ចិន​ចរចា​​​​​លើ​កិច្ចព្រមព្រៀ​ង​​អា​វុធ​សំខាន់ៗ​ជា​ច្រើន​​នៅ​​មជ្ឈិមបូព៌ា

ប្រទេសចិនត្រូវបានគេនិយាយថានឹងកំពុងពិភាក្សាជាមួយអារ៉ាប៊ីសាអូឌីត និងអេហ្ស៊ីបលើកិច្ចព្រមព្រៀងអាវុធសំខាន់ៗខណៈដែលប្រទេសទាំង២ព្យាយាមធ្វើពិពិធកម្មការផ្គត់ផ្គង់អាវុធរបស់ពួកគេដើម្បីកាត់បន្ថយការពឹងផ្អែកលើសហរដ្ឋអាមេរិកនិងរុស្ស៊ី។

អេហ្ស៊ីប​ត្រូវ​បាន​គេ​និយាយ​ថា​កំពុង​ពិភាក្សា​ជាមួយ​ចិន​ដើម្បី​ទិញ​យន្តហោះ​ចម្បាំង​ចម្រុះJ-10C។ រូបថត៖ ទីភ្នាក់ងារព័ត៌មានស៊ីនហួ

ព័ត៌មានខាងលើត្រូវបានទទួលដោយ South China Morning Post នៅថ្ងៃទី២៣ខែឧសភា ដោយដកស្រង់ពី Tactical Reportដែលជាទីភ្នាក់ងារស៊ើបការណ៍សម្ងាត់ដែលមានមូលដ្ឋាននៅរដ្ឋធានី Beirut - Lebanon ។យោងតាមរបាយការណ៍ Tactical ក្រុមហ៊ុនឧស្សាហកម្មយោធាអារ៉ាប៊ីសាអូឌីត(SAMI)កំពុងពិភាក្សាជាមួយសាជីវកម្មឧស្សាហកម្មចិនខាងជើង(Norinco) ដើម្បីទិញយន្តហោះចម្បាំង យន្តហោះគ្មានមនុស្សបើកឈ្លបយកការណ៍និងប្រព័ន្ធការពារដែនអាកាស។សព្វាវុធរបស់ចិនដែលរួមបញ្ចូលក្នុងកិច្ចព្រមព្រៀងដ៏មានសក្តានុពលរួមមាន Sky Saker FX80 យន្តហោះគ្មានមនុស្សបើក (UAV) យន្តហោះឈ្លបយកការណ៍ CR500 (VTOL) យន្តហោះអត្តឃាត Cruise Dragon 5 និងប្រព័ន្ធការពារដែនអាកាសរយៈចម្ងាយខ្លី (SHORAD) HQ-17AE ។ដំណើរការចរចាររវាងភាគីនានាត្រូវបានគេរំពឹងថានឹងមានរយៈពេលរហូតដល់ចុងឆ្នាំនេះឬដើមឆ្នាំក្រោយហើយមានព័ត៌មានថាប្រតិបត្តិការទាំងអស់នៅក្នុងកិច្ចព្រមព្រៀងខាងលើទំនងជាត្រូវបានបង់ជារូបិយប័ណ្ណក្នុងស្រុក។នៅក្នុងរបាយការណ៍មួយទៀតTactical Report បាននិយាយថា ការចរចារវាងកងទ័ពអាកាសអេហ្ស៊ីបនិងសាជីវកម្មឧស្សាហកម្មយន្តហោះ Chengduកំពុងដំណើរការភាគីទាំង២កំពុងជួបប្រជុំគ្នានៅខាងក្រៅពិព័រណ៍សមុទ្រនិងអាកាសចរណ៍អន្តរជាតិ Langkawi នៅប្រទេសម៉ាឡេស៊ី ថ្ងៃទី ២៣ឧសភា។ Cairo ស្វែងរកយន្តហោះចម្បាំង Chengdu J-10C ។ J-10C ជាយន្តហោះថ្មីដែលលក់តែប៉ាគីស្ថានប៉ុណ្ណោះ។ប្រភពបានឱ្យដឹងថា