ការធ្លាក់ចុះសេដ្ឋកិច្ចប៉ះពាល់ដល់ការនាំចេញរបស់កម្ពុជា
ការនាំចេញសំខាន់ៗរបស់កម្ពុជាបានធ្លាក់ចុះក្នុងរយៈពេល៤ខែនេះ ដោយសារការធ្លាក់ចុះសេដ្ឋកិច្ចនៅក្នុងទីផ្សារធំៗ។ទំនិញនាំចេញសំខាន់ៗរបស់កម្ពុជា គឺសម្លៀកបំពាក់ ស្បែកជើង និងទំនិញធ្វើដំណើរ។ឧស្សាហកម្មកាត់ដេរ ស្បែកជើង និងទំនិញធ្វើដំណើរជាប្រភពរកចំណូលពី បរទេសធំបំផុតរបស់ខ្លួន។ វិស័យនេះមានរោងចក្រ និងសាខាប្រមាណ ១,១០០០ដែលផ្តល់ការងារដល់កម្មករប្រមាណ៧៥០,០០០នាក់ ដែលភាគច្រើនជាស្ត្រី។
បើយោងតាមរបាយការណ៍របស់អគ្គនាយករដ្ឋានគយ និង រដ្ឋាករកម្ពុជាបានឲ្យដឹងថា ការនាំចេញសំលៀកបំពាក់នៅក្នុងរយៈពេល៤ខែឆ្នាំនេះ ធ្លាក់ចុះ ២៨ភាគរយគិតជាទឹកប្រាក់ ១,៣៩៤លានដុល្លារ ។ ចំណែកទំនិញធ្វើដំណើរក៏ធ្លាក់ចុះត្រឹម ២៣ភាគរយគិតជាទឹកប្រាក់ ៥១៥លានដុល្លារ និង ការនាំចេញស្បែកជើងធ្លាក់ចុះ ២៣ភាគរយគិតជាទឹកប្រាក់ប្រមាណ៤៣៦លានដុល្លារ។បើយោងតាមអ្នកនាំពាក្យក្រសួងពាណិជ្ជកម្ម លោក ប៉ែន សុវិជាតិ មានប្រសាសនួថា សង្រ្គាមនៅអ៊ុយក្រែនគឺបណ្តាលឲ្យប៉ះពាល់ដល់កំណើនលូតលាស់សេដ្ឋកិច្ចពិភពលោក ដែលកំណត់ការចំណាយរបស់អ្នកប្រើប្រាស់នៅជុំវិញពិភពលលោក ដែលនេះនាំឲ្យមានការធ្លាក់ចុះការបញ្ជាទិញនៅកម្ពុជា។យ៉ាងណាក៏ដោយ កម្ពុជានៅបន្តទទួលការបញ្ជាទិញ ដែលជាក្តីសង្ឃឹមចំពោះការនាំចេញនឹងកើនឡើងនៅចុះឆ្នាំនេះ។លោកបានមានប្រសាសន៍ប្រាប់ខ្មែរថាមស៍ថា៖ « សង្គ្រាមបានធ្វើឲ្យយឺតកំណើនសេដ្ឋកិច្ចពិភពលោក ហើយកាត់បន្ថយការចំណាយនាំឲ្យមានការធ្លាក់ចុះការបញ្ជាទិញនៅកម្ពុជា ។ យ៉ាងណាក៏ដោយការបញ្ជាទិញនៅតែខ្ពស់នាំឲ្យមានក្តីសង្ឃឹមកើនឡើងនៅចុះឆ្នាំនេះ»។ការនាំចេញទៅកាន់ទីផ្សារធំៗ រួមទាំងសហរដ្ឋអាមេរិក បណ្តាប្រទេសសហភាពអឺរ៉ុប ជប៉ុន និងកូរ៉េខាងត្បូង បានធ្លាក់ចុះជារួមផងដែរ។ចំណែកការនាំចេញទៅកាន់សហរដ្ឋអាមេរិកបានធ្លាក់ចុះ ១៦ភាគរយមកនៅត្រឹម ២,៤៤៩ លានដុល្លារក្នុងរយៈពេល ៤ខែដំបូងនៃឆ្នាំ ២០២៣ ខណៈដែលការនាំចេញទៅកាន់ប្រទេសជប៉ុនបានធ្លាក់ចុះ ៤,៥ ភាគរយនិងកូរ៉េខាងត្បូង ១៩ ភាគរយ។យ៉ាងណាក៏ដោយ កំណើននាំចេញផលិតផលមិនមែនសំលៀកបំពាក់បានកើនឡើង ៩៤ភាគរយដូចជា អេឡិចត្រូនិកសំភារយៈផ្សេង គិតជាទឹកប្រកា់ ៩៧៩លានដុល្លារ។លោក ហេង សុខគង់ រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ មានប្រសាសន៍ថា វិស័យឧស្សាហកម្មគឺវិស័យសំខាន់នាំមុខមួយក្នុងការចូលរួមកំណើនសេដ្ឋកិច្ចជាតិ។លោកបានមានប្រសាសន៍ថា៖«កំណើននេះស្របតាមគោលនយោបាយអភិវឌ្ឍន៍ឧស្សាហកម្មកម្ពុជា២០១៥-២០២៥ ដែលមានគោលបំណងផ្សព្វផ្សាយនិងអភិវឌ្ឍឧស្សាហកម្មដែលពឹងផ្អែកលើកម្លាំងពលកម្មទៅជាជំនាញឬឧស្សាហកម្មផ្អែកលើបច្ចេកវិទ្យា»៕Khmer Times
/unnamed.png
Post a Comment