ប្រធានាធិ​​បតី​កូ​រ៉េ​ច្រៀង​ភ្លា​​ម​ៗ​ក្នុង​ពិធី​​​​ជប់លៀង​នៅ​​សេ​​តវិមាន

 ប្រធានាធិបតីកូរ៉េខាងត្បូងបានទទួលការស្វាគមន៍យ៉ាងអធិកអធមនៅពេលដែលលោកបានសម្តែងបទចម្រៀងនៅក្នុងពិធីជប់លៀងមួយជាមួយប្រធានាធិបតីសហរដ្ឋអាមេរិកនៅសេតវិមាន។ប្រធានាធិបតីកូរ៉េខាងត្បូង Yoon Suk-yeol កំពុងបំពេញទស្សនកិច្ចផ្លូវរដ្ឋរយៈពេល៦ថ្ងៃនៅសហរដ្ឋអាមេរិក។ នៅល្ងាចថ្ងៃទី២៦ខែមេសា លោក Yoon និងភរិយាបានចូលរួមក្នុងពិធីជប់លៀងមួយដែលរៀបចំដោយប្រធានាធិបតីសហរដ្ឋអាមេរិក Joe Biden នៅសេតវិមាន។នេះ​ជា​អាហារ​ពេល​ល្ងាច​រដ្ឋ​សេតវិមាន​លើក​ទី​២​ចាប់​តាំង​ពី​លោក Joe Biden ចូល​កាន់​តំណែង។ ពិធីជប់លៀងរដ្ឋពីមុនគឺសម្រាប់ប្រធានាធិបតីបារាំង Emmanuel Macron កាលពីខែធ្នូឆ្នាំមុន។អ្នកនយោបាយនិងអ្នកល្បីល្បាញជាច្រើនត្រូវបានអញ្ជើញឱ្យចូលរួមក្នុងពិធីជប់លៀងរបស់រដ្ឋ។ប្រភព​ខ្លះ​បាន​ឲ្យ​ដឹង​ថាពិធី​ជប់លៀង​នេះ​មាន​ភ្ញៀវ​ចូល​រួម​ប្រមាណ២០០​នាក់។លោក Biden បានប្រាប់Yoonបន្ទាប់ពីអូសមេដឹកនាំកូរ៉េខាងត្បូងឡើងលើឆាកនៅចុងបញ្ចប់នៃពិធីជប់លៀងថា"យើងដឹងថា 'American Pie' គឺជាបទចម្រៀងដែលលោកចូលចិត្តបំផុត"។លោក Yoon បានសារភាពថា "បាទ ត្រូវហើយ" ដោយបន្ថែមថាលោកចូលចិត្តបទចម្រៀង "American Pie" របស់តន្ត្រីករ Don McLean ដែលបានចេញផ្សាយក្នុងឆ្នាំ១៩៧១ តាំងពីលោកនៅរៀន។លោក Bidenបានប្រាប់Yoon ថា "យើងចង់ឮអ្នកច្រៀងចម្រៀងនោះ"។បន្ទាប់ពីការស្នើរបស់ប្រធានាធិបតី Bidenលោកប្រធានាធិបតីYoonបានច្រៀងបទមួយនៅចំពោះមុខអ្នកដែលចូលរួមក្នុងពិធីជប់លៀង។ ការ​សម្តែង​ភ្លាមៗ​របស់​ប្រធានាធិបតី​កូរ៉េ​បាន​ធ្វើ​ឱ្យ​ហ្វូង​មនុស្ស​ទះ​ដៃ​យ៉ាង​ខ្លាំង។ លោក​ប្រធានាធិបតី Biden និង​ភរិយា​របស់​លោក​ទាំង​២បាន​បង្ហាញ​ការ​ចាប់​អារម្មណ៍​ចំពោះ​ការ​សម្តែង​របស់​លោក​ប្រធានាធិបតី Yoon។លោក Biden បាន​និយាយ​ថា៖«ខ្ញុំ​មិន​គិត​ថា​លោកអាច​ច្រៀង​បែប​នោះ​ទេ។លោកប្រធានាធិបតីBidenបាននិយាយថា តន្ត្រីករ McLean មិនអាចមកសេតវិមានដើម្បីចូលរួមពិធីជប់លៀងបានទេ ។ប៉ុន្តែបានផ្ញើហ្គីតាដែលចុះហត្ថលេខាដោយគាត់។ ប្រធានាធិបតី​អាមេរិក​បាន​ផ្តល់​ហ្គីតា​នេះ​ដល់​មេដឹកនាំ​កូរ៉េ។នេះ​មិន​មែន​ជា​លើក​ទី​១​ទេ ដែល​លោកYoonឡើង​ច្រៀង​ជា​សាធារណៈ។ក្នុងអំឡុងពេលយុទ្ធនាការបោះឆ្នោតឆ្នាំ២០២១លោកបានបង្ហាញខ្លួននៅក្នុងកម្មវិធីទូរទស្សន៍កូរ៉េដ៏ពេញនិយមមួយនិងបានសម្តែងបទចម្រៀង K-pop ៕ប្រភពAFP