ក្នុងជំនួបនោះក្រុមហ៊ុនចិនបានបង្ហាញការច្នៃប្រឌិតចុងក្រោយបង្អស់លើយន្តហោះ J-10C រួមទាំងប្រព័ន្ធសង្គ្រាមអេឡិចត្រូនិកទំនើប និងរ៉ាដាស្កែនអេឡិចត្រូនិចសកម្ម(AESA) ។បាញ់បង្ហោះជាលើកដំបូងក្នុងឆ្នាំ២០០៦យន្តហោះ J-10 គឺជាយន្តហោះចម្បាំងដំបូងគេដែលផលិតដោយចិន ដើម្បីចូលទៅជិតសមត្ថភាពរបស់យន្តហោះដែលផលិតដោយរុស្ស៊ី និងលោកខាងលិច។ J-10 មានរ៉ាដាទំនើប ដែលជាប្រព័ន្ធគ្រប់គ្រងអេឡិចត្រូនិចមានល្បឿនអតិបរមា Mach1.8 ដងនៃល្បឿនសំឡេង)និងអាចបំពេញបេសកកម្មវាយប្រហារលើដីបន្ថែមពីលើការស្ទាក់ចាប់។យោងតាមកាសែត South China Morning Post ថ្មីៗនេះ ប្រទេសចិនបានលេចមុខជាអ្នកផ្គត់ផ្គង់អាវុធទំនើបក្នុងតម្លៃសមរម្យ និងគ្មានការរឹតត្បិតផ្នែកនយោបាយ។អ្នកជំនាញខាងយោធាចិនលោក SongZhongpingបាននិយាយថា"ប្រទេសចិនមានឆន្ទៈក្នុងការលក់អាវុធបច្ចេកវិទ្យាខ្ពស់ទៅឱ្យប្រទេសជាមិត្តដោយមិនដាក់លក្ខខណ្ឌនយោបាយណាមួយឡើយ ហើយបានចាប់ផ្តើមអំពាវនាវទៅកាន់មជ្ឈិមបូព៌ា"។ទាំង​អេហ្ស៊ីប និង​អារ៉ាប៊ីសាអូឌីត ស្ថិត​ក្នុង​ចំណោម​ប្រទេស​នាំ​ចូល​អាវុធ​កំពូល​របស់​ពិភពលោក។ប្រទេសទាំង២នេះកាន់តែមើលឃើញរុស្ស៊ី និងចិនជាដៃគូក្នុងវិស័យជាច្រើនដើម្បីកាត់បន្ថយការពឹងផ្អែកលើសហរដ្ឋអាមេរិក។អារ៉ាប៊ីសាអូឌីតព្យាយាមបង្វែរប្រភពអាវុធរបស់ខ្លួនចំពេលមានភាពតានតឹងកើនឡើងជាមួយក្រុងវ៉ាស៊ីនតោនបន្ទាប់ពីការស្លាប់របស់អ្នកកាសែត Jamal Khashoggi ក្នុងឆ្នាំ២០១៨និងការសម្រេចចិត្តរបស់ OPEC+ ដ៏ចម្រូងចម្រាសកាលពីឆ្នាំមុន។ អង្គការនៃប្រទេសនាំចេញប្រេង (OPEC) និងប្រទេសដៃគូរបស់ខ្លួន(OPEC+)បានយល់ព្រមកាត់បន្ថយផលិតកម្មយ៉ាងខ្លាំង។ក្នុងប៉ុន្មានឆ្នាំចុងក្រោយនេះប្រទេសចិនបានពង្រីកកិច្ចសហប្រតិបត្តិការជាមួយអារ៉ាប៊ីសាអូឌីតក្នុងទិដ្ឋភាពជាច្រើន រួមទាំងសេដ្ឋកិច្ច យោធា និងការទូត។ ទីក្រុងប៉េកាំងក៏បានសម្របសម្រួលការចរចាដើម្បីស្តារទំនាក់ទំនងរវាងអារ៉ាប៊ីសាអូឌីតនិងអ៊ីរ៉ង់ផងដែរ៕ប្រភពCNN