នាយករដ្ឋមន្ត្រី៖កម្ពុជាមិនមែនជាប្រទេសផលិតប្រេងទេជួយតែគ្រប់គ្រងលើការលក់ប្រេងកុំឱ្យឡើងថ្លៃតាមអំពើចិត្ត
សម្តេចហ៊ុន សែននាយករដ្ឋមន្ត្រីនៃកម្ពុជាបានគូសញ្ជាក់ថាកម្ពុជាមិនមែនជាប្រទេសផលិតប្រេងនោះទេ។ប៉ុន្តែរាជរដ្ឋាភិបាលបានជួយគ្រប់គ្រងលើការលក់ប្រេងរបស់ក្រុមហ៊ុនឯកជនដើម្បីកុំឱ្យឡើងថ្លៃតាមអំពើចិត្ត។ការគូសបញ្ជាក់របស់សម្តេចនាយករដ្ឋមន្រ្ដីបែបនេះក្នុងឱកាសអញ្ជើញសម្ពោធដាក់ឱ្យប្រើប្រាស់ជាផ្លូវការអគារសម្ភពនៃមន្ទីរពេទ្យកុមារជាតិនាព្រឹកថ្ងៃទី២០ ខែមេសា ឆ្នាំ២០២៣ស្ថិតក្នុងបរិវេណមន្ទីរពេទ្យកុមារជាតិ រាជធានីភ្នំពេញ។សម្តេចហ៊ុន សែន បានមានប្រសាសន៍ថា ការឡើងចុះនៃតម្លៃប្រេងនៅលើពិភពលោក ដែលធ្វើឱ្យតម្លៃប្រេងសាំងនៅកម្ពុជា ក្នុងអំឡុងពេល បុណ្យចូលឆ្នាំខ្មែរកើនឡើងបន្តិចដែរ។សម្តេចបន្ដថា កម្ពុជាមិនមែនជាប្រទេសផលិតប្រេងនោះទេ។ប៉ុន្តែរាជរដ្ឋាភិបាលបានជួយគ្រប់គ្រងលើការលក់ប្រេងរបស់ក្រុមហ៊ុនឯកជនធ្វើយ៉ាងណាកុំឱ្យមានការដំឡើងថ្លៃប្រេងតាមអំពើចិត្ត។សម្តេចបានបន្ដទៀតថា មកដល់ពេលនេះកម្ពុជាមានរថយន្តចំនួនជាង១លានគ្រឿង និងម៉ូតូជាង៥លានគ្រឿងដែលធ្វើឱ្យមានការឡើងថ្លៃប្រេងឥន្ធនៈ។សម្តេចនាយករដ្ឋមន្រ្ដីបានថ្លែងថា៖«ឥឡូវប្រទេសរបស់យើងមានរថយន្តជាង១លានគ្រឿង និងម៉ូតូជាង៥លានគ្រឿងវាច្រើនណាស់ មួយថ្ងៃៗសាំងនោះស្រែកនោះៗហើយឥឡូវសាំងវាឡើងថ្លៃតែមិនយូរទេវាឡើងចុះៗ។ យើងមិនមែនប្រទេសផលិតប្រេងទេ។ប៉ុន្តែយើងជួយគ្រប់គ្រងកុំឱ្យដំឡើងថ្លៃតាមចិត្ត»។ជាមួយគ្នានេះ សម្ដេចបានថ្លែងបន្ដថាកាលពីមុនផ្លូវថ្នល់របស់កម្ពុជាមានទំហំ៧ម៉ែត្រ គឺត្រូវបានចាត់ទុកថាធំហើយ តែឥឡូវពង្រីកដល់១២ម៉ែត្រនិងផ្លូវខ្លះឡើងទៅ ដល់២០ ម៉ែត្រក៏នៅតែតូចទៀតវាស្ទះវរាចរណ៍ពេញហ្នឹងតែម្តង។ សម្ដេចនាយករដ្ឋមន្រ្តីបានឱ្យដឹងទៀតថាមានមតិខ្លះលើកឡើថាគួរតែធ្វើដូចប្រទេសសិង្ហបុរី ដែលពីដំបូងមុននឹងអ្នកណាម្នាក់ចង់ទិញឡានគឺបុគ្គលនោះត្រូវទិញសិទ្ធិទិញឡានជាមុនសិនដោយសិង្ហបុរីធ្វើបែបនេះដើម្បីកំណត់កុំឱ្យមានឡានច្រើនពេក។សម្ដេចហ៊ុន សែន បានថ្លែងបញ្ជាក់បន្ថែមថា៖ «បងប្អូនខ្លះលើកជាមតិថាគួរធ្វើដូចសាំងហ្គាពួរទៅខ្ញុំថាអត់ទេ ធ្វើដូចសាំងហ្គាពួរយ៉ាងម៉េចសាំងហ្គាពួរគេដំបូងមុន អ្នកឯងទិញឡាន អ្នកឯងត្រូវបានសិទ្ធិទិញឡានសិនទិញសិទ្ធិមានឡានជិះ ព្រោះគេកំណត់កុំឱ្យឡានវាច្រើនពេក។ឥឡូវឡានរបស់យើងមានជាង១លានម៉ូតូជាង៥លានវាច្រើនណាស់»៕AKP
Post a Comment