គ.ជ.បបដិសេធការចុះបញ្ជីបក្សប្រឆាំងសម្រាប់ការបោះឆ្នោតជ្រើសតាំងតំណាងរាស្រ្តនៅក្នុងខែកក្កដា
គណៈកម្មាធិការជាតិរៀបចំការបោះឆ្នោត(គ.ជ.ប)នៅថ្ងៃចន្ទនេះ បានបដិសេធការចុះបញ្ជីគណបក្សភ្លើងទៀនដែលជាគណបក្សប្រឆាំងដ៏ធំសម្រាប់ការបោះឆ្នោតជ្រើសតាំងតំណាងរាស្រ្តដែលនឹងប្រព្រឹត្តទៅនៅខែកក្កដាខាងមុខ។សេចក្តីសម្រេចដែលចុះហត្ថលេខាដោយប្រធាន គ.ជ.ប លោក ប្រាជ្ញចន្ទបានលើកឡើងថាគ.ជ.បបានបានបដិសេធការចុះបញ្ជីគណបក្សភ្លើងទៀនពីការឈរបោះឆ្នោតជ្រើសតាំងតំណាងរាស្រ្តនាពេលខាងមុខ ដោយសារគណបក្សនេះមិនបានភ្ជាប់មកជាមួយនូវប្រកាសស្តីពីការចុះឈ្មោះក្នុងបញ្ជីគណបក្សនយោបាយនៅក្រសួងមហាផ្ទៃ។មកទល់ពេលនេះ គ.ជ.ប បានទទួលស្គាល់ជាផ្លូវការនូវគណបក្សនយោបាយចំនួន១៨ សម្រាប់ការបោះឆ្នោតនាពេលខាងមុខ។ក្នុងចំណោមនោះ មានគណបក្សប្រជាជនកម្ពុជានិងគណបក្សហ៊្វុនស៊ិនប៉ិច ។កម្ពុជាគ្រោងនឹងរៀបចំការបោះឆ្នោតជ្រើសតាំងតំណាងរាស្រ្តដែលមានអាសនៈចំនួន១២៥នៅថ្ងៃទី ២៣ ខែកក្កដា ឆ្នាំ២០២៣ ហើយប្រជាជនកម្ពុជាជាង៩,៧លាននាក់បានចុះឈ្មោះបោះឆ្នោត។នៅក្នុងការបោះឆ្នោតជ្រើសតាំងតំណាងរាស្រដែលបានធ្វើឡើងកាលពី៥ឆ្នាំមុន មានគណបក្សនយោបាយសរុបចំនួន២០ បានចូលរួមប្រកួតប្រជែង។ ជាលទ្ធផល គណបក្សប្រជាជនកម្ពុជាទទួលបានអាសនៈទាំង ១២៥ ក្នុងសភា៕Xinhua/Khmer Times
សមាជវិសាមញ្ញរបស់គណបក្សភ្លើងទៀននៅខេត្តសៀមរាបកាលពីថ្ងៃទី១១ ខែកុម្ភៈ។ រូបថតគណបក្សភ្លើងទៀន
Post a Comment