ប្រធានា​ធិ​ប​តីBidenអា​ចនឹង​​លុបចោលអាស៊ីដោយ​សារភាព​ជាប់​គាំ​ងនៃបំណុ​ល​សាធារណៈ

លោកប្រធានាធិបតីJoeBidenបាននិយាយថាលោកអាចលុបចោលការធ្វើដំណើរទៅអាស៊ីនៅចុងខែឧសភា។ប្រសិនបើភាពជាប់គាំងជុំវិញកម្រិតបំណុលរបស់សហរដ្ឋអាមេរិកមិនត្រូវបានដោះស្រាយ។លោកប្រធានាធិបតីJoe Bidenបានប្រាប់អ្នកយកព័ត៌មានបន្ទាប់ពីកិច្ចប្រជុំជាមួយគណបក្សសាធារណរដ្ឋកំពូលកាលពីថ្ងៃទី៩ខែឧសភាថា"ប្រសិនបើយើងនៅតែមិនដោះស្រាយរឿងនេះខ្ញុំមិនទៅទេ" ។លោកប្រធានាធិបតី Bidenបាននិយាយថា លោកនៅតែប្តេជ្ញាចិត្តក្នុងការចូលរួមកិច្ចប្រជុំកំពូលG7នៅប្រទេសជប៉ុននៅចុងខែឧសភា។ប៉ុន្តែបញ្ហាជំពាក់បំណុល“ច្បាស់ណាស់ជារឿងសំខាន់បំផុតនៅក្នុងរបៀបវារៈ”។ប្រធានាធិបតីBidenត្រូវបានគេរំពឹងថានឹងចូលរួមកិច្ចប្រជុំមេដឹកនាំG7នៅទីក្រុងហ៊ីរ៉ូស៊ីម៉ាប្រទេសជប៉ុន ពីថ្ងៃទី១៩-២១ឧសភា បន្ទាប់មកដោយកិច្ចប្រជុំកំពូលQuad នៅទីក្រុងស៊ីដនី ប្រទេសអូស្ត្រាលីនៅថ្ងៃទី២៤/៥។ សេតវិមានបាននិយាយថាលោកនឹងឈប់នៅ Papua New Guinea ក្នុងអំឡុងពេលធ្វើដំណើរ។រដ្ឋមន្ត្រីក្រសួងរតនាគារសហរដ្ឋអាមេរិក Janet Yellenកាលពីថ្ងៃទី៧ខែឧសភាបានព្រមានថាទីផ្សារហិរញ្ញវត្ថុរបស់សហរដ្ឋអាមេរិកអាចទទួលរងនូវផលវិបាកប្រសិនបើប្រទេសនេះមិនដំឡើងកម្រិតបំណុលសាធារណៈនៅដើមខែមិថុនា។រដ្ឋាភិបាល​របស់​លោក​ប្រធានាធិបតី Joe Biden បាន​ស្នើ​ឲ្យ​សភា​ដំឡើង​កម្រិត​បំណុល​ដោយ​គ្មាន​លក្ខខណ្ឌ។ ទោះជាយ៉ាងណាក៏ដោយកាលពីខែមុនសភាតំណាងរាស្រ្ដដែលគ្រប់គ្រងដោយគណបក្សសាធារណរដ្ឋបានអនុម័តច្បាប់មួយដើម្បីបង្កើនកម្រិតបំណុលសាធារណៈចំនួន៣១.៤ពាន់ពាន់លានដុល្លារ។ប៉ុន្តែជាមួយនឹងសំណើកាត់បន្ថយការចំណាយរបស់រដ្ឋាភិបាលក្នុងរយៈពេល១០ឆ្នាំខាងមុខ ដែលជាអ្វីដែលប្រធានាធិបតីBidenនិងគណបក្សប្រជាធិបតេយ្យជំទាស់។ជារឿយៗសហរដ្ឋអាមេរិកកំណត់ដែនកំណត់លើបំណុលសាធារណៈ។ បច្ចុប្បន្ននេះកំណត់បំណុលសាធារណៈគឺស្មើនឹង១២០% នៃផលិតផលក្នុងស្រុកសរុបរបស់ប្រទេស។សហរដ្ឋអាមេរិកបានឈានដល់កម្រិតបំណុលសាធារណៈនៅក្នុងខែមករា ហើយនៅប្រហែលខែកក្កដា ឬខែសីហាទីក្រុងវ៉ាស៊ីនតោនប្រហែលជាត្រូវបញ្ឈប់ការខ្ចីប្រាក់ទាំងស្រុង។ ប្រសិនបើសេណារីយ៉ូនោះកើតឡើងវានឹងបង្កឱ្យមានការភ្ញាក់ផ្អើលដល់ទីផ្សារហិរញ្ញវត្ថុពិភពលោកហើយអ្នកវិនិយោគនឹងមានការសង្ស័យចំពោះមូលបត្របំណុលរបស់សហរដ្ឋអាមេរិក៕ប្រភពReuters

លោកប្រធានាធិបតីJoeBiden។AFP