ចិន​និងកម្ពុជា​​សម្រេចបាន​សមិទ្ធផលគួរឱ្យក​ត់​ស​ម្គាល់​ក្នុងឆ្នាំនៃ​កិច្ចសហប្រតិបត្តិកា​​រអនុវ​ត្តច្បាប់

កាលពីថ្ងៃសៅរ៍សម្តេច ស ខេងឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ និងលោក Wang Xiaohong ទីប្រឹក្សារដ្ឋចិន និងជារដ្ឋមន្ត្រីក្រសួងសន្តិសុខសាធារណៈបានធ្វើជាសហប្រធានកិច្ចប្រជុំបូកសរុបសកម្មភាពកិច្ចសហប្រតិបត្តិការអនុវត្តច្បាប់ប្រចាំឆ្នាំរវាងកម្ពុជា និងចិន។

អនុវត្តនូវអ្វីដែលបានសម្រេចដោយមេដឹកនាំនៃប្រទេសទាំង២ លោក Wang បាននិយាយថា នាយកដ្ឋានអនុវត្តច្បាប់នៃប្រទេសចិន និងកម្ពុជាបានទទួលសមិទ្ធិផលគួរឱ្យកត់សម្គាល់នៅក្នុងសកម្មភាពកិច្ចសហប្រតិបត្តិការអនុវត្តច្បាប់ប្រចាំឆ្នាំ និងទទួលបានបទពិសោធន៍ដ៏មានតម្លៃ។ភាគីទាំង២បានប្តេជ្ញាពង្រឹងកិច្ចសហប្រតិបត្តិការរបស់ខ្លួនក្នុងការប្រយុទ្ធប្រឆាំងនឹងឧក្រិដ្ឋកម្មឆ្លងដែន ដូចជាការក្លែងបន្លំតាមអ៊ីនធឺណិត ការរត់ពន្ធមនុស្សនិងការជួញដូរមនុស្ស។លោក Wang បាននិយាយថា ប្រទេសចិនមានឆន្ទៈក្នុងការធ្វើការជាមួយកម្ពុជាដើម្បីអនុវត្តនូវអ្វីដែលបានឯកភាពគ្នារវាងមេដឹកនាំប្រទេសទាំង២ដោយពង្រឹងកិច្ចសហប្រតិបត្តិការឱ្យស៊ីជម្រៅបន្ថែមទៀត ក្នុងការទប់ស្កាត់ហានិភ័យសន្តិសុខនយោបាយ និងពង្រឹងកិច្ចសហប្រតិបត្តិការអនុវត្តច្បាប់ ដើម្បីផ្តល់ផលប្រយោជន៍ឱ្យប្រទេសទាំងពីរកាន់តែប្រសើរឡើង  ដោយរួមចំណែកកាន់តែច្រើនក្នុងការកសាងសហគមន៍កម្ពុជា-ចិន ដែលមានជោគវាសនារួមគ្នាក្នុងយុគសម័យថ្មី។សម្តេចស ខេង ឧបនាយករដ្ឋមន្រ្តីបានវាយតម្លៃខ្ពស់ចំពោះសមិទ្ធិផលដែលសម្រេចបានក្នុងសកម្មភាពកិច្ចសហប្រតិបត្តិការអនុវត្តច្បាប់និងបានលើកឡើងថា កម្ពុជាមានឆន្ទៈក្នុងការធ្វើការជាមួយប្រទេសចិនដើម្បីអនុវត្តនូវអ្វីដែលបានឯកភាពរបស់មេដឹកនាំនៃប្រទេសទាំង២ដោយបន្តពង្រឹងកិច្ចសហប្រតិបត្តិការជាក់ស្តែងក្នុងវិស័យសន្តិសុខការអនុវត្តច្បាប់រវាងប្រទេសទាំង២ ដើម្បីកសាងសហគមន៍កម្ពុជា-ចិនដែលមានជោគវាសនារួមគ្នា។ភាគីទាំង២បានចុះហត្ថលេខាលើផែនការការងារដើម្បីបន្តជំរុញសកម្មភាពកិច្ចសហប្រតិបត្តិការអនុវត្តច្បាប់ប្រចាំឆ្នាំរវាងកម្ពុជា និងចិន៕CGTN/Khmer Times