ប្រធានគណៈប្រតិភូឥណ្ឌូនេស៊ីកោតសសើរចំពោះការខិតខំប្រឹងប្រែងរបស់កម្ពុជាក្នុងការធ្វើជាម្ចាស់ផ្ទះស៊ីហ្គេមលើកទី៣២
លោកLexyndoHakimប្រធានគណៈប្រតិភូរបស់ប្រទេសឥណ្ឌូនេស៊ីសម្រាប់ការប្រកួតកីឡាស៊ីហ្គេមលើកទី៣២បានកោតសរសើរចំពោះការខិតខំប្រឹងប្រែងរបស់កម្ពុជាធ្វើជាម្ចាស់ផ្ទះដើម្បីធានាថាការប្រកួតបានប្រព្រឹត្តទៅដោយជោគជ័យនិងរលូន។លោកបានបន្ថែមថាប្រទេសឥណ្ឌូនេស៊ីមានការយោគយល់ដោយសារតែស៊ីហ្គេមលើកនេះគឺជាលើកទី១ដែលកម្ពុជាធ្វើជាម្ចាស់ផ្ទះ។លោកបានលើកឡើងទៀតថា៖ «យើងក៏យល់ដែរថានេះជាព្រឹត្តិការណ៍ស៊ីហ្គេមលើកដំបូងរបស់កម្ពុជាក្នុងនាមជាម្ចាស់ផ្ទះ ប៉ុន្តែពួកគេបានដោះស្រាយរាល់បញ្ហាទាំងអស់បានដោយរលូន និងរហ័ស»។លោកបានបន្ថែមថាប្រទេសឥណ្ឌូនេស៊ីក៏បានកោតសរសើរកម្ពុជាចំពោះការខិតខំប្រឹងប្រែងរបស់ខ្លួនក្នុងការធ្វើជាម្ចាស់ផ្ទះកីឡាស៊ីហ្គេម រហូតដល់ពិធីបិទនៅថ្ងៃពុធ (១៧ឧសភា ២០២៣)។
លោកបានបន្តថា៖ «ជារួមពួកគេបានទទួលបានជោគជ័យបើទោះបីជាមានចំណុចខ្វះខាតមួយចំនួនដែលបានកើតឡើងក៏ដោយ»។លោកបាននិយាយថាភាពជោគជ័យរបស់ប្រទេសឥណ្ឌូនេស៊ីក្នុងការដណ្តើមបានមេដាយស៊ីហ្គេមរបស់ខ្លួននៅក្នុងការប្រកួតឆ្នាំនេះគឺជាលទ្ធផលនៃការងារជាក្រុមរវាងអត្តពលិកនិងអ្នកពាក់ព័ន្ធទាំងអស់។ឥណ្ឌូណេស៊ី ឈរនៅលេខរៀងទី៣ ក្នុងព្រឹត្តិការណ៍ស៊ីហ្គេម ឆ្នាំ២០២៣ ដោយបានមេដាយមាសចំនួន ៨៧ ប្រាក់ ៨០ និងសំរឹទ្ធ ១០៩។ នៅស៊ីហ្គេមឆ្នាំ២០២១ ខ្លួនអាចដណ្ដើមបានមេដាយមាសត្រឹមតែ៦៩ ប្រាក់៩១និងសំរឹទ្ធ៨១បើទោះជាប្រទេសនេះធ្លាប់ឈរនៅលេខរៀងទី៣កាលពីពេលនោះក៏ដោយ។“នេះគឺជាលទ្ធផលនៃការងារជាក្រុម និងភាពហ្មត់ចត់របស់អត្តពលិកមកពីគ្រប់វិស័យកីឡា និងអ្នកពាក់ព័ន្ធទាំងអស់ ហើយយើងរួបរួមគ្នាដើម្បីប្រទេសឥណ្ឌូនេស៊ី។ គោលដៅរបស់យើងគឺមានតែមួយគត់គឺ ច្រៀង (ភ្លេងជាតិ) ឥណ្ឌូនេស៊ី ហើយនេះគឺជាអ្វីដែលយើងទទួលបានជោគជ័យ”។លោកក៏បានលើកឡើងពីភាពជោគជ័យរបស់ប្រទេសឥណ្ឌូនេស៊ីក្នុងប្រភេទកីឡាជាក្រុមផងដែរ ដែលរហូតមកដល់ពេលនេះប្រទេសនេះត្រូវបានគេដឹងថាមានភាពខ្លាំងក្នុងតែការប្រកួតជាលក្ខណៈឯកកត្តជនប៉ុណ្ណោះ។នៅស៊ីហ្គេមឆ្នាំ២០២៣ ឥណ្ឌូនេស៊ីឈ្នះមេដាយមាសលើវិញ្ញាសាបាល់ទាត់បុរស បាល់ទះបុរស បាល់ទះឆ្នេរខ្សាច់បុរស ហុកគី និងកីឡាគ្រីឃីតនារី។លោកបានបន្ថែមថា “អស់រយៈពេលកន្លមកមកនេះឥណ្ឌូណេស៊ីទទួលបានសមិទ្ធិផលកីឡាភាគច្រើនជាលក្ខណៈឯកកត្តជន។ប៉ុន្តែដូចដែលយើងឃើញសមិទ្ធផលស៊ីហ្គេម យើងសង្ឃឹមថាប្រភេទកីឡាជាក្រុមរបស់យើងនឹងមានភាពប្រសើរឡើងជាបណ្តើរៗ”៕ Antara/Khmer Times
/unnamed.png
Post a Comment