នាយក​រ​ដ្ឋមន្ត្រីហ៊ុន សែនប្រកា​ស​កម្ពុជាបញ្ច​ប់កា​តព្វកិច្ចក្នុងកា​រ​ពាក់ម៉ាស

សម្តេចនាយករដ្ឋមន្ត្រី ហ៊ុន សែន បានប្រកាសនៅរសៀលម្សិលមិញថា កម្ពុជានឹងបញ្ចប់កាតព្វកិច្ចក្នុងការពាក់ម៉ាសនិងការធ្វើតេស្តរហ័សរកមេរោគកូវីដ-១៩នៅតាមកន្លែងជួបជុំសាធារណៈ។សម្តេចបានគូសបញ្ជាក់ក្នុងសារជាសំឡេងនៅរសៀលនេះថា“ពិធីបុណ្យចូលឆ្នាំថ្មីរបស់យើងបានប្រព្តឹត្តទៅដោយគ្មានការឆ្លងជំងឺកូវីដ-១៩។ដូច្នេះតាមសំណើរបស់ក្រសួងសុខាភិបាល រាជរដ្ឋាភិបាលសូមបញ្ចប់កាតព្វកិច្ចក្នុងការពាក់ម៉ាស់និងការធ្វើតេស្តរហ័សរកមេរោគកូវីដ-១៩សម្រាប់ការជួបជុំនានា។សម្តេចបានបន្ថែមថាមនុស្សម្នាក់អាចនៅតែបន្តជ្រើសរើសពាក់ម៉ាសឬធ្វើតេស្តរហ័ស។ប្រសិនបើពួកគេមានអារម្មណ៍មិនស្រួលខ្លួន។សម្តេចបានលើកឡើងទៀតថា“ថ្ងៃស្អែកខ្ញុំនឹងធ្វើជាអធិបតីក្នុងពិធីសម្ពោធអគារសម្ភពនៅមន្ទីរពេទ្យកុមារជាតិ។ ទោះបីជាកាតព្វកិច្ចពាក់ម៉ាសនិងការធ្វើតេស្តរហ័សត្រូវបានបញ្ចប់ក៏ដោយបុគ្គលម្នាក់ៗម្នាក់អាចនៅតែពាក់ម៉ាសបានប្រសិនបើពួកគេចង់”។ នេះនឹងកាត់បន្ថយការចំណាយលើម៉ាសឧបករណ៍ធ្វើតេស្តរហ័សនិងការព្យាបាល។ជាមួយគ្នានេះសម្តេចបានជំរុញឱ្យក្រសួងសុខាភិបាលបន្តតាមដានស្ថានភាពជំងឺកូវីដ-១៩និងជំរុញឱ្យគ្រប់គ្នាអនុវត្តវិធានការអនាម័យផ្ទាល់ខ្លួនពិសេសការលាងដៃ។សម្តេចក៏បានឆ្លៀតក្នុងឱកាសនេះណែនាំដល់អ្នកដែលមានជំងឺកូវីដ-១៩វិជ្ជមានឱ្យនៅដាច់ដោយឡែកនិងថែរក្សាសុខភាពឱ្យបានល្អផងដែរ។គិតត្រឹមថ្ងៃទី១៨ ខែមេសា ឆ្នាំ២០២៣ កម្ពុជាមានករណីឆ្លងជំងឺកូវីដ-១៩ ចំនួន ១៣៨,៧២៦ករណី ដោយមានអ្នកស្លាប់ត្រឹមតែ៣,០៥៦នាក់ប៉ុណ្ណោះ៕ AKP/Khmer Times

សម្តេចនាយករដ្ឋមន្ត្រី ហ៊ុន សែន ។AFP