នាយករដ្ឋមន្ត្រីហ៊ុន សែននឹងជួបជួបថ្នាក់ដឹកនាំបក្សប្រឆាំងក្រោយការបោះឆ្នោតខែកក្កដា
សម្តេចនាយករដ្ឋមន្ត្រីហ៊ុន សែននឹងជួបថ្នាក់ដឹកនាំគណបក្សភ្លើងទៀន ក្រោយការបោះឆ្នោតជាតិនៅថ្ងៃទី២៣ ខែកក្កដា ឆ្នាំ២០២៣ ។នេះបើយោងតាមសាររបស់លោកនៅលើបណ្ដាញសង្គមកាលពីយប់មិញ។
សម្តេចនាយករដ្ឋមន្ត្រីហ៊ុន សែន។AFPសម្តេចហ៊ុនសែនបានឆ្លើយតបទៅនឹងសំណើរបស់គណបក្សភ្លើងទៀនថា៖«ដោយសារភាពមិនច្បាស់លាស់ និងដោយសារខ្ញុំរវល់ ខ្ញុំសូមកំណត់ម៉ោង ៩យប់ថ្ងៃទី ៣០ ខែ កក្កដា ឆ្នាំ ២០២៣ នៅវិមានសន្តិភាពដើម្បីជួប [ជាមួយថ្នាក់ដឹកនាំគណបក្សភ្លើងទៀន] ក្រោយការបោះឆ្នោត។ជាមួយគ្នានេះសម្តេចក៏បានលើកជាសំណួរថាតើគណបក្សភ្លើងទៀនចង់បានអ្វីពិតប្រាកដបានជាបញ្ជូនសារដ៍ច្របូកច្របល់បែបនេះតាមរយៈការគម្រាមកំហែងបង្កភាពចលាចលនិងសារមួយទៀតស្នើសុំជួបផ្ទាល់ជាមួយនាយករដ្ឋមន្ត្រី។ការស្នើសុំរបស់គណបក្សភ្លើងទៀន ធ្វើឡើងបន្ទាប់ពីសម្តេចនាយករដ្ឋមន្ត្រីបានចេញសារព្រមានមួយនៅរសៀលថ្ងៃទី១៣ខែឧសភាឆ្នាំ២០២៣ដើម្បីឆ្លើយតបទៅនឹងការអំពាវនាវរបស់គណបក្សប្រឆាំងទៅកាន់អ្នកគាំទ្ររបស់ខ្លួនទូទាំងប្រទេសឱ្យមានការតស៊ូមតិដោយសន្តិវិធីក្នុងករណីគណៈកម្មាធិការជាតិរៀបចំការបោះឆ្នោតបដិសេធការចុះឈ្មោះបោះឆ្នោតជាតិនៅថ្ងៃទី២៣ ខែកក្កដា៕AKP/KhmerTimes
Post a Comment