លោកBidenនិយាយអំពីការឈរឈ្មោះបោះឆ្នោតឡើងវិញនៅអាយុ៨០
ប្រធានាធិបតីJoeBidenបន្តធានាលោកឈរឈ្មោះឆ្នោតឡើងវិញលើបញ្ហាអាយុបន្ទាប់ពីលោកបានប្រកាសឈរបោះឆ្នោតឡើងវិញរបស់លោកសម្រាប់អាណត្តិទី២នៅអាយុ៨០ឆ្នាំ។លោកប្រធានាធិបតីJoe Biden បាននិយាយនៅក្នុងព្រឹត្តិការណ៍រៃអង្គាសប្រាក់នៅល្ងាចថ្ងៃទី១០ខែឧសភានៅទីក្រុងញូវយ៉កថា"ការឈរឈ្មោះសម្រាប់ការបោះឆ្នោតឡើងវិញមិនមែនជាការសម្រេចចិត្តដោយឯកឯងទេ"។លោកBidenក៏បានទទួលស្គាល់ដែរថា សំណួរអំពីអាយុរបស់លោកគឺ"ត្រឹមត្រូវទាំងស្រុង"។ ទោះយ៉ាងណាក៏ដោយ លោកសង្ឃឹមថាបទពិសោធន៍ដែលលោកបានប្រមូលផ្ដុំនៅពេលធ្វើការឱ្យរដ្ឋាភិបាលសហរដ្ឋអាមេរិកនឹងក្លាយជាអត្ថប្រយោជន៍មួយ។លោក Biden បាននិយាយថា"ខ្ញុំសង្ឃឹមថាអ្វីដែលខ្ញុំមានហើយនឹងបន្តនាំយកមកឱ្យការងារនេះគឺជាបទពិសោធន៍បន្តិចបន្តួច" ។លោក Biden បានបន្ថែមថា៖ «ខ្ញុំគិតថា យើងបានធ្វើការសម្រេចចិត្តដ៏រឹងមាំមួយចំនួន»។ប្រធានាធិបតី Biden បានប្រកាសពីការចាប់ផ្តើមយុទ្ធនាការបោះឆ្នោតឡើងវិញរបស់លោកកាលពីចុងខែមុន។ ការស្ទង់មតិរបស់ ABC News/Washington Post ដែលបានចេញផ្សាយកាលពីចុងសប្តាហ៍បានរកឃើញថា ការវាយតម្លៃយល់ព្រមរបស់លោកBiden នៅ៣៦% ខណៈដែល៦៨% នៃជនជាតិអាមេរិកគិតថាលោកចាស់ពេកដើម្បីបម្រើអាណត្តិមួយទៀត។
ទោះបីជាយ៉ាងណាក៏ដោយ ការស្ទង់មតិរបស់ Yahoo News/YouGov ដែលបានចេញផ្សាយមុននេះបានបង្ហាញថាប្រធានាធិបតីដែលកំពុងកាន់អំណាច មានការនាំមុខបន្តិចលើអតីតប្រធានាធិបតី Donald Trump និងអភិបាលរដ្ឋ Florida លោក Ron DeSantis ដែលជាគូប្រជែងឈានមុខគេ២រូបនៃគណបក្សសាធារណរដ្ឋក្នុងការប្រជែងដណ្តើមយកសេតវិមាន។លោក Biden ដែលមានអាយុ៨០ឆ្នាំ នឹងមានអាយុ៨៦ឆ្នាំ នៅពេលបញ្ចប់អាណត្តិទី២របស់លោក ប្រសិនបើជាប់ឆ្នោតឡើងវិញ។ ក្នុងរយៈពេលប៉ុន្មានឆ្នាំចុងក្រោយនេះ លោកបានព្យាយាមធានាអ្នកបោះឆ្នោតឡើងវិញអំពីអាយុរបស់លោកដោយមើលឃើញថាវាជាអត្ថប្រយោជន៍មិនមែនជាឧបសគ្គដល់ការឈរឈ្មោះសម្រាប់តំណែងនោះទេ។កាលពីដើមខែនេះ លោកប្រធានាធិបតី Biden បានប្រកាសថាលោកគឺជា"មនុស្សដែលមានបទពិសោធន៍ច្រើនបំផុតមិនធ្លាប់មានក្នុងការឈរឈ្មោះឱ្យកាន់តំណែង"៕ប្រភពBloomberg
ប្រធានាធិបតីJoeBiden។Reuters
Post a Comment