កម្ពុជាមានមោទនភាពដែលក្លាយជាសមាជិកក្រុមប្រឹក្សាសម្របសម្រួលកម្មវិធីUNAIDS
កម្ពុជាបានសំដែងនូវមោទនភាពដែលបានក្លាយជាសមាជិកនៃក្រុមប្រឹក្សាសម្របសម្រួលកម្មវិធីនៃកម្មវិធីរួមរបស់អង្គការសហប្រជាជាតិស្តីពីមេរោគអេដស៍/ជំងឺអេដស៍(UNAIDS)។សម្តេចនាយករដ្ឋមន្ត្រី ហ៊ុន សែន ថ្លែងក្នុងកិច្ចប្រជុំពេញអង្គគណៈរដ្ឋមន្ត្រីប្រចាំសប្តាហ៍នៅវិមានសន្តិភាព នាថ្ងៃសុក្រថា “ព្រះរាជាណាចក្រកម្ពុជា មានមោទនភាពដែលត្រូវបានជ្រើសរើសដោយក្រុមប្រឹក្សាសេដ្ឋកិច្ច និងសង្គមរបស់អង្គការសហប្រជាជាតិធ្វើជាសមាជិកក្រុមប្រឹក្សាសម្របសម្រួលកម្មវិធី UNAIDS កាលពីថ្ងៃទី៥ ខែមេសានៅទីក្រុងញូវយ៉ក”។កម្ពុជារួមជាមួយឥណ្ឌាត្រូវបានបោះឆ្នោតជ្រើសរើសដើម្បីបំពេញតំណែងឆ្នើមពីរដ្ឋអាស៊ីប៉ាស៊ីហ្វិកសម្រាប់អាណត្តិការងារចាប់ពីថ្ងៃទី ៥ ខែមេសា ឆ្នាំ ២០២៣និងផុតកំណត់នៅថ្ងៃទី ៣១ ខែធ្នូ ឆ្នាំ ២០២៥ នេះបើយោងតាមក្រុមប្រឹក្សាសេដ្ឋកិច្ច និងសង្គមរបស់អង្គការសហប្រជាជាតិ។យោងតាមUNAIDSក្រុមប្រឹក្សាសម្របសម្រួលកម្មវិធីដឹកនាំ UNAIDSជាមួយតំណាងរដ្ឋាភិបាលចំនួន២២មកពីគ្រប់តំបន់ភូមិសាស្រ្ត អ្នកឧបត្ថម្ភ UNAIDS និងតំណាង៥នៃអង្គការមិនមែនរដ្ឋាភិបាល រួមទាំងសមាគមអ្នកផ្ទុកមេរោគអេដស៍ផងដែរ៕ AKP/Khmer Times
/unnamed.png
Post a Comment