គណបក្សប្រឆាំងថៃយល់ព្រមបង្កើតសម្ព័ន្ធដើម្បីកាន់អំណាច(AFP/Reuters/Khaosod)
គណបក្សប្រឆាំងចំនួន៦នៅក្នុងប្រទេសថៃ។ជាពិសេសគឺMove Forward និងគណបក្សភឿថៃបានព្រមព្រៀងគ្នាក្នុងការបង្កើតរដ្ឋាភិបាលចម្រុះមួយ ដើម្បីធានានូវលទ្ធភាពបង្កើតរដ្ឋាភិបាលថ្មី។លោក Pita Limjaroenrat មេដឹកនាំគណបក្សMoveForwardដែលជាគណបក្សប្រឆាំងរបស់ប្រទេសថៃបានអះអាងពីជ័យជម្នះនៅថ្ងៃនេះខណៈដែលគណបក្សរបស់លោកទទួលបានអាសនៈសភាជាន់ទាបចំនួន១៥១បន្ទាប់ពីការបោះឆ្នោតសកល។ លោកPitaបាននិយាយថាលោកបានទាក់ទងជាមួយគណបក្សប្រឆាំង ដើម្បីស្វែងរកការបង្កើតក្រុមចម្រុះចំនួន៦រួមទាំងគណបក្សភឿថៃ ដែលជាគណបក្សលំដាប់ទី២ដែលមាន១៤១អាសនៈនៅក្នុងសភាជាន់ទាប។តំណាងគណបក្សភឿថៃក្រោយមកបានបញ្ជាក់ថានឹងចូលរួមជាមួយគណបក្សផ្លាស់ទីទៅមុខដើម្បីបង្កើតរដ្ឋាភិបាលថ្មី។ក្រៅពីបក្សភឿថៃនិងMove Forwardក្រុមចម្រុះនេះក៏រួមបញ្ចូលទាំងគណបក្ស Prachachat ថៃ Sang Thai និងគណបក្ស Liberal Thai។
មេដឹកនាំMove Forward Pita Limjaroenrat (ឆ្វេង) និងតំណាងគណបក្សភឿថៃ លោកស្រីPaetongtarn Shinawatra។ រូបថត៖AFPមេដឹកនាំបក្សភឿថៃបានបង្ហាញទំនុកចិត្តថាសម្ព័ន្ធនៃអាសនៈចំនួន៣០៩នៅក្នុងសភាតំណាងគឺគ្រប់គ្រាន់ដើម្បីកសាងរដ្ឋាភិបាលដែលមានស្ថិរភាព។លោកPitaបានប្រកាសថាលោកនឹងក្លាយជានាយករដ្ឋមន្ត្រីបន្ទាប់របស់ប្រទេសថៃ។យ៉ាងណាក៏ដោយ គណបក្សភឿថៃបានលើកឡើងថាការតែងតាំងនាយករដ្ឋមន្ត្រីគឺត្រូវតាមលក្ខខណ្ឌច្បាប់។លទ្ធផលស្តីពីចំនួនអាសនៈសរុបក្នុងសភានៃគ្រប់ភាគីក្នុងប្រទេសថៃត្រូវបានគេរំពឹងថានឹងត្រូវប្រកាសនៅប៉ុន្មានសប្តាហ៍ខាងមុខ។ទោះជាយ៉ាងណាក៏ដោយ ដោយសារតែគណបក្សមួយឬក្រុមចម្រុះឈ្នះអាសនៈភាគច្រើននៅក្នុងសភាតំណាងរាស្រ្តមិនមានន័យថាមេដឹកនាំរបស់ពួកគេនឹងក្លាយជានាយករដ្ឋមន្ត្រីនៃប្រទេសថៃនោះទេ។នាយករដ្ឋមន្ត្រីថៃនឹងត្រូវជ្រើសរើសនៅខែកក្កដាក្នុងអំឡុងពេលសម័យប្រជុំរួមនៃសមាជិកសភាចំនួន៥០០នាក់ និងសមាជិកព្រឹទ្ធសភា២៥០នាក់ ដែលត្រូវបានតែងតាំងដោយរបបយោធា។បុគ្គលដែលអាចក្លាយជានាយករដ្ឋមន្ត្រីថៃត្រូវតែទទួលបានការគាំទ្រច្រើនលើសលប់ទាំងសភាជាន់ទាបនិងសភាជាន់ខ្ពស់ដែលត្រូវគ្នានឹងសំឡេងយ៉ាងតិច ៣៧៦សំឡេង។មេដឹកនាំគណបក្សភឿថៃបានអំពាវនាវដល់សមាជិកព្រឹទ្ធសភាដែលតែងតាំងដោយយោធាថៃថា«គោរពសំឡេងប្រជាជន»។ មេទ័ពថៃធ្លាប់បានសន្យាថានឹងមិនធ្វើរដ្ឋប្រហារណាមួយបន្ទាប់ពីការបោះឆ្នោត៕
Post a Comment