រុស្ស៊ីនឹងដាក់ពង្រាយអាវុធនុយក្លេអ៊ែរនៅជិតព្រំដែនបេឡារុស្ស-ណាតូ(Reuters,Interfax)
រុស្ស៊ីបាននិយាយថាខ្លួននឹងដាក់អាវុធនុយក្លេអ៊ែរយុទ្ធសាស្ត្រជិតព្រំដែនភាគខាងលិចនៃប្រទេសបេឡារុសជាតំបន់មួយជិតនឹងប្រទេសទាំង៣របស់ណាតូ។ឯកអគ្គរដ្ឋទូតរុស្ស៊ីប្រចាំប្រទេសបេឡារុស លោក Boris Gryzlov បាននិយាយប្រាប់ទូរទស្សន៍ CTV Belarus នៅថ្ងៃទី២ខែមេសា ថា សព្វាវុធ"នឹងត្រូវបានបញ្ជូនទៅកាន់ព្រំដែនភាគខាងលិចនៃរដ្ឋសហភាព និងបង្កើនសន្តិសុខ។រដ្ឋសហភាពត្រូវបានបង្កើតឡើងដោយរុស្ស៊ី និងបេឡារុស្សក្នុងឆ្នាំ១៩៩៩ជាមួយនឹងផែនការបង្កើតគណៈរដ្ឋមន្ត្រីសភា និងតុលាការក៏ដូចជាស្ថាប័នផ្សេងៗទៀត។ ទោះបីជាផែនការនេះមិនទាន់សម្រេចក៏ដោយ។ប៉ុន្តែរុស្ស៊ីនិងបេឡារុស្ស មានទំនាក់ទំនងដៃគូសេដ្ឋកិច្ចនិងនយោបាយជិតស្និទ្ធ។Gryzlov មិនបានបញ្ជាក់ពីទីតាំងនៃអាវុធនោះទេ។ប៉ុន្តែបានបញ្ជាក់ថា កន្លែងផ្ទុកអាវុធនឹងត្រូវបញ្ចប់នៅថ្ងៃទី១ខែកក្កដាតាមសំណើរបស់ប្រធានាធិបតីរុស្ស៊ី លោក Vladimir Putin។យោងតាមលោក Gryzlov រុស្ស៊ី និងបេឡារុស្សត្រូវធ្វើសកម្មភាពដើម្បីបង្កើនសន្តិសុខក្នុងបរិបទដែលអាវុធនុយក្លេអ៊ែររបស់អាមេរិកត្រូវបានដាក់ពង្រាយក្នុងបណ្តាប្រទេសអឺរ៉ុបដូចជាអ៊ីតាលី បែលហ្ស៊ិក ហូឡង់ អាល្លឺម៉ង់ និងតួកគី។ប្រធានាធិបតីPutinបានប្រកាសកាលពីថ្ងៃទី ២៥ ខែមីនាថារុស្ស៊ីនឹងដាក់អាវុធនុយក្លេអ៊ែរយុទ្ធសាស្ត្រនៅបេឡារុស្ស។ ចៅហ្វាយវិមានក្រឹមឡាំងបាននិយាយថា ទង្វើនេះមិនធម្មតាទេ ហើយអាមេរិកក៏បានធ្វើដូចគ្នាអស់ជាច្រើនទសវត្សរ៍មកហើយ។ លោកបានទទូចថាលោកមិនបានផ្ទេរការគ្រប់គ្រងអាវុធទៅទីក្រុងMinsk ទេ។បេឡារុស្ស មានព្រំប្រទល់ជាប់ខាងលិច ដោយសមាជិកអង្គការណាតូចំនួន៣ គឺប៉ូឡូញ លីទុយអានី និងឡាតវី។ ទីក្រុងMinskបានអនុញ្ញាតឱ្យទីក្រុងម៉ូស្គូប្រើប្រាស់ទឹកដីរបស់ខ្លួនដើម្បីបញ្ជូនកងទ័ពចូលទៅក្នុងអ៊ុយក្រែន។ ប្រធានាធិបតីបេឡារុស Alexander Lukashenko បាននិយាយកាលពីថ្ងៃទី៣១ខែមីនាថា លោកខាងលិចកំពុង "សមគំនិតដើម្បីឈ្លានពានបេឡារុស"ហើយថាការដាក់អាវុធនុយក្លេអ៊ែររបស់រុស្ស៊ីនឹងជួយការពារប្រទេសពីការគំរាមកំហែង។អាវុធនុយក្លេអ៊ែរយុទ្ធសាស្ត្រមានក្បាលគ្រាប់តូចៗដែលត្រូវបានរចនាឡើងសម្រាប់ប្រើក្នុងការវាយប្រហារដែលមានកម្រិតនៅលើសមរភូមិ ជាជាងការបំផ្លិចបំផ្លាញទ្រង់ទ្រាយធំ។ប្រធានាធិបតីអាមេរិកលោក Joe Biden បានរិះគន់ផែនការរបស់រុស្ស៊ី ដោយហៅវាថាជាការផ្លាស់ប្តូរ "គ្រោះថ្នាក់"។ ទន្ទឹមនឹងនេះសហភាពអឺរ៉ុប (EU)បានអំពាវនាវដល់បេឡារុស្សកុំឲ្យរុស្ស៊ីដាក់អាវុធនុយក្លេអ៊ែរយុទ្ធសាស្ត្រលើទឹកដីរបស់ខ្លួន ដោយគំរាមដាក់ទណ្ឌកម្មបន្ថែមទៀតលើទីក្រុង Minsk ។ ជាមួយគ្នានេះដែរ ឯកអគ្គរដ្ឋទូតរុស្ស៊ីប្រចាំនៅសហរដ្ឋអាមេរិក លោក AnatolyAntonovកាលពីថ្ងៃទី២៨ខែមីនាបានរិះគន់ទីក្រុងវ៉ាស៊ីនតោនចំពោះ "ភាពពុតត្បុត"នៅពេលរិះគន់ទីក្រុងម៉ូស្គូពីព្រោះសហរដ្ឋអាមេរិកក៏បានដាក់អាវុធនៅអឺរ៉ុបផងដែរ។គោលលទ្ធិនុយក្លេអ៊ែររបស់រុស្ស៊ីចែងថា ប្រទេសនេះអាចប្រើប្រាស់អាវុធនុយក្លេអ៊ែរបានប្រសិនបើរងការវាយប្រហារនុយក្លេអ៊ែរឬប្រឈមមុខនឹងការវាយប្រហារដោយអាវុធធម្មតាដែលគំរាមកំហែងដល់ "អត្ថិភាព"នៃរដ្ឋរុស្ស៊ី៕
លោក Boris Gryzlovឯកអគ្គរដ្ឋទូតរុស្ស៊ីប្រចាំប្រទេសបេឡារុស្ស។ រូបថត៖ TASS ។
Post a Comment