ក​ងកម្លាំង​១០ម៉ឺន​នាក់​នឹ​ង​ដាក់សម្រាប់​​កា​​រពា​រ​សន្តិសុខក្នុងព្រឹត្តិកា​រណ៍​បោះឆ្នោត​នីតិកា​លទី៧នេះ

 សម្ដេចក្រឡាហោមស ខេង ឧបនាយករដ្ឋមន្ដ្រីរដ្ឋមន្ដ្រីក្រសួងមហាផ្ទៃនិងជា​ប្រធាន​គណៈ​បញ្ជាការសន្ដិសុខអចិន្ដ្រៃយ៍សម្រាប់ការបោះឆ្នោតបានលើកឡើងថា រាជរដ្ឋាភិ​បាលនឹងដាក់កងកម្លាំង១០ម៉ឺននាក់សម្រាប់ការពារសន្ដិសុខ សណ្ដាប់ធ្នាប់និងរបៀបរៀបរយ ក្នុងព្រឹត្តិការណ៍បោះឆ្នោត ជ្រើសតាំងតំណាងរាស្ដ្រ នីតិកាលទី៧ ឆ្នាំ២០២៣ ដែលនឹង​ប្រព្រឹត្ត​ទៅនៅថ្ងៃទី២៣ ខែកក្កដា ឆ្នាំ២០២៣ ខាងមុខនេះ។ការលើកឡើងរបស់សម្ដេច​ក្រឡាហោមបែបនេះ នាឱកាសអញ្ជើញចូលរួមជាអធិបតីក្នុងពិធីផ្សព្វផ្សាយខ្លឹមសារនៃ​សេចក្ដី​ណែនាំរួម ស្ដីពីសកម្មភាពនិងការរៀបចំភ្នាក់ងារសន្ដិសុខបោះឆ្នោត ក្នុងយុទ្ធនាការ​ការពារដំណើរការរៀបចំការបោះឆ្នោត ជ្រើសតាំងតំណាងរាស្ដ្រ នីតិកាលទី៧ ឆ្នាំ២០២៣ នាព្រឹកថ្ងៃទី០៦ ខែមេសា ឆ្នាំ២០២៣ នៅសណ្ឋាគារ សុខាភ្នំពេញ។សម្ដេចក្រឡាហោម ស ខេង បានណែនាំដល់កងកម្លាំងទាំងអស់ ត្រូវរក្សាសន្ដិ​សុខ​ទូទៅ ដូចជា ផែនការដាក់ពង្រាយកម្លាំង ដើម្បីធានាសន្ដិសុខ សម្រាប់ការបោះឆ្នោតព្រមទាំងកំពុងរៀបចំបណ្ដុះបណ្ដាលដល់ភ្នាក់ងារសន្ដិសុខសម្រាប់ការបោះឆ្នោតអំពីច្បាប់ ការបោះឆ្នោត បទបញ្ជា និងនីតិវិធីសម្រាប់ការបោះឆ្នោត និងក្របសីលធម៌។ សម្ដេច​ក្រឡា​ហោមបានគូសបញ្ជាក់ថា៖«ចំណុចនេះ ខ្ញុំសូមបញ្ជាក់ជូនថា ក្នុងការប្រើប្រាស់​កម្លាំង តាមការចាំបាច់សម្រាប់ការបោះឆ្នោតនេះ មានរហូតដល់ ១០ម៉ឺននាក់ ក្នុងនោះ យើង​ក៏ប្រើប្រាស់កម្លាំងប្រជាការពារ ក្នុងរង្វង់ ២០៣០០ នាក់ ទាំងកម្លាំង ត្រៀមបម្រុង​ផង»។សម្ដេចក្រឡាហោមបានបន្ដថា ការបណ្ដុះបណ្ដាល វគ្គបំប៉ន គឺជាការចាំបាច់ ដែល​អគ្គស្នងការដ្ឋាននគរបាលជាតិ កំពុងតែរៀបចំការងារនេះយ៉ាងសកម្មផងដែរ ដើម្បីធ្វើការ​បណ្ដុះបណ្ដាល ជាពិសេសបណ្ដុះបណ្ដាលដល់ប្រជាការពារ។  ជាមួយគ្នានោះដែរ​សម្ដេចក្រឡាហោម ស ខេង ក៏បានរម្លឹកផងដែរថា កម្ពុជា មានបទពិសោធន៍បោះឆ្នោត ឃុំ-សង្កាត់ ឆ្នាំ២០២២ នាពេលកន្លងទៅ ក៏បានប្រើប្រាស់កម្លាំងប្រជាការពារជាង ២ម៉ឺន​នាក់ ដោយទទួលបានលទ្ធផលល្អផងដែរ។ក្នុងឱកាសនោះដែរលោក ប្រាជ្ញ ចន្ទ ប្រធានគណៈកម្មាធិការជាតិ​រៀបចំ​ការ​បោះ​ឆ្នោត(គ.ជ.ប)បានអំពាវនាវដល់អាជ្ញាធរសាធារណៈ​ទាំងអស់ត្រូវប្រកាន់ជំហរអព្យា​ក្រឹត្យ ឥតលម្អៀងក្នុងសកម្មភាពការងាររបស់ខ្លួន និងហាមយកសម្ភារ និងមធ្យោបាយ​ដឹកជញ្ជូន ដែលជាទ្រព្យសម្បត្តិរបស់រដ្ឋ ដើម្បីបម្រើឱ្យការឃោសនាបោះឆ្នោត​របស់​គណ​បក្សនយោបាយណាមួយ។ លោកបានបន្ថែមថា កងយោធពលខេមរភូមិន្ទ កងនគរ​បាលជាតិ ត្រូវប្រកាន់ជំហរអព្យាក្រឹត្យ និងត្រូវគោរព តាមក្រមសីលធម៌សម្រាប់​កងយោធ​ពលខេមរភូមិន្ទ និងកងនគរបាលជាតិ ដែលរៀបចំដោយ គ.ជ.ប។ ទន្ទឹមនេះ ត្រូវចូលរួម​ទប់ស្កាត់ឱ្យបាននូវរាល់អំពើបំភិតបំភ័យ គំរាមកំហែង ដល់បេក្ខជន សកម្មជន គណប ក្ស​នយោបាយ និងអ្នកបោះឆ្នោតតាមគ្រប់រូបភាព៕AKP

ប៉ូលិស​ដើរ​ល្បាត​កាល​ពី​ថ្ងៃ​ទី​១៦ វិច្ឆិកា ឆ្នាំ​២០១៧។អ៊ីនធឺណិត