សហភាពអឺរ៉ុបចំណាយជាង១០០លានដុល្លារដើម្បីដោះស្រាយភាពតានតឹងគ្រាប់ធញ្ញជាតិអ៊ុយក្រែន(Euractiv,Reuters)
សហភាពអឺរ៉ុបស្នើឱ្យចំណាយបន្ថែម១១០លានដុល្លារដើម្បីគាំទ្រកសិករនៅក្នុងប្រទេសដែលរងផលប៉ះពាល់ក្នុងបរិបទដែលភាគីកាន់តែច្រើនចង់ហាមឃាត់ការនាំចូលគ្រាប់ធញ្ញជាតិអ៊ុយក្រែន។លោកស្រី Ursula von der Leyenប្រធានគណៈកម្មការអឺរ៉ុបបាននិយាយនៅក្នុងលិខិតមួយផ្ញើទៅកាន់មេដឹកនាំនៃប្រទេសប៉ូឡូញថា"យើងកំពុងរៀបចំដាក់ឱ្យដំណើរការកញ្ចប់ជំនួយហិរញ្ញវត្ថុទី២ដែលមានតម្លៃ១០០លានអឺរ៉ូ (១១០ លានដុល្លារ) ដល់កសិករដែលរងផលប៉ះពាល់ ហុងគ្រី ស្លូវ៉ាគី រូម៉ានី និងប៊ុលហ្គារី នៅថ្ងៃទី១៩ខែមេសា។សហភាពអឺរ៉ុប(EU)ធ្លាប់បានអនុវត្តកញ្ចប់ជំនួយចំនួន៥៦លានអឺរ៉ូសម្រាប់កសិករនៅប្រទេសប៉ូឡូញ រូម៉ានី និងប៊ុលហ្គារី។លោកស្រី von der Leyen បានទទួលស្គាល់ការព្រួយបារម្ភពីមេដឹកនាំនៃប្រទេសទាំង៥ដែលបានរៀបរាប់ខាងលើនិងបានស្នើវិធានការបន្ទាន់ដើម្បីធានាថាគ្រាប់ធញ្ញជាតិអ៊ុយក្រែនអាចចូលបានតែប្រទេសទាំង៥នេះសម្រាប់នាំចេញទៅកាន់ទីផ្សារទី៣។ចំណាត់ការរបស់ EU កើតឡើងនៅពេលដែលប្រទេសប៉ូឡូញ ហុងគ្រី ស្លូវ៉ាគី និងប៊ុលហ្គារី។ ថ្មីៗនេះបានហាមឃាត់ការនាំចូលគ្រាប់ធញ្ញជាតិ និងផលិតផលកសិកម្មផ្សេងទៀតពីអ៊ុយក្រែនដើម្បីការពារឧស្សាហកម្មកសិកម្មក្នុងស្រុក។គណបក្សកាន់អំណាចរបស់រូម៉ានីក៏កំពុងជំរុញឱ្យមានវិធានការស្រដៀងគ្នានេះដែរ។បន្ទាប់ពីរុស្ស៊ីបានចាប់ផ្តើមប្រតិបត្តិការយោធានៅអ៊ុយក្រែនក្នុងខែកុម្ភៈឆ្នាំ២០២២ការនាំចេញគ្រាប់ធញ្ញជាតិរបស់គៀវតាមរយៈសមុទ្រខ្មៅត្រូវបានរំខាន។ការនាំចេញគ្រាប់ធញ្ញជាតិរបស់អ៊ុយក្រែនបន្ទាប់មកត្រូវបានដឹកជញ្ជូនតាមរយៈសហភាពអឺរ៉ុបទៅកាន់ប្រទេសផ្សេងទៀត រួមទាំងទ្វីបអាហ្រ្វិក។សហភាពអឺរ៉ុបបានលុបចោលពន្ធនិងកូតាទាំងអស់លើការនាំចេញគ្រាប់ធញ្ញជាតិរបស់អ៊ុយក្រែនទៅកាន់ប្រទេសសមាជិកទាំង២៧របស់ខ្លួន ដើម្បីសម្រួលដល់ការដឹកជញ្ជូនទៅកាន់តំបន់ផ្សេងទៀតជុំវិញពិភពលោក។ ទោះជាយ៉ាងណាក៏ដោយបរិមាណដ៏ច្រើននៃគ្រាប់ធញ្ញជាតិអ៊ុយក្រែនត្រូវបានជាប់គាំងនៅក្នុងបណ្តាប្រទេសអឺរ៉ុបខាងកើតដែលប៉ះពាល់យ៉ាងធ្ងន់ធ្ងរដល់ទីផ្សារក្នុងស្រុក។ប៊ុលហ្គារីរំពឹងថាសហភាពអឺរ៉ុបនឹងឈានដល់ការសម្រេចចិត្តរួមមួយនៅក្នុងសប្តាហ៍ខាងមុខនេះ។ មុននេះប្រទេសប៉ូឡូញ និងអ៊ុយក្រែន នៅថ្ងៃទី១៨ ខែមេសា បានឈានដល់កិច្ចព្រមព្រៀងមួយ ដើម្បីអនុញ្ញាតឱ្យគ្រាប់ធញ្ញជាតិរបស់ប្រទេសនេះ ឆ្លងកាត់ប្រទេសប៉ូឡូញ បន្ទាប់ពីទីក្រុង Warsaw បានដាក់បម្រាមនាំចូលកាលពីថ្ងៃទី១៥ ខែមេសា៕
កម្មករផ្ទុកគ្រាប់ធញ្ញជាតិលើរថយន្តនៅកំពង់ផែក្នុងទីក្រុងOdessa ប្រទេសអ៊ុយក្រែនក្នុងខែមិថុនាឆ្នាំ២០២២។ រូបថត៖Reuters
/unnamed.png
Post a Comment