Mike Penceផ្តល់សក្ខីកម្មក្នុងការស៊ើបអង្កេតលើលោកTrump
អតីតអនុប្រធានាធិបតីអាមេរិកលោកMikePenceបានផ្តល់សក្ខីកម្មនៅចំពោះមុខគណៈវិនិច្ឆ័យធំមួយដែលកំពុងស៊ើបអង្កេតតួនាទីរបស់អតីតប្រធានាធិបតីDonaldTrumpក្នុងកិច្ចខិតខំប្រឹងប្រែងដើម្បីបញ្ច្រាសលទ្ធផលនៃការបោះឆ្នោតឆ្នាំ២០២០។Reutersដោយដកស្រង់ប្រភពដែលដឹងអំពីបញ្ហានេះបាននិយាយថាអតីតអនុប្រធានាធិបតីសហរដ្ឋអាមេរិកលោក Mike Penceមានសវនាការមានរយៈពេលជាង៥ម៉ោងមុនពេលដែលគណៈវិនិច្ឆ័យនៅក្នុងតុលាការក្នុងទីក្រុងវ៉ាស៊ីនតោន។អ្នកតំណាងរបស់ Pence បានបដិសេធមិនបញ្ជាក់ពីទីបន្ទាល់របស់ Pence ទេ។លោក Pence ត្រូវបានគេរំពឹងថានឹងផ្តល់សក្ខីកម្មអំពីការសន្ទនាជាមួយលោក Trump មុនពេលកុបកម្មនៅខាងក្នុងកាពីតូលនៅថ្ងៃទី៦ខែមករាឆ្នាំ២០២១ ។ការសន្ទនារបស់ពួកគេមុនពេលមានអំពើហិង្សាត្រូវបានបង្ហាញមួយផ្នែកតាមរយៈសៀវភៅអនុស្សាវរីយ៍របស់លោកPenceក៏ដូចជាតាមរយៈសក្ខីកម្មរបស់សាក្សីជាច្រើននាក់ដែលជិតស្និទ្ធនឹងគ្រួសារTrump ។លោក Trump ត្រូវបានគេនិយាយថាបានដាក់សម្ពាធម្តងហើយម្តងទៀតដល់លោក Pence មិនឲ្យទទួលស្គាល់លទ្ធផលនៃការបោះឆ្នោតប្រធានាធិបតីឆ្នាំ ២០២០ រួមទាំងការហៅទូរស័ព្ទនៅព្រឹកថ្ងៃទី៦ ខែមករា ឆ្នាំ ២០២១។ប៉ុន្តែត្រូវបានបរាជ័យ។ទីប្រឹក្សាពិសេស Jack Smith កំពុងស៊ើបអង្កេតតួនាទីរបស់លោក Trumpក្នុងការប៉ុនប៉ងដើម្បីបញ្ច្រាសលទ្ធផលនៃការបោះឆ្នោតប្រធានាធិបតីឆ្នាំ ២០២០នៅពេលដែលលោកបានចាញ់បេក្ខជនគណបក្សប្រជាធិបតេយ្យ JoeBiden។លោកPenceស្ថិតក្នុងការចាប់អារម្មណ៍នៅពេលលោកធ្វើជាអធិបតីក្នុងកិច្ចប្រជុំនៃសមាជសហរដ្ឋអាមេរិកនៅថ្ងៃទី៦ខែមករាឆ្នាំ២០២១ ដើម្បីបញ្ជាក់ពីជ័យជម្នះរបស់លោកBiden។កិច្ចប្រជុំនេះត្រូវបានរំខាននៅពេលដែលអ្នកគាំទ្រ Trump សម្រុកចូលខាងក្នុងសភា។មេធាវីរបស់លោក Trump បានព្យាយាមរារាំងលោក Pence ពីការផ្ដល់សក្ខីកម្ម ដោយលើកហេតុផលថាឯកសិទ្ធិប្រតិបត្តិរបស់លោកពីសម័យលោកជាប្រធានាធិបតីបានអនុញ្ញាតឱ្យលោកហាមឃាត់អតីតអនុប្រធានរបស់លោកពីការនិយាយស្តីអំពីបញ្ហាផ្ទៃក្នុងរបស់សេតវិមាន។ ទោះជាយ៉ាងណា នៅថ្ងៃទី ២៦ ខែមេសា តុលាការឧទ្ធរណ៍សហព័ន្ធបានច្រានចោលបណ្តឹងឧទ្ធរណ៍របស់លោកTrump។ព័ត៌មាននេះកើតឡើងនៅពេលដែលអតីតអនុប្រធានាធិបតីអាមេរិកកំពុងព្យាយាមរារាំងលោកTrumpពីការបន្តក្នុងការប្រជែងការបោះឆ្នោតឡើងវិញឆ្នាំ ២០២៤៕ប្រភពReuters
លោកDonaldTrumpនិងលោកMikePenceថ្លែងនៅក្នុងព្រឹត្តិការណ៍ផ្សេងគ្នានៅទីក្រុងវ៉ាស៊ីនតោន(AP)
/unnamed.png
Post a Comment