រុស្ស៊ី​​បញ្ជា​ក់​​​ជាថ្មី​ថា​នឹង​​​រារាំ​ង​អ៊ុយក្រែន​​មិ​ន​ឱ្យ​ចូល​ជា​​​សមាជិ​ក​ណាតូ

វិមានក្រឹមឡាំងបានរំលឹកឡើងវិញថាការរារាំងក្រុងគៀវពីការចូលរួមក្នុងអង្គការណាតូគឺជាគោលដៅសំខាន់មួយរបស់រុស្ស៊ីបន្ទាប់ពីអគ្គលេខាធិការអង្គការណាតូបានបំពេញទស្សនកិច្ចនៅទីក្រុងគៀវ។អ្នកនាំពាក្យវិមានក្រឹមឡាំង លោកDmitry Peskov បាននិយាយកាលពីថ្ងៃទី២០ខែមេសាថា "ការចូលជាសមាជិករបស់អ៊ុយក្រែនទៅក្នុងអង្គការណាតូនឹងបង្កគ្រោះថ្នាក់យ៉ាងធ្ងន់ធ្ងរនិងគួរឱ្យកត់សម្គាល់ដល់ប្រទេស និងសន្តិសុខរបស់យើង" ។លោកPeskovបាននិយាយថារុស្ស៊ីមិនធ្វើអត្ថាធិប្បាយអំពីលទ្ធភាពដែលអ៊ុយក្រែនចូលរួមក្នុងអង្គការណាតូនោះទេ។ប៉ុន្តែការទប់ស្កាត់សេណារីយ៉ូនេះនៅតែជាគោលដៅសំខាន់មួយរបស់រុស្ស៊ី។ការអត្ថាធិប្បាយរបស់លោក Peskovធ្វើឡើងបន្ទាប់ពីអគ្គលេខាធិការអង្គការណាតូ លោក Jens Stoltenbergបានធ្វើទស្សនកិច្ចលើកដំបូងទៅកាន់ទីក្រុងគៀវ ចាប់តាំងពីប្រទេសរុស្ស៊ីបានចាប់ផ្តើមប្រតិបត្តិការរបស់ខ្លួននៅក្នុងប្រទេសអ៊ុយក្រែនកាលពីចុងខែកុម្ភៈឆ្នាំ២០២២។ក្នុងអំឡុងសន្និសីទសារព័ត៌មានរួមគ្នាជាមួយ Stoltenberg នៅទីក្រុងគៀវប្រធានាធិបតីអ៊ុយក្រែនលោក VolodymyrZelenskyបាននិយាយថាវាដល់ពេលហើយសម្រាប់អង្គការណាតូដើម្បីធ្វើការសម្រេចចិត្តផ្នែកនយោបាយដើម្បីអញ្ជើញអ៊ុយក្រែនឱ្យចូលរួមសម្ព័ន្ធភាពហើយចង់ដឹងថាតើនៅពេលណាដែលវានឹងត្រូវបានទទួលយក។ជាការឆ្លើយតប លោក Stoltenberg បានបញ្ជាក់ថា អនាគតរបស់អ៊ុយក្រែនគឺស្ថិតនៅក្នុងសមាជិកភាពរបស់អង្គការណាតូហើយថាសេណារីយ៉ូនេះ "នឹងប្រែក្លាយទៅជាលទ្ធភាពមួយតាមពេលវេលា"។ ប្រមុខណាតូ​ក៏​បាន​សន្យា​បន្ត​ការ​គាំទ្រ​ផ្នែក​យោធា​ដល់​អ៊ុយក្រែន​«ឲ្យ​តែ​អាច​ធ្វើ​ទៅ​បាន»។រុស្ស៊ីបានប្រកាសថាសន្ទុះឆ្ពោះទៅទិសខាងកើតរបស់អង្គការណាតូគឺជាការគំរាមកំហែងផ្នែកសន្តិសុខដ៏ធ្ងន់ធ្ងរមួយរបស់ខ្លួនដោយបង្ខំឱ្យទីក្រុងម៉ូស្គូចាប់ផ្តើមប្រតិបត្តិការនៅអ៊ុយក្រែន។កាលពីដើមខែនេះ វិមានក្រឹមឡាំងបានព្រមានថាខ្លួននឹងបង្កើនកងកម្លាំងរបស់ខ្លួននៅជិតព្រំដែនហ្វាំងឡង់បន្ទាប់ពីប្រទេសនេះបានក្លាយជាសមាជិកទី៣១នៃសម្ព័ន្ធភាព និងបានជួយព្រំដែនដីគោករបស់ណាតូ២ដងជាមួយរុស្ស៊ី។ការគាំទ្រសាធារណៈនៅក្នុងប្រទេសហ្វាំងឡង់និងស៊ុយអែតបានកើនឡើងយ៉ាងខ្លាំង បន្ទាប់ពីប្រទេសរុស្ស៊ីបានចាប់ផ្តើមយុទ្ធនាការរបស់ខ្លួននៅក្នុងប្រទេសអ៊ុយក្រែន និងបានអំពាវនាវជាថ្មីឱ្យចូលរួមជាមួយអង្គការណាតូពីទីក្រុងគៀវ។ប្រធានាធិបតីអ៊ុយក្រែនលោក Zelensky កាលពីថ្ងៃទី ៣០ ខែកញ្ញា ឆ្នាំ ២០២២បានចុះហត្ថលេខាលើពាក្យសុំចូលរួមជាមួយអង្គការណាតូ ដោយស្នើឱ្យសម្ព័ន្ធមិត្តទទួលយកទីក្រុងគៀវឱ្យបានឆាប់រហ័ស បន្ទាប់ពីរុស្ស៊ីបានបញ្ចូលខេត្តចំនួន៤នៅអ៊ុយក្រែន។ទីក្រុងគៀវបានបញ្ចូលគោលដៅនេះនៅក្នុងរដ្ឋធម្មនុញ្ញរបស់ខ្លួនចាប់តាំងពីឆ្នាំ២០១៩ មក បើទោះបីជារុស្ស៊ីបានព្រមានថាសមត្ថភាពរបស់ណាតូក្នុងការពង្រាយកម្លាំង និងអាវុធនៅតាមព្រំដែនរបស់ខ្លួននឹងក្លាយជាការគំរាមកំហែងសន្តិសុខដែលមិនអាចទទួលយកបាន៕ប្រភពCNN

អ្នកនាំពាក្យវិមានក្រឹមឡាំងនៅក្នុងសន្និសីទកាសែតប្រចាំឆ្នាំរបស់ប្រធានាធិបតីរុស្ស៊ី លោកVladimir Putinដែលធ្វើឡើងនៅថ្ងៃទី២៣ខែធ្នូឆ្នាំ២០២១។ រូបថត៖Reuters