បាញ់ប្រហារនៅកណ្ដាលក្រុងសៀមរាបស្លាប់២នាក់នៅកន្លែងកើតហេតុ
បុរសម្នាក់បានបាញ់ប្រហារប្រពន្ធនិងបងប្អូនថ្លៃនៅតំបន់ផ្សារលើ ក្រុងសៀមរាប បង្កការភ្ញាក់ផ្អើលនៅព្រឹកថ្ងៃទី៧ ខែមេសា ឆ្នាំ២០២៣។សមត្ថកិច្ចបានសន្និដ្ឋានជាបឋមថាហេតុការណ៍នេះកើតឡើងដោយសារករណីទំនាស់ក្នុងគ្រួសារ។ជនដៃដល់ជាប្ដី ជាមួយនឹងកាំភ្លើងខ្លី បានចូលទៅផ្ទះបាញ់សម្លាប់ប្រពន្ធ រួចបន្តទៅបាញ់បងប្អូនថ្លៃដែលកំពុងលក់ដូរនៅផ្សារលើ។ ក្រោយមកខ្មាន់កាំភ្លើងបានបាញ់សម្លាប់ខ្លួនឯង។តាមសេចក្ដីរាយការណ៍ជាបឋម ប្រពន្ធ និងប្អូនថ្លៃប្រុសរបស់ជាដៃដល់ បានស្លាប់នៅនឹងកន្លែង ខណៈជនបង្កនិងប្អូនថ្លៃស្រីត្រូវបានបញ្ជូនទៅមន្ទីរពេទ្យ។ តាមប្រភពពីអ្នកជិតខាងបានបញ្ជាក់ថាខ្មាន់កាំភ្លើងនិងប្រពន្ធបានលែងលះគ្នាហើយ តែមិនទាន់ដាច់ស្រេចហើយករណីបាញ់សម្លាប់នេះ មិនទាន់ដឹងមូលហេតុពិតប្រាកដយ៉ាងណាទេ៕Khmer Times
ការបាញ់សម្លាប់នៅតំបន់ផ្សារលើក្រុងសៀមរាបនាថ្ងៃទី៧ ខែមេសា។Khmer Times
/unnamed.png
Post a Comment