រុស្ស៊ី​ថា​​​តម្លៃ​ប្រេង​​​​លោក​ខា​​ង​លិ​ច​​​បាន​ធូរ​រលុង(Reute​rs,TAS​S)

វិមានក្រឹមឡាំងបានចាត់ទុកថាកម្រិតតម្លៃប្រេងរបស់លោកខាងលិចដែលដាក់លើប្រទេសរុស្ស៊ីគឺ"ធូររលុង"ហើយថាទីក្រុងម៉ូស្គូបានចាត់វិធានការតបតដើម្បីធានាផលប្រយោជន៍របស់ខ្លួន។អ្នកនាំពាក្យវិមានក្រឹមឡាំងលោកDmitry Peskov បាននិយាយនៅថ្ងៃទី៧ថា"យើងមានហើយនឹងមិនទទួលស្គាល់កម្រិតតម្លៃណាមួយទេ។យើងកំពុងចាត់វិធានការដើម្បីកុំឱ្យប្រព័ន្ធកម្រិតតម្លៃមិនប៉ះពាល់ដល់ផលប្រយោជន៍របស់យើង"។Peskovបានធ្វើការអត្ថាធិប្បាយបន្ទាប់ពីទីប្រឹក្សាជាន់ខ្ពស់អាមេរិកផ្នែកសន្តិសុខថាមពលលោកAmos Hochstein បាននិយាយកាលពីថ្ងៃទី៦ខែមីនាថាវិធានការកម្រិតតម្លៃកំពុង "ដំណើរការ" ហើយបានប្រកាសថាប្រេងនិងផលិតផលប្រេងពីប្រទេសរុស្ស៊ីកំពុងជួញដូរក្រោមកម្រិតតម្លៃ។លោកខាងលិចសង្ឃឹមថាកម្រិតតម្លៃប្រេងនឹងជួយកំណត់ប្រាក់ចំណូលថាមពលរបស់រុស្ស៊ីក៏ដូចជាសមត្ថភាពរបស់ខ្លួនក្នុងការផ្តល់ហិរញ្ញប្បទានដល់យុទ្ធនាការយោធារបស់ទីក្រុងម៉ូស្គូនៅអ៊ុយក្រែន។ ប្រធានាធិបតីVladimir Putinកាលពីខែធ្នូបានចុះហត្ថលេខាលើក្រឹត្យហាមឃាត់ការនាំចេញប្រេងទៅកាន់ប្រទេសនានាដែលបានដាក់កម្រិតលើប្រេងរុស្ស៊ីចាប់ពីខែកុម្ភៈដោយហៅគោលនយោបាយកម្រិតតម្លៃថា«ឆ្កួត»។ប្រទេសរុស្ស៊ីមានប្រហែល១០% នៃការផ្គត់ផ្គង់ប្រេងពិភពលោក។ប្រទេសនេះបានចាប់ផ្តើមកាត់បន្ថយផលិតកម្មចំនួន៥០០,០០០ bpd ឬ៥% នៃទិន្នផលសរុបចាប់ពីដើមខែមីនា ដើម្បីឆ្លើយតបទៅនឹងវិធានការកំណត់តម្លៃ។G7, EU និង Australia បានកំណត់ក្រិតតម្លៃ ៦០USD/barrel លើប្រេងរុស្ស៊ីចាប់ពីថ្ងៃទី៥ខែធ្នូ ឆ្នាំ ២០២២។ចាប់ពីថ្ងៃទី៥ខែកុម្ភៈសហភាពអឺរ៉ុបបានបន្តកំណត់ក្រិតតម្លៃ១០០ដុល្លារ/បារ៉ែលលើផលិតផលចម្រាញ់ថ្នាក់ខ្ពស់ពីប្រេងរុស្ស៊ីដូចជាប្រេងម៉ាស៊ូត។ សម្រាប់​ផលិតផល​ផ្សេង​ទៀត ដូចជា​ប្រេង​ឥន្ធនៈ​គឺ៤៥ ដុល្លារ។

យោងតាមលោក Peskov កម្រិតតម្លៃទាំងនេះត្រូវបានកំណត់ "ធូររលុង" ។ លោកបានពន្យល់ថា "នោះគ្រាន់តែជាទស្សនៈរបស់ពួកគេប៉ុណ្ណោះ។ ពួកគេបានសម្រេចចិត្តដាក់កម្រិតតម្លៃ។ប៉ុន្តែហាក់ដូចជាមិនមានការរឹតបន្តឹងណាមួយទេ ប្រសិនបើយើងបន្តជួញដូរក្នុងតម្លៃបច្ចុប្បន្ន"៕

អ្នកនាំពាក្យវិមានក្រឹមឡាំងលោកDmitry Peskov ។AFP