នាយករដ្ឋមន្ត្រីហ៊ុន សែន៖ករណីគ្រុនចាញ់នៅកម្ពុជាមានការធ្លាក់ចុះយ៉ាងគំហុក
សម្តេចនាយករដ្ឋមន្ត្រីហ៊ុន សែនបានមានប្រសាសន៍ថា ករណីជំងឺគ្រុនចាញ់នៅកម្ពុជាបានធ្លាក់ចុះយ៉ាងគំហុកក្នុងរយៈពេល១១ឆ្នាំចុងក្រោយនេះដោយមិនមានអ្នកស្លាប់ដោយសារជំងឺនេះទេចាប់តាំងពីឆ្នាំ២០១៨មក។ក្នុងសារអបអរសាទរទិវាជាតិជំងឺគ្រុនចាញ់កាលពីថ្ងៃចន្ទ សម្តេចនាយករដ្ឋមន្រ្តី ហ៊ុន សែន បានមានប្រសាសន៍ថា ប្រទេសកម្ពុជាបានរាយការណ៍ករណីជំងឺគ្រុនចាញ់ចំនួន ៤,០៤១ ករណីក្នុងឆ្នាំ ២០២២ ដែលជាការថយចុះយ៉ាងខ្លាំងពីចំនួនជាង ១១ ម៉ឺនករណី ដែលមានអ្នកស្លាប់ជាង ៥០០ នាក់ក្នុងមួយឆ្នាំ មុនឆ្នាំ ២០១១។សម្តេចបន្តថា៖ «ចាប់តាំងពីឆ្នាំ ២០១៨ រហូតមកដល់បច្ចុប្បន្នមិនមានអ្នកស្លាប់ដោយសារជំងឺគ្រុនចាញ់ទេ។«រដ្ឋាភិបាលប្តេជ្ញាលុបបំបាត់ជំងឺគ្រុនចាញ់ក្នុងប្រទេសទាំងស្រុងនៅឆ្នាំ២០២៥»។លោក ហ៊ុយ រ៉េកុល នាយកមជ្ឈមណ្ឌលជាតិប្រយុទ្ធប្រឆាំងនឹងជំងឺគ្រុនចាញ់ប៉ារ៉ាស៊ីតសាស្ត្រនិងបាណកសាស្ត្របានចាត់ទុកការធ្លាក់ចុះយ៉ាងគំហុកនៃករណីជំងឺគ្រុនចាញ់ ដោយសារការឆ្លើយតបការតាមដានកាន់តែប្រសើរឡើងរបស់ប្រជាជន ការយល់ដឹងនិងមានឧបករណ៍គ្រប់គ្រាន់ដូចជាឧបករណ៍ធ្វើតេស្តជំងឺគ្រុនចាញ់មុងកម្ចាត់មូសនិងថ្នាំប្រឆាំងជំងឺគ្រុនចាញ់។ជំងឺគ្រុនចាញ់ គឺជាជំងឺឆ្លងដែលឆ្លងពីមូសខ្លាដែលតែងតែកើតមាននៅរដូវវស្សា ហើយភាគច្រើនកើតឡើងនៅក្នុងខេត្តដែលសម្បូរព្រៃ និងភ្នំ៕Xinhua/Khmer Times
សម្តេចនាយករដ្ឋមន្ត្រីហ៊ុន សែន។AFP
Post a Comment