នាយ​​​ករដ្ឋមន្ត្រីហ៊ុ​ន​ សែ​ន​ស្នើJC​Aជំរុញអ្នក​វិ​​និយោ​គ​ជប៉ុន​ម​​ក​កម្ពុជាប​ន្ថែ​​ម​ទៀត

 សម្តេចនាយករដ្ឋមន្រ្តី ហ៊ុន សែនបានស្នើឱ្យសមាគមជប៉ុន-កម្ពុជា (Japan-Cambodia Association-JCA) ជួយជំរុញអ្នកវិនិយោគជប៉ុនកាន់តែច្រើនមកបណ្តាក់ទុននៅកម្ពុជា និងជំរុញការនាំចេញផលិតផលកម្ពុជាទៅកាន់ប្រទេសជប៉ុន។សម្តេចហ៊ុន សែន បានលើកឡើងដូច​នេះ ក្នុង​ពេល​ទទួល​ជួប​សម្ដែង​ការ​គួរសម​ពី​លោក Takahashi Fumiaki ប្រធានសមាគមជប៉ុន-កម្ពុជា និង​ជា​អតីត​ឯកអគ្គរដ្ឋទូត​ជប៉ុន​ប្រចាំ​កម្ពុជា នៅ​វិមាន​សន្តិភាព ក្នុង​រាជធានី​ភ្នំពេញ កាល​ពី​ថ្ងៃ​ពុធ នេះបើតាមលោក អ៊ាង សុផល្លែត ជំនួយការផ្ទាល់របស់នាយករដ្ឋមន្ត្រីកម្ពុជា។សម្តេចនាយករដ្ឋមន្ត្រីបានគូសបញ្ជាក់ថាកម្ពុជាមានច្បាប់វិនិយោគថ្មី ដែលផ្តល់លក្ខខណ្ឌអំណោយផលសម្រាប់ការវិនិយោគក្នុងប្រទេស។សម្តេចក៏បានជម្រាបជូនភ្ញៀវអំពីផែនការរបស់រាជរដ្ឋាភិបាលក្នុងការផ្តល់ការបណ្តុះបណ្តាលវិជ្ជាជីវៈដល់យុវជនប្រមាណ១,៥លាននាក់មកពីគ្រួសារក្រីក្រនិងងាយរងគ្រោះ ហើយបានស្វែងរកជំនួយបន្តរបស់ JCA ដល់ការអភិវឌ្ឍន៍ធនធានមនុស្សកម្ពុជា។លោក Fumiaki បានជម្រាបប្រាប់សម្តេចនាយករដ្ឋមន្ត្រីអំពីសកម្មភាពបច្ចុប្បន្នរបស់ JCA ដោយមានប្រសាសន៍ថាខ្លួនកំពុងរៀបចំវេទិកាផ្សព្វផ្សាយសក្តានុពលវិនិយោគរបស់កម្ពុជាក្នុងចំណោមប្រជាជនជប៉ុន និងសហគ្រាសធុនតូច និងមធ្យម (SMEs) ដែលស្វែងរកឱកាសវិនិយោគនៅបរទេស និងការលើកកម្ពស់ធនធានមនុស្ស ការអភិវឌ្ឍន៍លើវិស័យគ្រឿងសំអាង ជួសជុលរថយន្ត និងបដិសណ្ឋារកិច្ច។លោកប្រធាន JCA បន្ថែមថា សមាគមជប៉ុន-កម្ពុជា ក៏បាននិងកំពុងធ្វើការលើការប្រារព្ធខួបលើកទី៧០ នៃការបង្កើតទំនាក់ទំនងការទូតកម្ពុជា-ជប៉ុនជាមួយនឹងការគ្រោងបាញ់កាំជ្រួចនៅថ្ងៃទី១៩ ខែកញ្ញា ឆ្នាំ២០២៣ និងការជំរុញការនាំចេញផលិតផលកម្ពុជាទៅកាន់ទីផ្សារជប៉ុន៕AKP/Khmer Times

សម្តេចនាយករដ្ឋមន្ត្រី ហ៊ុន សែន និងលោក តាកាហាស៊ី ហ៊្វូមីអាគី (TakahashiFumiaki)ប្រធានJCAនិងជាអតីតឯកអគ្គរាជទូតជប៉ុនប្រចាំកម្ពុជា។