ធនាគារពិភពលោករំពឹងថាតម្លៃអង្ករអន្តរជាតិនឹងកើនឡើងដល់១៧ភាគរយនៅឆ្នាំនេះ
ធនាគារពិភពលោកបានព្យាករណ៍ថាតម្លៃអង្ករអន្តរជាតិនឹងកើនឡើងដល់១៧ភាគរយបើធៀបនឹងឆ្នាំមុនដល់៥១០ដុល្លារក្នុងមួយតោនក្នុងឆ្នាំ២០២៣ មុនពេលធ្លាក់ចុះមកត្រឹម៤៩០ដុល្លារក្នុងមួយតោននៅឆ្នាំក្រោយ។
យោងតាមអត្ថបទទស្សនវិស័យទីផ្សារទំនិញប្រចាំឆ្នាំរបស់ខ្លួនដែលបានចេញផ្សាយនៅទីក្រុងវ៉ាស៊ីនតោនកាលពីថ្ងៃព្រហស្បតិ៍ធនាគារពិភពលោកបាននិយាយថាតម្លៃអង្ករបានកើនឡើង១១ភាគរយនៅក្នុងត្រីមាសទី១ នៃឆ្នាំនេះដោយសារតម្រូវការខ្ពស់ និងការធ្លាក់ចុះនៃការផ្គត់ផ្គង់។ធនាគារបានលើកឡើងទៀតថា តម្រូវការខ្លាំងបានបណ្តាលមកពី “ពិធីបុណ្យសំខាន់ៗ និងការស្តុកទុកនៅតំបន់អាស៊ី” រួមជាមួយនឹងការឡើងថ្លៃនៃរូបិយប័ណ្ណធៀបនឹងប្រាក់ដុល្លារអាមេរិកនៅក្នុងប្រទេសឥណ្ឌា ថៃ និងវៀតណាម។ការធ្លាក់ចុះនៃការផ្គត់ផ្គង់កំពុងប៉ះពាល់ដល់ “អ្នកផលិតអង្ករភាគច្រើននៅអាស៊ី រួមទាំងប្រទេសចិន ឥណ្ឌា មីយ៉ាន់ម៉ា ថៃ និងវៀតណាម”។ធនាគារនេះបាននិយាយថាកត្តាមួយទៀតគឺ “ការប្រមូលផលបានទាប និងទឹកជំនន់ក្នុងប្រទេសប៉ាគីស្ថានក្នុងខែកញ្ញាឆ្នាំមុន។តម្លៃអង្ករអន្តរជាតិ ដោយផ្អែកលើតម្លៃអង្ករគ្រាប់វែង (ខូច៥ភាគរយ) នៅប្រទេសថៃ ជាមធ្យម ៤៣៧ដុល្លារក្នុងមួយតោនកាលពីឆ្នាំមុន ធ្លាក់ចុះពី៤៥៨ ដុល្លារក្នុងមួយតោននៅឆ្នាំ២០២១ និង៤៩៧ ដុល្លារក្នុងមួយតោននៅឆ្នាំ២០២០។កត្តាជាច្រើនបានរួមចំណែកដល់ការកើនឡើងតម្លៃអង្ករ១១ ភាគរយនៅក្នុងត្រីមាសទី១៖ តម្រូវការខ្ពស់បណ្តាលមកពីពិធីបុណ្យធំៗ និងការស្តុកទុកឡើងវិញនៅទំបន់អាស៊ី និងការឡើងថ្លៃរូបិយប័ណ្ណធៀបនឹងប្រាក់ដុល្លារអាមេរិកនៅក្នុងប្រទេសឥណ្ឌា៕AKP/KhmerTimes
Post a Comment