នាយករដ្ឋមន្ត្រីជប៉ុ​នចង់អញ្ជើញវៀត​ណា​មចូលរួម​កិច្ចប្រជុំG7

 នាយករដ្ឋមន្ត្រីជប៉ុនលោកFumioKishidaគ្រោងនឹងអញ្ជើញមេដឹកនាំនៃប្រទេសមួយចំនួនរួមទាំងវៀតណាមចូលរួមកិច្ចប្រជុំG7នៅខែឧសភា។ក្នុងដំណើរបំពេញទស្សនកិច្ចនៅប្រទេសឥណ្ឌានាថ្ងៃទី២០ខែមីនានាយករដ្ឋមន្ត្រី Fumio Kishidaបានឲ្យដឹងថាប្រទេសជប៉ុនចង់អញ្ជើញនាយករដ្ឋមន្ត្រីឥណ្ឌា Narendra Modi និងថ្នាក់ដឹកនាំប្រទេសក្នុងតំបន់ រួមទាំងកូរ៉េខាងត្បូង ឥណ្ឌូនេស៊ីនិងវៀតណាមព្រមទាំងប្រទេសប្រេស៊ីលចូលរួមនាពេលខាងមុខ។កិច្ចប្រជុំកំពូលនៃក្រុមប្រទេសឧស្សាហកម្មទាំង៧(G7)។កិច្ចប្រជុំG7 នៅឆ្នាំនេះគ្រោងនឹងធ្វើឡើងនៅទីក្រុងហ៊ីរ៉ូស៊ីម៉ាភាគខាងលិចប្រទេសជប៉ុន ចាប់ពីថ្ងៃទី១៩-២១ខែឧសភា។ក្នុង​នាម​ជា​ប្រទេស​ម្ចាស់​ផ្ទះជប៉ុន​អាច​អញ្ជើញ​តំណាង​ប្រទេស​ដែល​មិន​មែន​ជា​សមាជិកG7មក​ចូល​រួម​កិច្ច​ប្រជុំកំពូល។នៅក្នុងជំនួបរបស់លោកជាមួយនាយករដ្ឋមន្ត្រី Modi លោក Kishidaបានប្រកាសពីផែនការវិនិយោគរាប់ពាន់លានដុល្លារក្នុងហេដ្ឋារចនាសម្ព័ន្ធនិងផ្នែកផ្សេងទៀតនៅក្នុងតំបន់។លោក Kishida បានសង្កត់ធ្ងន់ថា "ខ្ញុំបានគូសបញ្ជាក់ផែនការរបស់ប្រទេសជប៉ុនក្នុងការអភិវឌ្ឍន៍តំបន់ឥណ្ឌូប៉ាស៊ីហ្វិកសេរីនិងបើកចំហ។ដើម្បីសម្រេចបាននូវចំណុចនេះឥណ្ឌាគឺជាដៃគូដែលមិនអាចខ្វះបាន" ។នាយករដ្ឋមន្ត្រីជប៉ុនបានបន្ថែមថា "ប្រទេសជប៉ុននឹងពង្រឹងការសម្របសម្រួលជាមួយសហរដ្ឋអាមេរិក អូស្ត្រាលី ចក្រភពអង់គ្លេស កាណាដា អឺរ៉ុប និងកន្លែងផ្សេងៗទៀត។ ពិតណាស់ឥណ្ឌាមិនអាចរំលងបានទេ"៕យោងតាមAFP

នាយក​រដ្ឋមន្ត្រី​ជប៉ុន​លោក Fumio Kishida ថ្លែង​នៅ​ក្នុង​ទីក្រុង New Delhi ប្រទេស​ឥណ្ឌាកាល​ពី​ថ្ងៃ​ទី២០ខែ​មីនា។ រូបថត៖Youmiuri ។