លោកPut​​inអប​អរសា​ទរលោកXi

 ក្នុងការបោះឆ្នោតរបស់លោកជាប្រធានាធិបតីចិនប្រធានាធិបតីរុស្ស៊ី លោក Vladimir PutinបានអបអរសាទរចំពោះលោកXiJingPingក្នុងអាណត្តិទី៣ របស់លោកជាប្រធានាធិបតីចិននិងបានបញ្ជាក់ពីទំនាក់ទំនងល្អរវាងប្រទេសទាំង២។ប្រធានាធិបតីរុស្ស៊ី លោកVladimir Putinបានអបអរសាទរប្រធានាធិបតីចិន លោកXiJingPingនៅថ្ងៃនេះថា "ខ្ញុំមានទំនុកចិត្តថានៅពេលដែលយើងធ្វើការជាមួយគ្នាយើងនឹងធានាបាននូវការពង្រីកប្រកបដោយប្រសិទ្ធភាពនៃកិច្ចសហប្រតិបត្តិការរុស្ស៊ី-ចិនក្នុងវិស័យជាច្រើន"។លោកបានសង្កត់ធ្ងន់ថាមេដឹកនាំទាំង២នឹងជំរុញកិច្ចសហប្រតិបត្តិការលើបញ្ហាតំបន់និងសេដ្ឋកិច្ចសំខាន់បំផុត។លោក Xi Jinping ដែលមានអាយុ៦៩ឆ្នាំនៅថ្ងៃដដែលនោះត្រូវបានជ្រើសរើសដោយសភាប្រជាជនជាតិនៃប្រទេសចិនឱ្យកាន់តំណែងជាប្រធានាធិបតីសម្រាប់អាណត្តិទី៣។ សមាជិកសភាចិនក៏បានជ្រើសរើសលោក Xi ជាប្រធានគណៈកម្មការយោធាមជ្ឈិមផងដែរ។ក្នុង​អំឡុង​ទសវត្សរ៍​នៃ​ការ​គ្រប់​គ្រង​របស់​លោកXiចិន​បាន​សម្រេច​បាន​សមិទ្ធផល​ជា​ច្រើន​ក្នុង​ការ​កាត់​បន្ថយ​ភាព​ក្រីក្រ។ នៅក្នុងសមាជជាតិលើកទី២០កាលពីឆ្នាំមុន លោក Xi បានគូសបញ្ជាក់អំពីអាទិភាពគោលនយោបាយរបស់ប្រទេសចិននាពេលខាងមុខដោយសង្កត់ធ្ងន់ទៅលើការអប់រំប្រកបដោយគុណភាពខ្ពស់និងការច្នៃប្រឌិតក្នុងកំណើនសេដ្ឋកិច្ច។លោកបានកំណត់ថាការបង្កើតថ្មីជាបេះដូងនៃការជំរុញទំនើបកម្មរបស់ប្រទេសចិនក្នុងគោលបំណងបង្កើតប្រព័ន្ធអេកូឡូស៊ីនវានុវត្តន៍ដែលមានលក្ខណៈប្រកួតប្រជែងបើកចំហនិងជាសកល។នៅក្នុងថ្ងៃធ្វើការខាងមុខនេះសភារបស់ប្រទេសចិនត្រូវបានគេរំពឹងថានឹងជ្រើសរើសតំណែងជាន់ខ្ពស់ផ្សេងទៀតដូចជានាយករដ្ឋមន្ត្រី ឧបនាយករដ្ឋមន្ត្រីទេសាភិបាលធនាគារកណ្តាលនិងជាប្រធានអាជ្ញាធរហិរញ្ញវត្ថុ។ចិននិងរុស្ស៊ីរក្សាទំនាក់ទំនងល្អទោះបីជាមានសម្ពាធពីលោកខាងលិចជុំវិញយុទ្ធនាការយោធានៅអ៊ុយក្រែនក៏ដោយ។ទីក្រុងប៉េកាំងមិនដាក់ទណ្ឌកម្មលើទីក្រុងម៉ូស្គូទេហើយបាននិយាយម្តងហើយម្តងទៀតថាខ្លួនចង់អភិវឌ្ឍទំនាក់ទំនងនេះឡើងដល់កម្ពស់ថ្មីមួយ។អ្នកការទូតកំពូលរបស់ចិន លោក Wang Yi កាលពីខែកុម្ភៈ បានជួបជាមួយប្រធានាធិបតីរុស្ស៊ី លោក VladimirPutinនៅទីក្រុងម៉ូស្គូដោយទទូចថាប្រទេសផ្សេងទៀតមិនអាចប៉ះពាល់ដល់ទំនាក់ទំនងទ្វេភាគីបានទេ។ លោកPutinបានសម្តែងក្តីសង្ឃឹមថា លោកXiនឹងទៅបំពេញទស្សនកិច្ចនៅទីក្រុងម៉ូស្គូនិងធ្វើឱ្យទំនាក់ទំនងភាពជាដៃគូរវាងប្រទេសទាំង២កាន់តែស៊ីជម្រៅ៕យោងតាមReuters

ប្រធានាធិបតីចិនលោកXi Jinpingសមភាគីរុស្ស៊ីលោកVladimir Putin។