ការនាំចេញសម្លៀកបំពាក់របស់កម្ពុជាទៅកាន់កូរ៉េខាងត្បូងកើនឡើង
សមតុល្យពាណិជ្ជកម្មរបស់កម្ពុជាជាមួយកូរ៉េខាងត្បូងមានភាពប្រសើរឡើងនៅក្នុងត្រីមាសទី១នៃឆ្នាំ២០២៣ជាមួយនឹងការថយចុះនៃការនាំចូលនិងការនាំចេញសម្លៀកបំពាក់កម្រិតខ្ពស់។ការនាំចេញសម្លៀកបំពាក់ទៅកាន់កូរ៉េខាងត្បូងបានកើនឡើង១៤.៣៧ ភាគរយ ដល់ ១៩១.៣៧៤លានដុល្លារ ក្នុងឆ្នាំ២០២២។កម្ពុជាជាប់ចំណាត់ថ្នាក់ទី៧ក្នុងចំណោមអ្នកផ្គត់ផ្គង់សម្លៀកបំពាក់កំពូលរបស់កូរ៉េខាងត្បូង ខណៈកូរ៉េខាងត្បូងជាប់ចំណាត់ថ្នាក់ទី១៣ ក្នុងទីផ្សារកំពូលរបស់កម្ពុជាសម្រាប់ការនាំចេញសម្លៀកបំពាក់។កម្ពុជាបានសម្រេចបានសមតុល្យពាណិជ្ជកម្មកាន់តែប្រសើរជាមួយប្រទេសកូរ៉េខាងត្បូងក្នុងអំឡុងត្រីមាសទី១នៃឆ្នាំនេះ។ការធ្លាក់ចុះនៃការនាំចូលពីកូរ៉េខាងត្បូងនិងការនាំចេញកាន់តែខ្ពស់បាននាំមកនូវការធូរស្រាលខ្លះដល់សេដ្ឋកិច្ចកម្ពុជា។ទិន្នន័យពាណិជ្ជកម្មបង្ហាញថាការនាំចេញសម្លៀកបំពាក់របស់កម្ពុជាទៅកាន់កូរ៉េខាងត្បូងបានរួមចំណែកដល់ការកើនឡើងនៃការនាំចេញទំនិញសរុប។បន្ទាប់ពីកំណើនដែលមានសុខភាពល្អក្នុងការនាំចេញសម្លៀកបំពាក់ទៅកាន់ប្រទេសកូរ៉េខាងត្បូងកាលពីឆ្នាំមុន ការនាំចេញរបស់កម្ពុជាក្នុងរយៈពេលពីរខែដំបូងនៃឆ្នាំនេះបានឈានដល់កម្រិតមួយស្រដៀងគ្នាទៅនឹងការសម្រេចបាននៅក្នុងត្រីមាសទី៤ ឆ្នាំ២០២២។ការនាំចេញសម្លៀកបំពាក់របស់កម្ពុជាទៅកាន់កូរ៉េខាងត្បូងបានកើនឡើងពី ១៦៧.១៥១លានដុល្លារក្នុងឆ្នាំ២០២១ ដល់ ១៩១.៣៧៤លានដុល្លារក្នុងឆ្នាំ២០២២ ដែលកត់ត្រាកំណើន ១៤.៣៧ភាគរយធៀបនឹងឆ្នាំមុន។ ការនាំចេញបានឈានដល់ ៤៣.១០៤លានដុល្លារក្នុងរយៈពេលពីរខែដំបូងនៃឆ្នាំ ២០២៣ ជិតនឹងការនាំចេញចំនួន ៤៣.១១២ លានដុល្លារក្នុងកំឡុងត្រីមាសទី៤ ឆ្នាំ២០២២។ ការនាំចេញសម្លៀកបំពាក់របស់កម្ពុជាបានកត់ត្រា ១៦៩.៧១៦លានដុល្លារក្នុងឆ្នាំ២០២០ ចំនួន ១៨៧.៦៥០លានដុល្លារក្នុងឆ្នាំ២០១៩ និង ១៧៣.១១២លានដុល្លារក្នុងឆ្នាំ២០១៨ នេះបើយោងតាមទីផ្សារទិន្នន័យ TexPro របស់ Fixbre2Fashion។ប្រទេសកូរ៉េខាងត្បូងជាប់ចំណាត់ថ្នាក់ទី១៣ ក្នុងទីផ្សារកំពូលរបស់កម្ពុជាសម្រាប់ការនាំចេញសម្លៀកបំពាក់។ ការនាំចេញទៅកាន់កូរ៉េខាងត្បូងមានចំនួន ១.៣៧ភាគរយ (១៩១.៣៧៤លានដុល្លារ) នៃការនាំចេញសរុបរបស់កម្ពុជាចំនួន ១៣.៩៨០ពាន់លានដុល្លារក្នុងឆ្នាំ២០២២។ទន្ទឹមនឹងនេះ កម្ពុជាគឺជាអ្នកផ្គត់ផ្គង់សម្លៀកបំពាក់ធំជាងគេទីប្រាំពីរសម្រាប់កូរ៉េខាងត្បូង។ ការនាំចូលសម្លៀកបំពាក់ពីប្រទេសកម្ពុជាមានចំនួន ១.៥៧ភាគរយនៃការនាំចូលសរុបចំនួន ១២.១៧៨ពាន់លានដុល្លារក្នុងឆ្នាំ២០២២។ ការនាំចូលសម្លៀកបំពាក់របស់កូរ៉េខាងត្បូងភាគច្រើនមកពីប្រទេសចិន និងវៀតណាម ដែលបានផ្គត់ផ្គង់សំលៀកបំពាក់ចំនួន៦៤ភាគរយទៅកាន់ទីផ្សារកូរ៉េ នេះបើយោងតាម TexPro៕ Fibre2Fashion News Desk (KUL)/Khmer Times
កម្មករកំពុងធ្វើការនៅក្នុងរោងចក្រកាត់ដេរសម្លៀកបំពាក់មួយនៅក្រុងតាខ្មៅកន្លងមក។ រូបថតpostkhmer
Post a Comment