការបោះឆ្នោតសកលនេះត្រូវបានគេមើលឃើញថាជាគោលបំណងជាតិដើម្បីបង្ហាញពីអំណាចនៃការបោះឆ្នោតស្អាតស្អំ។ វានឹងមិនមានការទិញនិងលក់សន្លឹកឆ្នោតឡើយ" ។មេប៉ូលីសជាតិថៃ លោក Damrongsak Kittiprapas បានប្រកាសពីការចល័តកងកម្លាំងជិត១៤៨,០០០នាក់ដើម្បីធានាសន្តិសុខនៅតាមការិយាល័យបោះឆ្នោតទូទាំងប្រទេសក៏ដូចជាត្រៀមខ្លួនសម្រាប់ការដាក់ពង្រាយយ៉ាងឆាប់រហ័ស ដើម្បីឆ្លើយតបទៅនឹងស្ថានភាពពិសេស។ការស្ទង់មតិដែលបានធ្វើឡើងនៅមុនការបោះឆ្នោតបង្ហាញថា គណបក្សប្រឆាំងកំពុងទទួលបានអត្ថប្រយោជន៍ដ៏ធំមួយលើគណបក្ស United Thailand National Party (UTN)ដឹកនាំដោយនាយករដ្ឋមន្ត្រី Prayuth Chan-ocha និងគាំទ្រដោយយោធា។Pita Limjaroenrat អាយុ៤២ឆ្នាំនៃគណបក្ស Move Forward ថ្មីៗនេះបានលេចចេញជាបេក្ខជននាយករដ្ឋមន្ត្រីនាំមុខគេ។គណបក្សភឿថៃដែលមានទំនាក់ទំនងជាមួយអតីតនាយករដ្ឋមន្ត្រីThaksin Shinawatraត្រូវបានគេរំពឹងថានឹងទទួលបានអាសនៈច្រើនជាងគេនៅក្នុងសភាជាន់ទាប។Paetongtarn Shinawatra អាយុ ៣៦ឆ្នាំ កូនស្រីរបស់Thaksinគឺជាបេក្ខជនម្នាក់ក្នុងចំណោមបេក្ខភាព៣នាក់ដែលតំណាងឱ្យគណបក្សភឿថៃ។លោកស្រីបានប្រកាសថា គណបក្សភឿថៃនឹងមិនបង្កើតក្រុមចម្រុះដែលកំពុងកាន់អំណាចជាមួយក្រុមគាំទ្រដោយយោធានោះទេ។ទោះជាយ៉ាងណាក៏ដោយ ការឈ្នះអាសនៈភាគច្រើននៅក្នុងសភាជាន់ទាបមិនមានន័យថាគណបក្សភឿថៃនិងចលនាឆ្ពោះទៅមុខអាចឡើងកាន់អំណាចនៅក្នុងប្រទេសថៃនោះទេ ព្រោះតំណែងនាយករដ្ឋមន្ត្រីនឹងត្រូវជ្រើសរើសដោយសមាជិកសភាចំនួន ៥០០នាក់និងសមាជិកព្រឹទ្ធសភាចំនួន២៥០រូប។ សមាជិកសភាជាន់ខ្ពស់ត្រូវបានតែងតាំងដោយរដ្ឋាភិបាលPrayuth។គណបក្សភឿថៃកំពុងអំពាវនាវឱ្យអ្នកគាំទ្របោះឆ្នោតដើម្បីនាំមកនូវជ័យជំនះដ៏លើសលប់និងរារាំងយោធាមិនឱ្យបន្តកាន់អំណាចជាអ្វីដែលបានកើតឡើងនៅពេលលោកPrayuthឡើងកាន់តំណែងជានាយករដ្ឋមន្ត្រីដោយមានការគាំទ្រពីសភាជាន់ខ្ពស់ក្នុងឆ្នាំ២០១៩៕ប្រភពBangkok Post

អ្នក​បោះ​ឆ្នោត​ថៃ​ទៅ​បោះ​ឆ្នោត​នៅ​ភូកេត ថ្ងៃ​ទី​៧ ខែ​ឧសភា។ រូបថត៖ Guardian